 ລຸງ ເຢືອງວັນຕ້າວ ໃຫ້ງົວກິນຫຍ້າ |
ໂດຍໄດ້ກຳເນີດຂຶ້ນຢູ່ເຂດດິນແຄມທະເລ ກ່ອນໜ້ານີ້ຄອບຄົວລຸງ ເຢືອງ ວັນຕ້າວ ກໍ່ຄືທຸກໆຄອບຄົວອື່ນ ໄດ້ເລີ່ມຕົ້ນດ້ວຍຊຸມວັນເດືອນປີແຫ່ງຄວາມລຳບາກກາກກຳ ປະກອບທຸກໆອາຊີບ ເພື່ອຫາເງິນລ້ຽງຊີບ. ລຸງໄດ້ແບ່ງປັນວ່າ ກ່ອນນີ້ລຸງພຽງແຕ່ຮູ້ອີງໃສ່ຕົ້ນເຂົ້າເທົ່ານັ້ນ ແຕ່ຄວາມທຸກຍາກມັນກໍ່ຕິດຕາມເຮົາຕະຫຼອດ. ຈາກນັ້ນທ່ານຄິດວ່າ ຖ້າຫາກຊາວກະສິກອນປະກອບອາຊີບໜຶ່ງດຽວເທົ່ານັ້ນ ຈະບໍ່ສາມາດດີຂຶ້ນ ດັ່ງນັ້ນລຸງໄດ້ຕັດສິນໃຈໃຊ້ເຟືອງເຂົ້າ ເພື່ອລ້ຽງສັດ, ປູກເຫັດເຟືອງ ແລະ ໄດ້ນຳໄປຂາຍຢູ່ນະຄອນ ໂຮ່ຈີມິນ. ລຸງ ຕ້າວ ເວົ້າວ່າ:
“ກ່ອນນີ້ຂ້າພະເຈົ້າພຽງເຮັດຮັບຈ້າງເທົ່ານັ້ນ. ໄລຍະຕໍ່ມາຈຶ່ງລ້ຽງໄກ່ລ້ຽງເປັດ ແລ້ວກໍ່ໄປນະຄອນຂາຍເຄື່ອງ ຢູ່ຫັ້ນໄດ້ພົບອ້າຍນ້ອງຜູ້ເຮັດທຸລະກິດ ຈຶ່ງຖາມວິທີສ້າງເສດຖະກິດ. ຂ້າພະເຈົ້າໄດ້ຊອກຮູ້ບາງຮູບແບບ ແລະ ເລືອກເອົາອັນໃດທີ່ນຳມາເຊິ່ງຜົນປະໂຫຍດ ມາເຮັດ ແລະ ຄ່ອຍໆເປີດກວ້າງຕື່ມອີກ”.
ຜົນສຳເລັດທຳອິດຂອງລຸງ ແມ່ນຈາກອາຊີບປູກເຫັດເຟືອງ. ລຸງ ຕ້າວ ເປີດເຜີຍວ່າ ເຫັດເຟືອງຄາວນັ້ນ ປູກກໍ່ໄດ້ສະມັດຕະພາບສູງ, ເຟືອງເຂົ້າກໍ່ຂໍນຳຊາວທ້ອງຖິ່ນ, ບາງຄັ້ງບາງຄາວ ລຸງເກັບກູ້ເຫັດໄດ້ປະມານ 1 ໂຕນຕໍ່ວັນ. ນອກຈາກນັ້ນເພື່ອແນໃສ່ນຳໃຊ້ຕົ້ນເຂົ້າຢ່າງເຖິງຖອງ, ລຸງໄດ້ລ້ຽງງົວຕື່ມອີກ 15 ໂຕ ແລະ ປູກຕົ້ນພ້າວຕື່ມອີກ, ບັນດາຮູບແບບນີ້ ຕ່າງກໍ່ນຳມາເຊິ່ງຜົນກຳໄລມາໃຫ້ແກ່ຄອບຄົວລຸງ. ໃນຈຸດເວລານັ້ນ ສວນໝາກພ້າວໄດ້ໃຫ້ລາຍໄດ້ 25 ລ້ານດົ່ງຕໍ່ປີ, ງົວກໍ່ໃຫ້ລາຍໄດ້ 150 ລ້ານດົ່ງ, ເຫັດເຟືອງກໍ່ໃຫ້ 32 ລ້ານດົ່ງ. ເມື່ອເສດຖະກິດຂອງຄອບຄົວມີຄວາມສະຫງົບຢ່າງແທ້ຈິງ, ລຸງໄດ້ກ້າຫານລົງທຶນດຳເນີນທຸລະກິດ ຄ້າຂາຍວັດສະດຸກໍ່ສ້າງ, ເຄື່ອງປະດັບພາຍໃນເຮືອນ, ຂົງເຂດດຳເນີນທຸລະກິດນີ້ ສາມາດນຳມາເຊິ່ງລາຍຮັບແຕ່ 1 ຕື້ຫາ 1,3 ຕື້ດົ່ງຕໍ່ປີ. ທ່ານ ກີມຢາງ ຮອງປະທານຄະນະກຳມະການປະຊາຊົນຕາແສງ ເຝືອກຮຶງ ໃຫ້ຮູ້ວ່າ:
“ລຸງ ຕ້າວ ແມ່ນຜູ້ດຸໝັ່ນຂະຫຍັນພຽນ, ຍາມໃດກໍ່ຮຽນຮູ້ບົດຮຽນຈາກຜູ້ອື່ນ. ປັດຈຸບັນ ລຸງທຳການຜະລິດ ດຳເນີນທຸລະກິດດ້ວຍຫຼາຍຂະແໜງອາຊີບ ແລະ ບັນລຸປະສິດທິຜົນດີທີ່ສຸດ. ລຸງກໍ່ສາມາດສ້າງວຽກເຮັດງານທຳໃຫ້ແກ່ຊາວທ້ອງຖິ່ນປະມານກວ່າ 10 ຄົນ ແລະ ໃນແຕ່ລະປີກໍ່ຊ່ວຍໜູນ 5 ຄອບຄົວທີ່ທຸກຍາກເພື່ອພົ້ນທຸກ”.
ລຸງ ຕ້າວ ຍັງຊ່ວຍໜູນບັນດາຄອບຄົວທີ່ທຸກຍາກໃນບ້ານ ດ້ວຍການໃຫ້ເຂົາເຈົ້າກູ້ຢືມທຶນທຳການຜະລິດ ກໍ່ຄືປຸກສ້າງເຮືອນ ເພື່ອໃຫ້ເຂົາເຈົ້າມີເງື່ອນໄຂ ປືນຕົວຂຶ້ນຫຼຸດພົ້ນອອກຈາກຄວາມທຸກຍາກ. ພົ້ນເດັ່ນຂຶ້ນແມ່ນຄອບຄົວ ລຸງ ກີມເບັດ ຢູ່ບ້ານ ຈອມຈວຍ. ລຸງ ກີມເບັດ ເວົ້າວ່າ:
“ຄອບຄົວຂອງຂ້າພະເຈົ້າກໍ່ບໍ່ມີໄຮ່ນາຮົ້ວສວນ. ເຮືອນຫຼັງນີ້ລັດໄດ້ຊ່ວຍໜູນ 25 ລ້ານດົ່ງ ແຕ່ເມື່ອປຸກສ້າງເຮືອນສຳເລັດ ຄ່າໃຊ້ຈ່າຍກໍ່ຫຼາຍກວ່ານີ້ອີກ. ກໍ່ຍ້ອນມີຄວາມຊ່ວຍເຫຼືອຂອງລຸງຕ້າວ ໄດ້ໃຫ້ຄອບຄົວຂອງພະເຈົ້າ ກູ່ຢືມທຶນດ້ວຍການຊຳລະແບບເງິນຜ່ອນ, ປີໜຶ່ງຊຳລະສາມເທື່ອ ແຕ່ລະເທື່ອ ແຕ່ 5 ຫາ 10 ລ້ານດົ່ງ ຕາມຄວາມສາມາດ. ນອກຈາກໃຫ້ກູ້ຢືມທຶນແລ້ວ ລຸງ ຕ້າວ ຍັງສ້າງວຽກເຮັດງານທຳ ໃນແຕ່ລະວັນຕື່ມອີກ”.
ໂດຍມີຄວາມລຽບງ່າຍ ແລະ ເປັນຜູ້ໃຈດີກັບພໍ່ແມ່ພີ່ນ້ອງໃນບ້ານ ຄວາມເກັ່ງກ້າສາມາດ ໃນການຜະລິດດຳເນີນທຸລະກິດ ໄດ້ຊ່ວຍໃຫ້ລຸງ ເຢືອງ ວັນຕ້າວ ມີລາຍໄດ້ນັບຕື້ດົ່ງຕໍ່ປີ. ດ້ວຍຜົນງານນີ້ໃນຫຼາຍປີຢ່າງລຽນຕິດ ລຸງ ເຢືອງວັນຕ້າວ ໄດ້ຮັບໃບຍ້ອງຍໍໃນຂະບວນການ “ຊາວກະສິກອນແຂ່ງຂັນຜະລິດ ດຳເນີນທຸລະກິດເກັ່ງ”. ແລະ ໄດ້ກາຍເປັນຊາວກະສິກອນດີເດັ່ນ ດ້ວຍນາມມະຍົດ “ຊາວກະສິກອນ ຫວຽດນາມ ດີເດັ່ນ ປີ 2019.