ໃນບັນດາເຍື່ອງອາຫານທີ່ຖືກເລາະຂາຍຢູ່ຕາມທາງໃນນະຄອນຫຼວງຮ່າໂນ້ຍນັ້ນ, ແມ່ນບໍ່ອາດບໍ່ເວົ້າເຖິງເຍື່ອງອາຫານ ບັນຂຸກ ຊຶ່ງຖືກປຸງແຕ່ງດ້ວຍວັດຖຸດິບຕ່າງໆເຊັ່ນ : ເຂົ້າໜຽວ, ຖົ່ວຂຽວ, ຊີ້ນໝູ, ຜັກຂຸກ…
ເຍື່ອງອາຫານ ບັນຂຸກ |
ຮ້ານຂາຍ ບັນຂຸກກວນ ຖືກຕັ້ງຢູ່ເຮືອນເລກທີ 35 ຖະໜົນ ເກົາໂກ້ ຫ່າງຈາກ ໜອງ ຮ່ວານກ້ຽມ ປະມານ 200 ແມັດ. ດ້ວຍເນື້ອທີ່ແຄບສົມຄວນ, ຮ້ານຂາຍ ບັນຂຸກກວນ ມີພຽງໂຕະຕັ່ງພຽງ 3 ຊຸດເທົ່ານັ້ນ. ຢູ່ໜ້າຮ້ານ ມີໝໍ້ໜ່ວຍໜຶ່ງເຮັດດ້ວຍດິນເຜົາ ສາມາດບັນຈຸ ບັນຂຸກໄດ້ປະມານ 70 ຫາ 80 ຫໍ່, ໝໍ້ບັນຂຸກນີ້ ຖືກຕັ້ງຢູ່ໃນກະຈາດໂດຍຖືກຫຸ້ມດ້ວຍຜ້າຫົ່ມໜາຜືນໜຶ່ງເພື່ອຮັກສາຄວາມຮ້ອນ. ທ້າວຮ່ວາງ ຜູ້ເຄີຍມາຊື້ ບັນຂຸກ ຢູ່ ຮ້ານບັນຂຸກກວນ ໃຫ້ຮູ້ວ່າ :
“ ເຮືອນຂ້າພະເຈົ້າຢູ່ຖະໜົນ ລໍ່ດຸກ, ແຕ່ລະເທື່ອເມື່ອຢາກກິນ ບັນຂຸກ, ຂ້າພະເຈົ້າຕ້ອງໄປຮອດຖະໜົນ ເກົາໂກ້ ເພື່ອຊື້ ບັນຂຸກ. ບັນຂຸກຢູ່ ຮ້ານບັນຂຸກກວນ ແຊບຫຼາຍ ”
ບັນຂຸກ ຖືກປຸງແຕ່ງຈາກວັດຖຸດິບຕ່າງໆທີ່ຕິດພັນກັບຊາວກະສີກອນ, ເມື່ອໄດ້ກິນ ບັນຂຸກ ເທື່ອທຳອິດ ກໍຄຶດວ່າ ຈະເຮັດງ່າຍ, ແຕ່ໃນຕົວຈິງ ມັນຕ້ອງການປຸງແຕ່ງຢ່າງລະອຽດ ແລະ ຕ້ອງມີປະສົບການດ້ານປຸງແຕ່ງອາຫານ. ເພື່ອປຸງແຕ່ງ ບັນຂຸກ ໃຫ້ແຊບນັ້ນ, ກໍຕ້ອງເລືອກເອົາວັດຖຸດິບສົດ ແລະ ຊະນິດພິເສດ ພ້ອມດ້ວຍເຂັດລັບຂອງແຕ່ລະຄົນ. ດ້ວຍປະສົບການໃນການປຸງແຕ່ງ ບັນຂຸກ ມາເປັນເວລາເກືອບ 20 ປີ, ທ້າວ ຫງວຽນວັນກວນ ເຈົ້າຂອງຮ້ານຂາຍ ບັນຂຸກກວນ ຢູ່ 35 ຖະໜົນເກົາໂກ້ ເປີດເຜີຍວ່າ :
“ ເພື່ອປຸງແຕ່ງ ບັນຂຸກ ໃຫ້ແຊບນັ້ນ, ກໍຕ້ອງຜ່ານຫຼາຍຂັ້ນຕອນ, ທຳອິດຕ້ອງເລືອກເອົາເຂົ້າໜຽວຊະນິດຫອມ, ແລ້ວກໍຮອດຂັ້ນຕອນໝ່າເຂົ້າ ກໍຕ້ອງມີເຂັດລັບສະເພາະ. ສຳລັບຖົ່ວຂຽວ, ຊີ້ໝູ 3 ຊັ້ນກໍຕ້ອງເລືອກເອົາຊະນິດພິເສດ. ”
ບັນຂຸກ ຖືກຫນື້ງໃນໝໍ້ດິນເຜົາ, ເມື່ອເຫັນອາຍລະເຫີຍຂຶ້ນ, ນັບຕັ້ງແຕ່ນັ້ນ ປະມານ ໜຶ່ງຊົ່ວໂມງ ກໍສຸກແລ້ວ. ແຕ່ລະມື້, ຮ້ານຂາຍ ບັນຂຸກ ຂອງ ທ້າວກວນ ສາມາດຂາຍ ບັນຂຸກ ໄດ້ເກືອບ 600 ຫໍ່, ນັ້ນແມ່ນຍັງບໍ່ທັນຄິດໄລ່ເຖິງຈຳນວນ ບັນຂຸກ ຖືກຂາຍສົ່ງຢູ່ຮ້ານຕ່າງໆໃນນະຄອນ. ນາງ ເລທິຍ່ວນ ຜູ້ຂາຍ ບັນຂຸກ ໃຫ້ຮູ້ວ່າ :
“ ມີຫຼາຍຄົນໄດ້ມາຊື້ ບັນຂຸກ ເພື່ອນຳໄປພາກໃຕ້, ມີເອື້ອຍຄູຫຼາຍຄົນກໍໄດ້ມາຊື້ໃຫ້ນັກຮຽນຂອງຕົນອີກ. ຖ້າວ່າ ແຂກຢາກຊື້ບັນຂຸກນຳໄປແດນໄກ, ກໍຄວນປະບັນຂຸກໃຫ້ເຢັນ, ແລ້ວຫຸ້ມຫໍ່ໃຫ້ດີ, ເວລາໃດຢາກກິນ ກໍຄວນນຳໄປໜື້ງຄືນໃຫ້ຮ້ອນ ”
ສ່ວນທ້າວເຈືອງ ຜູ້ມາກິນ ບັນຂຸກ ຢູ່ ຮ້ານບັນຂຸກກວນ ໃຫ້ຮູ້ວ່າ :
“ບັນຂຸກມີລົດຊາດພິເສດຫຼາຍຢ່າງ, ເມື່ອກິນບັນຂຸກຢູ່ຮ້ານບັນຂຸກກວນ, ຂ້າພະເຈົ້າຮູ້ສຶກໄດ້ເຖິງລົດຫວານຂອງເຂົ້າໜຽວ, ລົດຫອມຂອງຖົ່ວຂຽວ, ຜັກຂຸກ, ໝາກພີກໄທ ແລະ ລົດຊາດພິເສດຂອງຊີ້ນໝູ 3 ຊັ້ນ. ເມືືື່ອກິນບັນຂຸກໂດຍຈ້ຳກັບງາ ຈະເຮັດໃຫ້ຜູ້ບໍລິໂພກບໍ່ອາດຫຼົງລືມໄດ້ ”
ສ່ວນປ້າເຝື້ອງເປີດເຜີຍວ່າ :
“ ແຕ່ລະເທື່ອ, ເມື່ອມີໝູ່ມາຢ້ຽມຢາມ, ນັບທັງໝູ່ມາຈາກພາກໃຕ້, ຂ້າພະເຈົ້າລ້ວນແຕ່ມານີ້ຊື້ ບັນຂຸກເມືອລ້ຽງໝູ່. ເມື່ອໄດ້ກິນແລ້ວ, ໃຜໆ ກໍຍ້ອງວ່າແຊບ”
ບັນຂຸກຮ້ອນຖືກຫໍ່ດ້ວຍໃບຕອງກ້ວຍສົດ ແລະ ຖືກຂາຍດ້ວຍລາຄາ 13. 000 ດົງ/ຫໍ່. ຖ້າຫາກບັນດາເພື່ອນມີໂອກາດມາຢ້ຽມຢາມຮ່າໂນ້ຍດ ຢາລືມແວ່ ຮ້ານບັນຂຸກກວນ ຕັ້ງຢູ່ເຮືອນເລກທີ 35 ຖະໜົນ ເກົາໂກ້ ເພື່ອຊິມລົດຊາດພິເສດຂອງ ບັນຂຸກ ແດ່ເດີ້.