“ເຂດວັດຖຸດິບໃນຄາວນັ້ນ ຍັງຄົງຂຶ້ນກັບບໍລິສັດ ດັ່ງນັ້ນເມື່ອສະຫະກອນໄດ້ເກັບຊື້ ຮັບຈຳໜ່າຍໃຫ້ແກ່ພໍ່ແມ່ພີ່ນ້ອງ, ຫຼັງຈາກນັ້ນສະຫະກອນກໍ່ໄດ້ຢຸດ ບໍ່ເກັບຊື້ອີກ ດັ່ງນັ້ນສົ້ນອອກກໍ່ບໍ່ມີ ດັ່ງນັ້ນພໍ່ແມ່ພີ່ນ້ອງໄດ້ມີຄຳເຫັນຕໍ່ເມືອງ ຫຼັງຈາກນັ້ນເມືອງກໍ່ໄດ້ຊີ້ນຳ ໃຫ້ສະຫະກອນເກັບຊື້ ແລະ ຮັບຈຳໜ່າຍໃຫ້ແກ່ພໍ່ແມ່ປະຊາຊົນ”.

       ພາຍຫຼັງເຄື່ອນໄຫວມາເປັນເວລາເກືອບ 10 ປີ ມາຮອດປັດຈຸບັນຜະລິດຕະພັນຊາຂອງສະຫະກອນໄດ້ຢັ້ງຢືນຄຸນນະພາບຜະລິດຕະພັນບັນລຸ OCOP ສີ່ດາວ ລະດັບແຂວງ ແມ່ນຜະລິດຕະພັນອຸດສາຫະກຳຊົນນະບົດທີ່ດີເດັ່ນຂອງແຂວງ ປີ 2019, ບັນລຸຜະລິດຕະພັນຊົນນະບົດທີ່ດີເດັ່ນລະດັບເຂດ    ປີ 2020 ແລະ ໄດ້ຮັບໃບຢັ້ງຢືນຜະລິດຕະພັນ OCOP ດີເດັ່ນຢູ່ເຂດປະສົບກັບຄວາມຫຍຸ້ງຍາກ ພິເສດໄລຍະ 2018 – 2020 ຈາກສູນກາງ. ຍອດລາຍຮັບຂອງສະຫະກອນໃນ 5 ປີມໍ່ໆມານີ້ ບັນລຸກວ່າ 10 ຕື້ດົ່ງຕໍ່ປີອັນໄດ້ສ້າງວຽກເຮັດງານທຳໃຫ້ແກ່ແຮງງານທ້ອງຖິ່ນ 30 ຄົນ ແລະ ພິເສດສະຫະກອນໄດ້ຮ່ວມສຳພັນ ຮັບຈຳໜ່າຍຜະລິດຕະພັນໃຫ້ແກ່ຫຼາຍກວ່າ 400 ຄອບຄົວໃນເຂດ ອັນໄດ້ຊ່ວຍພໍ່ແມ່ພີ່ນ້ອງມີຄວາມໝັ້ນໃຈພັດທະນາເສດຖະກິດ ແລະ ສາມາດສ້າງຄວາມຮັ່ງມີຢູ່ທ້ອງຖິ່ນ. ອ້າຍ ເລືອງວັນອິນ ຢູ່ບ້ານ ເຈົ້າຟ້າງ ຕາແສງ ຈ່ຽງຟາ ເມືອງ ຖ້ວນເຈົາ ເຊິ່ງແມ່ນກຳມະກອນຜະລິດຊາໃຫ້ຮູ້ວ່າ:

       “ໃນໄລຍະເກີດໂຄວິດ - 19 ນີ້, ຊາຂອງພວກຂ້າພະເຈົ້າທີ່ຜະລິດອອກມານັ້ນ ກໍ່ຖືກສະຫະກອນເກັບຊື້ ດັ່ງນັ້ນກໍ່ມີລາຍຮັບປົກກະຕິ. ສິ່ງທີສອງ ກະໂຕເຮົາເອງກໍ່ເຮັດວຽກຢູ່ທີ່ນີ້ ກໍ່ເຫັນວ່າວຽກງານກໍ່ເປັນປົກກະຕິ ຜ່ານນັ້ນເຮົາກໍ່ເພີ່ມລາຍຮັບມີຄວາມໝັ້ນໃຈເຮັດວຽກ ແລະ ຂະຫຍາຍຕົ້ນຊາ”.

      ປັດຈຸບັນ, ນາງ ບິ່ງ ພ້ອມກັບບັນດາສະມາຊິກໃນສະຫະກອນ ພວມພັດທະນາເຂດທ່ອງທ່ຽວຊີວະພາບ ດ້ວຍຍອດເນື້ອທີ່ກວ່າ 16 ເຮັກຕາ, ໂດຍນຳໃຊ້ທ່າແຮງທາງດ້ານສິ່ງແວດລ້ອມທຳມະຊາດ ແລະ ວັດທະນະທຳທ້ອງຖິ່ນ.  ພ້ອມກັນນັ້ນ ນາງ ບິ່ງ ກໍ່ມີຄວາມຫ້າວຫັນເຂົ້າຮ່ວມຕອບສະໜອງບັນດາຂະບວນການແຂ່ງຂັນ, ຊ່ວຍໜູນເຮັດທາງຄົມມະນາຄົມ, ລະບົບໄຟຟ້າຂອງຕາແສງ. ນາງ  ບິ່ງ ແບ່ງປັນວ່າ:

       “ຂ້າພະເຈົ້າມີຄວາມໂຊກດີທີ່ສຸດ ເພາະໃນການດຳລົງຊີວິດ ຜົວ ແລະ ລູກ ກໍ່ລ້ວນແຕ່ສະໜັບສະໜູນ. ທັງຄອບຄົວຍາມໃດກໍ່ສ້າງເງື່ອນໄຂໃຫ້ແກ່ຂ້າພະເຈົ້າລົງທຶນຄຸ້ມຄອງບັນດາເຂດດຳເນີນທຸລະກິດ ແລະ ມຸ່ງໄປສູ່ເຂດທ່ອງທ່ຽວນີ້”.

       ດ້ວຍຄວາມມານະພະຍາຍາມຢ່າງບໍ່ຢຸດຢັ້ງ ນາງ ຫງວຽນທິບິ່ງ ໄດ້ຮັບໃບຍ້ອງຍໍຫຼາຍໃບຈາກສະມາຄົມແມ່ຍິງຂັ້ນຕ່າງໆ ແລະ ຂອງຄະນະກຳມະການປະຊາຊົນແຂວງ ເຊີນລາ, ຂອງເມືອງ ຖ້ວນເຈົາ. ນາງແມ່ນແບບຢ່າງແມ່ຍິງສ້າງເສດຖະກິດເກັ່ງ ໃນການດຳລົງຊີວິດຂອງພໍ່ແມ່ພີ່ນ້ອງບັນດາເຜົ່າສ່ວນໜ້ອຍຢູ່ທ້ອງຖິ່ນ. ບັນດາການປະກອນບສ່ວນປະດິດຄິດສ້າງຂອງນາງ ໃນການພັດທະນາເສດຖະກິດທ້ອງຖິ່ນກໍ່ສົມກັບຄຸນທາດຄຸນສົມບັດຂອງແມ່ຍິງ 4 ປະການຂອງແມ່ຍິງ ຫວຽດນາມ ຍຸກປັດຈຸບັນ “ເຊື່ອໝັ້ນຕົນເອງ, ເຄົາລົບຕົນເອງ, ສັດຊື່ບໍລິສຸດ ແລະ ເຮັດຫຼ້ອນວຽກບ້ານການເຮືອນ”.