(vovworld) - ກໍ່ເຊັ່ນດຽວກັບຫຼາຍຊົນເຜົ່າທີ່ແຕກຕ່າງກັນຢູ່ເຂດ ໄຕງວຽນ, ຊາວເຜົ່າ K’ho ມີມູນເຊື້ອຕຳ່ຜ້າ ແລະ ຕັດຫຍິບຊຸດອາພອນເອງໃຫ້ຊົນເຜົ່າຕົນ. ບັນດາຊຸດອາພອນຂອງຊາວເຜົ່າ K’ho ບໍ່ພຽງແຕ່ມີຄວາມງາມທີ່ເປັນເອກະລັກສະເພາະເທົ່ານັ້ນ, ຫາກຍັງສະແດງໃຫ້ເຫັນວັດທະນະທຳ, ສີສັນພິເສດສະເພາະຂອງຊາວເຜົ່າ K’ho ອີກດ້ວຍ.
![ຊຸດອາພອນທີ່ເປັນເອກະລັກສະເພາະຂອງຊົນເຜົ່າ K’ho - ảnh 1](https://photo-cms-vovworld.zadn.vn/w500/uploaded/vovworld/bcgmbuiq/2016_09_20/541.jpg)
(ພາບປະກອບ)
ຊາວເຜົ່າ K’ho ໃນເມື່ອກ່ອນນຸ່ງຖືແບບງ່າຍດາຍ, ເຂົາເຈົ້າບໍ່ນຸ່ງເສື້ອ, ຜູ້ຊາຍໃສ່ກະຕ່ຽວ, ຜູ້ຍິງນຸ່ງກະໂປ່ງສັ້ນ. ເມື່ອຜ້າແພຍັງຂາດເຂີນ, ເຂົາເຈົ້າໄດ້ໃຊ້ເປືອກໄມ້ປ່າແຊ່ນ້ຳໃຫ້ຢາງອອກ, ພັບເຂົ້າແລ້ວຕັດຄໍ ແລະ ຫຍິບແຂນເສື້ອດ້ວຍເສັ້ນຫວາຍເພື່ອເປັນເສື້ອກັນໜາວ. ຜ່ານການເວລາ, ອາຊີບຕຳ່ຜ້າ ແລະ ຫຍິບໂສ້ງເສື້ອຂອງຊາວເຜົ່າ K’ho ພັດທະນາທີ່ສຸດ. ປະຈຸບັນ, ຊາວເຜົ່າ K’ho ມີທັດສະນະກ່ຽວກັບຄວາມງາມຂອງຊຸດອາພອນແມ່ນງ່າຍດາຍ ແຕ່ຍັງຄົງເປັນເອກະລັກສະເພາະ. ຜູ້ຊາຍຊາວເຜົ່າ K’ho ມີຮ່າງກາຍລຳສັນ, ແຂງແຮງ, ດັ່ງນັ້ນເຂົາເຈົ້າມັກເປືອຍໂຕບໍ່ໃສ່ເສື້ອ, ນຸ່ງກະຕ່ຽວດ້ວຍແຜ່ນແພກວ້າງພໍສົມຄວນ, ຍາວ 1,5-2ແມັດ, ມີຮູບລວດລາຍຕາມລວງຍາວຂອງແຜ່ນແພນັ້ນ. ທ່ານ ຢວມຢາຍບາດ, ຊາວເຜົ່າ K’ho ໃຫ້ຮູ້ວ່າ:
“ສີສັນ, ລວດລາຍໃນແຜ່ນແພແມ່ນຍັງຄົງຮັກສາຕາມປະເພນີເດີມ, ນັ້ນແມ່ນບັນດາລວດລາຍຕາມລວງຍາວ ແລະ ລວງຂວາງ ພ້ອມກັບຍອຍຜ້າທີ່ປະດັບປະດາຢູ່ເຊິີງກະຕ່ຽວ. ຖ້າບໍ່ເຮັດຄືແນວນັ້ນແມ່ນບໍ່ໄດ້. ເມື່ອນຸ່ງກະຕ່ຽວບໍ່ໄດ້ສັ້ນໂພດ, ຫາກຕ້ອງຍາວເຖິງຫົວເຂົ່າ“
ເສື້ອຂອງຊາວເຜົ່າ K’ho ໄດ້ຮັບການຕຳ່ງ່າຍດາຍພໍສົມຄວນ, ນັ້ນແມ່ນເສື້ອຊຸບຫົວ, ຄໍເສື້ອກົມ, ບໍ່ມີແຂນ ແລະ ມີລວດລາຍປະດັບປະດາດ້ວຍສີຟ້າ ແລະ ສີດຳ. ເສື້ອຂອງຜູ້ຊາຍໃນເມື່ອກ່ອນຖືກມັດດ້ວຍເສັ້ນຜ້າ, ສ່ວນປະຈຸບັນແມ່ນໃສ່ກະດູມ. ບັນດາລວດລາຍທີ່ປະດັບປະດາໃນເສື້ອຂອງຜູ້ຊາຍແມ່ນສຸມໃສ່ຕີນເສື້ອດ້ວຍຮູບດອກໄມ້, ຕານົກ. ກະຕ່ຽວເມື່ອນຸ່ງພ້ອມກັບເສື້ອ, ຍາມໃດກໍ່ເຮັດໃຫ້ຮ່າງກາຍຂອງຜູ້ຊາຍທັງມີຄວາມສວຍງາມ ແລະ ແຂງແຮງກວ່າ. ຕາມປະເພນີທີ່ເປັນມູນເຊື້ອ, ບັນດາຜູ້ສາວຊາວເຜົ່າ K’ho ເມື່ອເຕີບໃຫຍ່ລ້ວນແຕ່ໄດ້ຮັບການຮຽນວິທີຕຳ່ຜ້າຈາກແມ່, ເພື່ອບໍ່ພຽງແຕ່ສາມາດຕຳ່ຜ້າ, ຕັດຫຍິບຊຸດອາພອນທີ່ສວຍງາມໃຫ້ແກ່ຕົນເທົ່ານັ້ນ, ຫາກຍັງຕັດຫຍິບໃຫ້ທັງຄອບຄົວ ແລະ ນຳເອົາຜະລິດຕະພັນຕຳ່ຜ້າຂອງຕົນມາເປັນສິນສອດໃຫ້ຄອບຄົວຝ່າຍຜູ້ຊາຍອີກດ້ວຍ. ບັນດາຊຸດກະໂປ່ງສວຍງາມທີ່ສຸດແມ່ນຖືກໃຊ້ໃນງານດອງ, ງານບຸນຕ່າງໆ ທ່າມກາງສຽງກອງທີ່ຟົດຟື້ນມ່ວນຊື່ນຂອງຊາວບ້ານ. ສາວຜູ້ໃດມີຊຸດກະໂປ່ງສວຍງາມ, ກໍ່ເປັນຜູ້ດຸໝັ່ນຂະຫຍັນພຽນ, ໄດ້ຮັບຄວາມສົນໃຈຈາກຜູ້ຊາຍຫຼາຍຄົນ ແລະ ຍິ່ງມີເງື່ອນໄຂເລືອກເຟັ້ນເພື່ອ “ຈັບຜົວ“.
![ຊຸດອາພອນທີ່ເປັນເອກະລັກສະເພາະຂອງຊົນເຜົ່າ K’ho - ảnh 2](https://photo-cms-vovworld.zadn.vn/w500/uploaded/vovworld/bcgmbuiq/2016_09_20/542.gif)
(ພາບປະກອບ)
ຜູ້ຍິງຊາວເຜົ່າ K’ho ມີຄວາມນິຍົມບັນດາຊຸດອາພອນດ້ວຍຜ້າຂີ້ງາ, ດັ່ງນັ້ນຊຸດອາພອນຂອງເຂົາເຈົ້າຈຶ່ງສວຍງາມທີ່ສຸດ. ຜູ້ຍິງຊາວເຜົ່າ K’ho ເຄີຍພັນກະໂປ່ງຍາວເຖິງຫົວເຂົ່າ, ເພື່ອສາມາດເຫັນໄດ້ບີ່ແຄ່ງໃຫຍ່ ແລະ ແຂງແຮງ, ສ່ວນຈາກແອວຂືຶ້ນໄປແມ່ນປະເປືອຍບໍ່ນຸ່ງເສື້ອ, ເມື່ອອາກາດໜາວ, ເຂົາເຈົ້າຈຶ່ງເອົາແພຄຽນອ້ອມໂຕ. ຕໍ່ມາຜູ້ຍິງມັກນຸ່ງເສື້ອຮັດຄີງໃຫ້ເໝາະສົມກັບກະໂປ່ງທີ່ເປັນມູນເຊື້ອ. ຜ່ານບັນດາລວດລາຍທີ່ມີຊີວິດຊີວາ, ແມ່ຍິງຊາວເຜົ່າ K’ho ໄດ້ຝາກຝັງຈິດໃຈກໍ່ຄືຄວາມຮັບຮູ້ກ່ຽວກັບໂລກທຳມະຊາດເຂົ້າບັນດາແຜ່ນແພ, ລວດລາຍຕ່າງໆໃນຊຸດອາພອນ. ໃນຊຸດອາພອນດ້ວຍແພຂີ້ງາຂອງແມ່ຍິງຊາວເຜົ່າ K’ho ສ່ວນຫຼາຍແມ່ນບັນດາຮູບສັດປ່າ ແລະ ເຄື່ອງໃຊ້ຕ່າງໆທີ່ຕິດພັນກັບຊີວິດການເປັນຢູ່, ແຕ່ລະຮູບລ້ວນແຕ່ມີຄວາມໝາຍສະເພາະຂອງມັນ. ຕົວຢ່າງຄືຮູບຕານົກແມ່ນເປັນສັນຍາລັກໃຫ້ການດຳລົງຊີວິດທີ່ໃກ້ຊິດຕິດພັນກັບພູຜາປ່າໄມ້, … ນັກຈິດຕະກຳ ເລວັນເກືອງ, ນັກຄົ້ນຄ້ວາ, ສະສົມບັນດາຊຸດອາພອນຂອງຊົນເຜົ່າ, ໃຫ້ຮູ້ວ່າ:
“ບັນດາຜະລິດຕະພັນຕຳ່ແຜ່ນຂອງຊາວເຜົ່າ K’ho ມີບັນດາລວດລາຍທີ່ເປັນເອກະລັກສະເພາະ. ຊາວເຜົ່າມີຄວາມນິຍົມສີຟ້າ ແລະ ສີດຳ. ໃນແຜ່ນແພ, ຊາວເຜົ່າ K’ho ເຄີຍສ້າງລວດລາຍຢູ່ຕາມເຊີງຜ້າ, ເຮັດໄດ້ຄືແນວນັ້ນແມ່ນຍາກທີ່ສຸດ. ຜູ້ຕຳ່ຜ້າຕ້ອງມີຄວາມເຂົ້າໃຈທີ່ສຸດກ່ຽວກັບການປະກອບ, ວີທີຈັດເສັ້ນຕັ້ງເສັ້ນຂວາງ. ສິ່ງດັ່ງກ່າວພຽງແຕ່ຜູ້ມີຄວາມຊຳນານຈຶ່ງເຮັດໄດ້”.
ປະຈຸບັນ, ບັນດາຊຸດອາພອນທີ່ເປັນມູນເຊື້ອບໍ່ໄດ້ນຳໃຊ້ຢ່າງກວ້າງຂວາງໃນຊີວິດປະຈຳວັນ. ແຕ່ວ່າໃນການພັດທະນາຂອງແຟຊັນໃນຍຸກປະຈຸບັນ, ຊຸດອາພອນທີ່ເປັນມູນເຊື້ອຂອງຊາວເຜົ່າ K’ho ຍັງຄົງຮັກສາຈຸດທີ່ເປັນເອກະລັກສະເພາະ, ເຂັ້ມຂຸ້ນໄປດ້ວຍສີສັນວັດທະນະທຳສະເພາະຂອງຊົນເຜົ່າຕົນໄວ້ໄດ້.