ໄຂສັບປະດາແຟຊັນສາກົນເປັນຄັ້ງທຳອິດຈັດຕັ້ງຢູ່ຫວຽດນາມ
ຕອນຄ່ຳວັນທີ 1/12, ສັບປະດາແຟຊັນສາກົນ (Vietnam International Fashion Week 2014) ເປັນຄັ້ງທຳອິດໄດ້ຮັບການຈັດຕັ້ງຢູ່ ຫວຽດນາມ ທີ່ນະຄອນ ໂຮ່ຈີມິນ
ບັນດາຊຸດອາພອນໂດຍ ກົງຈີ໋ ອອກແບບ
(ພາບ: Kiếng Cận)
(vovworld) - ຕອນຄ່ຳວັນທີ 1/12, ສັບປະດາແຟຊັນສາກົນ (Vietnam International Fashion Week 2014) ເປັນຄັ້ງທຳອິດໄດ້ຮັບການຈັດຕັ້ງຢູ່ ຫວຽດນາມ ທີ່ນະຄອນ ໂຮ່ຈີມິນ ດ້ວຍການເຂົ້າຮ່ວມຂອງບັນດາຜູ້ມີຄວາມເກັ່ງກ້າສາມາດອັນດັບໜຶ່ງໃນຂົງເຂດອອກແບບແຟຊັນ ຫວຽດນາມ ແລະ ໂລກ ທີ່ມາຈາກ ຝຣັ່ງ, ອີຕາລີ, ຍີ່ປູ່ນ, ສ. ເກົາຫຼີ, ສິງກາໂປ, ໄທ… ໃນສັບປະດາແຕ່ວັນທີ 1 – 6/12, ຈະແນະນຳບັນດາຊຸດອາພອນໃໝ່ສຸດໃນໂລກເຖິງຕະຫຼາດ ຫວຽດນາມ ຜ່ານ 17 ລາຍການສະແດງ. ດຣ Frank Cintamani, ປະທານ FIDé Fashion Weeks, ປະທານຜູ້ສ້າງຕັ້ງສະຫະສະມາຄົມແຟຊັນ ອາຊີ, ໃຫ້ຮູ້ວ່າ: ສັບປະດາແຟຊັນສາກົນ ຫວຽດນາມ ຈະແມ່ນກາລະໂອກາດທີ່ດີເພື່ອແນະນຳບັນດາຄວາມສາມາດບົ່ມຊ້ອນຂອງນັກອອກແບບ ຫວຽດນາມພ້ອມກັບນັກອອກແບບດີເດັ່ນຂອງ ອາຊີ ແລະ ໂລກ. ຜ່ານນັ້ນ, ປະກອບສ່ວນຊຸກຍູ້ການປ່ຽນແປງ ແລະ ພັດທະນາຂອງຕະຫຼາດແຟຊັນ ຫວຽດນາມ ໃນປະຈຸບັນ, ພ້ອມທັງສ້າງເງື່ອນໄຂອຳນວຍຄວາມສະດວກໃຫ້ແກ່ແຂກສາກົນຊອກຮູ້ບັນດານັກອອກແບບ ຫວຽດນາມ.