ນັກຂ່າວ ຟ້າມວັນເຮື໊ອງ

ຢູ່ເຂດເຮືອນ ອາຟາດເມັນ ຊວນຝູ ເທື່ອທຽນເຫວ້ ເຊິ່ງແມ່ນແຫ່ງທີ່ນັກຂ່າວ ຟ້າມວັນເຮື໊ອງ ໄດ້ຢູ່ພ້ອມກັບຄອບຄົວ, ໃນຊຸມມື້ທີ່ຜ່ານມາ ບັນຍາກາດໂສກເສົ້າໄດ້ປົກຄຸມໄປທົ່ວ. ໃຜໆກໍ່ຕົກໃຈບໍ່ສາມາດອົດກັ້ນນ້ຳຕາຕົກ ຕໍ່ໜ້າຄວາມເສຍສະຫຼະຊີວິດ ຂອງຜູ້ໜຶ່ງຢູ່ບ້ານໃກ້ຄຽງທີ່ເປັນຜູ້ໃຈດີ. ອ້າຍ ໂຮ່ຢຸ໊ງ ຢູ່ອາຟາດເມັນ ຊວນຝູ ໃຫ້ຮູ້ວ່າ:

“ພາຍຫຼັງທີ່ໄດ້ຮັບຂ່າວເສົ້າສະຫຼົດໃຈ, ພວກຂ້າພະເຈົ້າໄດ້ຕື່ນຕົກໃຈ. ທຸກໆຄົນໃຜກໍ່ຮູ້ວ່າ ເມື່ອເກີດໄພນ້ຳຖ້ວມ, ອ້າຍ ເຮື້ອງ ໄດ້ຮັບຂ່າວ ແລະ ໄດ້ກຽມພ້ອມ ເພື່ອໄປປະຕິບັດງານ, ເມື່ອມີຄຳສັ່ງຂອງຫ້ອງການ, ອ້າຍກໍ່ໄປໂລດ, ອ້າຍບໍ່ຫວາດຫວັ່ນຕໍ່ສິ່ງໃດໆໝົດ. ເມື່ອ ຮັບຂ່າວ ຊອກຫາ ໄດ້ຊາກສົບຂອງ  13 ຄົນ, ພວກຂ້າພະເຈົ້າຕ່າງກໍ່ມີຄວາມໂສກເສົ້າ”.

ນັກຂ່າວ ເລແອັງຄວາ ເພື່ອນຮ່ວມອາຊີບຂອງອ້າຍ ເຮື໊ອງ ມີຄວາມເສົ້າສະຫຼົດໃຈ ພາຍຫຼັງທີ່ໄດ້ຍິນຂ່າວອ້າຍ ຟ້າມວັນເຮື໊ອງ ເສຍສະຫຼະຊີວິດ. ນັກຂ່າວ ຟ້າມວັນເຮື໊ອງ ມີໜ້າທີ່ໄປຂຽນຂ່າວກ່ຽວກັບຄະນະປະຕິບັດງານ ໄປກູ້ໄພ ກູ້ຊີບ, ຂ່າວຍັງບໍ່ທັນໄດ້ຂຽນ ແຕ່ອ້າຍ ເຮື໊ອງ ໄດ້ຈາກໄປໂດຍບໍ່ມີວັນກັບຄືນ. ນັກຂ່າວ ເລແອັງຄວາ ໄດ້ຄິດເຖິງເພື່ອນຮ່ວມອາຊີບ ເຊິ່ງແມ່ນຜູ້ສຸດໃຈຕໍ່ວຽກງານ ແລະ ເປີດອົກເປີດໃຈ ເລແອັງຄວາ ເວົ້າວ່າ:

“ຂ້າພະເຈົ້າ ແລະ ອ້າຍ ເຮື໊ອງ ເຄີຍແລກປ່ຽນວຽກງານວິຊາສະເພາະຢ່າງເປັນປະຈຳ. ອ້າຍ ເຮື໊ອງ ແມ່ນໜຶ່ງໃນບັນດາຜູ້ຄົນທີ່ມີຄວາມດຸໝັ່ນຂະຫຍັນພຽນ, ບໍ່ຫວາດຫວັ່ນຕໍ່ຄວາມຫຍຸ້ງຍາກ, ໃນວຽກງານອ້າຍກໍ່ແມ່ນຜູ້ໃກ້ຊິດຕິດແທດ ແລະ ເປັນຜູ້ໃຈດີ ໄດ້ຮັບຄວາມຮັກແພງຈາກພວກອ້າຍເອື້ອຍນ້ອງເພື່ອນຮ່ວມອາຊີບ”.

ນັກຂ່າວ ຟ້າມວັນເຮື໊ອງ ໄດ້ມີໄລຍະເຮັດວຽກຢູ່ສະຖານີໂທລະໂຄ່ງ ໂທລະພາບ ເມືອງພູດອຍ ອາເຫຼືອຍ ເປັນເວລາ 20 ປີ. ປີ 2013 ອ້າຍໄດ້ຍ້າຍມາເຮັດວຽກເປັນນັກຂ່າວ ໃຫ້ແກ່ປະຕູຖານຂໍ້ມູນເອເລັກໂຕນິກ ແຂວງ ເທື່ອທຽນເຫວ້. ດ້ວຍຄວາມມານະພະຍາຍາມ ແລະ ຮັກອາຊີບ, ອ້າຍ ເຮື໋ອງ ໄດ້ຮັບດຳລົງຕຳແໜ່ງເປັນຫົວໜ້າ ພະແນກຖະແຫຼງຂ່າວໂຄສະນາ. ໃນຖານະຕຳແໜງໃດໆ ອ້າຍ ເຮື໊ອງ ກໍ່ສຸດໃຈຕໍ່ອາຊີບ ບໍ່ຫວາດຫວັ່ນຕໍ່ຄວາມຫຍຸ້ງຍາກ ເພື່ອໃຫ້ຂ່າວຢ່າງທັນການແກ່ປະຊາຊົນໃນແຂວງ. ອ້າຍ ດ່ວນງອກຮ໊ຽວ ສັງກັດພະແນກຖະແຫຼງຂ່າວ ໂຄສະນາ ແບ່ງປັນວ່າ:

“ຄວາມເສຍສະຫຼະຊີວິດຂອງອ້ານ ເຮື໊ອງ ແມ່ນການສູນເສຍອັນໃຫຍ່ຫຼວງ ສຳລັບຍາດຕິພີ່ນ້ອງ, ຄອບຄົວ, ໜູ່ເພື່ອນ ເພື່ອນຮ່ວມອາຊີບ. ຄວາມສຸດຈິດສຸດໃຈຂອງ ອ້າຍ ເຮື໊ອງ ແມ່ນແບບຢ່າງທີ່ດີໃຫ້ແກ່ບັນດານັກຂ່າວໜຸ່ມໃນຫ້ອງການ ເພື່ອປະຕິບັດຕາມ. ລາວເປັນຜູ້ກ້າຄິດກ້າທຳບຸກເຂົ້າແນວໜ້າ ເພື່ອຖ່າຍທຳເອົາວີດີໂອ ສົ່ງເຖິງປະຊາຊົນ”.

ວັນທີ 15 ຕຸລາ ກໍ່ແມ່ນວັນເກີດຄັ້ງທີ 52 ຂອງນັກຂ່າວ ຟ້າມວັນເຮື໊ອງ. ກ່ອນທີ່ຈະຊອກເຫັນຊາກສົບຂອງລາວ, ມີບັດອວຍພອນວັນເກີດ ໄດ້ຖືກເອົາລົງໃນປະຕູຖານຂໍ້ມູນເອເລັກໂຕນິກ ແຂວງ ເທື່ອທຽນເຫວ້ ເຊິ່ງບັນດາເພື່ອນຮ່ວມອາຊີບ ໄດ້ຝາກຝັງຄວາມຫວັງໃຫ້ອ້າຍ ແລະ ບັນດາຜູ້ໃນຄະນະປະຕິບັດງານຈົ່ງກັບຄືນມາດ້ວຍຄວາມປອດໄພ. ແລະ ກໍ່ໃນຕອນບ່າຍຂອງວັນດຽວກັນ ບັນດາກົມກອງກູ້ໄພກູ້ຊີບ ໄດ້ຊອກເຫັນຊາກສົບຂອງອ້າຍພ້ອມກັບບັນດາພະນັກງານນັກຮົບ ໃນຄະນະປະຕິບັດງານຖືກດິນທັບຖົມ. ໂດຍບໍ່ແມ່ນທະຫານ, ແຕ່ນັກຂ່າວ ຟ້າມວັນເຮື໊ອງ ໄດ້ກາຍເປັນເພື່ອນຮ່ວມກົມກອງຂອງພວກອ້າຍທະຫານ ໃນຄະນະປະຕິບັດງານ. ລາວໄດ້ຮັບຫຼຽນໄຊພິລະອາດຫານ ແລະ ໃບປະເທດຊາດຈາລຶກຄຸນງາມຄວາມດີ ຍ້ອນບັນດາການອຸທິດສ່ວນໃນເຫດຝົນຕົກພາຍຸທີ່ຜ່ານມາ.