ຢໍພຽງ-ອາຫານພິເສດຂອງຮ່າໂນ້ຍ |
ພຽງແມ່ນສັດປະເພດໜຶ່ງເຄີຍປະກົດຕົວຢູ່ເຂດນ້ຳເຄັມທີ່ມີຊື່ວິທະຍາສາດວ່າ Nereidae, ມີຫຼາຍຢູ່ແຂວງຫາຍເຢືອງ, ນະຄອນຫາຍຟ່ອງ ພາກເໜືອຫວຽດນາມ. ສຳລັບຊາວຮ່າໂນ້ຍແລ້ວ, ພຽງແມ່ນວັດຖຸດິບທີ່ເຄີຍປຸງແຕ່ງເປັນເຍືອງອາຫານພິເສດຢໍພຽງ. ພຽງເຄີຍປະກົດມີຂາຍຫຼາຍທີ່ສຸດ ແມ່ນໃນຍາມເດືອນ 9 ແລະ 10 ແຕ່ລະປີ ໂດຍໄລ່ຕາມຈັນທະປະຕິທິນ.
“ຢໍພຽງແມ່ນອາຫານຊະນິດໜຶ່ງທີ່ແຊບນົວ, ພິເສດແມ່ນມີກິນຫອມຂອງເປືອກໝາກກ້ຽງນ້ອຍ. ທັງຄອບຄົວຂ້າພະເຈົາ້, ກໍມັກກິນ ຢໍພຽງທີ່ສຸດ”
ສຳລັບປະຊາຊົນຢູ່ຖະໜົນຫຼໍ່ດຸກເວົ້າສະເພາະ ແລະ ຊາວຮ່າໂນ້ຍເວົ້າລວມແລ້ວ, ຮ້ານຂາຍ ຢໍພຽງ ຂອງນາງຊວນ ແມ່ນຮ້ານທີ່ມີຊື່ສຽງເພາະ ຢໍພຽງຂອງຮ້ານຍາມໃດກໍຖືກປຸງແຕ່ງດ້ວຍວັດຖຸດິບທີ່ຮັບປະກັນຄຸນນະພາບ. ໃນມື້,ຢໍພຽງເຮັດໄດ້ຫຼາຍເທົ່າໃດ, ກໍສາມາດຂາຍໄດ້ໝົດເທົ່ານັ້ນ.
ຕາມນາງຊວນແລ້ວ, ເຮັດຢໍພຽງແຊບຫຼືບໍ່ ແມ່ນຂຶ້ນກັບວັດຖຸດິບ. ຮອດຍາມມີພຽງໃນແຕ່ລະປີ, ນາງເຄີຍໄປເກັບຊື້ພຽງເຖິງ 20-30 ໂລ, ຕ້ອງທຳຄວາມສະອາດ, ແລ້ວນຳເອົາແຊ່ເຢັນໃນຕູ້ເຢັນ. ນາງຊວນໃຫ້ຮູ້ວ່າ :
“ ເມື່ອເລືອກເອົາພຽງ ແມ່ນຕ້ອງເອົາໃຈໃສ່ດັ່ງນີ້: ພຽງຕ້ອງມີສີແດງ, ຍັງເປັນ ແລະ ພວມລອຍຢູ່, ນີ້ຖືວ່າແມ່ນພຽງທີ່ຮັບປະກັນຄຸນນະພາບ. ສ່ວນພຽງໄດ້ປ່ຽນສູ່ສີຂຽວແມ່ນ ພຽງບໍ່ແຊບອີກ ”
ພຽງແມ່ນສັດປະເພດໜຶ່ງທີ່ມີທາດບຳລຸງແກ່ສຸຂະພາບຂອງມະນຸດ, ດັ່ງນັ້ນໄດ້ຮັບຄວາມນິຍົມຈາກຜູ້ບໍລິໂພກທັງຫຼາຍ. ນາງຊວນເປີດເຜີຍວ່າ :
“ ວັດຖຸດິບຕົ້ນຕໍ່ເພື່ອປ່ງແຕ່ງຢໍພຽງ ລວມມີ ຊີ້ນ, ໄຂ່, ຜັກຫອມບົວ, ຜັກຊີ, ເກືອ, ໝາກພີກໄທ, ແປ້ງນົວ ແລະ ສຳຄັນກວ່າໝູ່ແມ່ນຕ້ອງມີເປືອກໝາກກ້ຽງນ້ອຍ ”
ນາງຊວນໃຫ້ຮູ້ຕື່ມອີກວ່າ :
“ເປືອກໝາກກ້ຽງນ້ອຍແມ່ນໃຊ້ເພື່ອຫຼຸດຜ່ອນກິນຄາວຂອງພຽງ, ເປືອກໝາກກ້ຽງຕ້ອງຕັດນ້ອຍ, ແລ້ວເອົາໄປຄັນກັບພຽງ ແລະ ເຄື່ອງຫອມຕ່າງໆ, ຈຶ່ງຈະເຮັດໃຫ້ມີລົດຫອມພິເສດ ”
ແຕ່ລະມື້, ຮ້ານຂອງນາງຊວນສາມາດຂາຍ ຢໍພຽງ ໄດ້ນັບສິບໂລ, ຢໍພຽງຕອນນ້ອຍຊ່ຳຝາມືແມ່ນມີລາຄາປະມານ 20.000 ດົງ ປະມານ 1 USD . ເມື່ອກິນ ຢໍພຽງ ກໍຕ້ອງຈ້ຳນ້ຳປາໃສ່ໝາກເຜັດ ແລະ ຖ້າວ່າພວກເພື່ອນກິນຍາມໜາວກໍແຊບທີ່ສຸດ.
ຖ້າຫາກເພື່ອຢາກປຸງແຕ່ງ ຢໍພຽງ ໃຫ້ 4 ຄົນກິນ, ແມ່ນຕ້ອງກະກຽມວັດຖຸດິບດັ່ງນີ້:
-ພຽງ : 300 ກຣາມ
- ຊີ້ນໝູບົດ : 150 ກຣາມ
- ໄຂ່ໄກ່ : 2 ໜ່ວຍ
ພ້ອມກັບເປືອກໝາກກ້ຽງນ້ອຍ ຜັກຫອມບົວ, ຜັກຊີ, ເກືອ, ໝາກພີກໄທ, ແປ້ງນົວ…
ທຳອິດ, ພາຍຫຼັງທີ່ໄດ້ຊື້ພຽງມາແລ້ວ, ພວກເພື່ອນຳເອົາພຽງໃສ່ຊາມໜ່ວຍໜຶ່ງ, ແລ້ວຖອກນ້ຳເຢັນໃສ່, ລ້າງໃຫ້ສະອາດ, ຕໍ່ຈາກນັ້ນຕ້ອງລ້າງດ້ວຍນ້ຳອຸ່ນ, ແລ້ວປະໄວ້ໃຫ້ແຫ້ງ.
ຫຼັງຈາກນັ້ນ, ພວກເພື່ອນຕ້ອງລ້າງ ເປືອກໝາກກ້ຽງນ້ອຍ ຜັກຫອມບົວ, ຜັກຊີໃຫ້ສະອາດ, ແລ້ວຕັດໃຫ້ນ້ອຍ, ຕໍ່ຈາກນັ້ນຕ້ອງຄັນກັບເກືອ, ໝາກພີກໄທ, ແປ້ງນົວ ແລ້ວເອົາໄຂ່ແດງພ້ອມກັບຊີ້ໝູບົດ ແລະ ພຽງໃສ່ ແລະ ຄົນໃຫ້ແລກ. ຂອດສຸດທ້າຍ ແມ່ນນຳໄປຈືນດ້ວຍນ້ຳມັນພືດຈົນສຸກເຫຼືອງ. ຫວັງວ່າພວກທ່ານຈະກິນແຊບ.