(ພາບປະກອບ) |
(vovworld)- ວັນທີ 7/8, ຢູ່ເທດສະບານເມືອງເກືອຕຸງ, ເມືອງວິ້ງລິງ ແຂວງກວາງຈິ, ຄະນະຜູ້ແທນແຂວງກວາງຈິຂອງຫວຽດນາມ ແລະ ແຂວງສະຫວັນນະເຂດຂອງລາວ ໄດ້ດຳເນີນການເຈລະຈາກ່ຽວກັບວຽກງານຊາຍແດນ ແລະ ປັກຫຼັກໝາຍຊາຍແດນປີ 2014. ທີ່ການເຈລະຈາ, 2 ຝ່າຍໄດ້ລົງນາມໃນບົດບັນທຶກ ເພື່ອເປັນເອກະພາບບັນດາເນື້ອໃນບົນຈິດໃຈຊຸກຍູ້ການພົວພັນ, ສືບຕໍ່ປະກອບສ່ວນປ້ອງກັນຊາຍແດນແຫ່ງສັນຕິພາບ, ມິດຕະພາບ, ຮັກສາຄວາມສະຫງົບ , ຄວາມເປັນລະບຽບຮຽບຮ້ອຍ ຄວາມປອດໄພທາງສັງຄົມຢູ່ເຂດຊາຍແດນ. ຕາມນັ້ນແລ້ວ, ແຂວງກວາງຈິຂອງຫວຽດນາມ ແລະ ແຂວງສະຫວັນນະເຂດຂອງລາວເພີ່ມທະວີການໂຄສະນາ, ສຶກສາອົບຮົມປະຊາຊົນໃຫ້ມີຄວາມເຂົ້າໃຈກ່ຽວກັບຄວາມສຳຄັນ ແລະ ຄວາມໝາຍປະຫວັດສາດຂອງເສັ້ນຊາຍແດນຫວຽດນາມ-ລາວ ແລະ ລະບົບຫຼັກໝາຍຊາຍແດນລະຫວ່າງ 2 ແຂວງ; ຮັກສາສະຖຽນລະພາບທາງດ້ານການເມືອງ, ກໍ່ສ້າງ ແລະ ປົກປັກຮັກສາເສັ້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພ້ອມກັນພັດທະນາ; ສືບຕໍ່ສ້າງເງື່ອນໄຂສະດວກເພື່ອໃຫ້ປະຊາຊົນ, ວິສາຫະກິດຂອງ ແຂວງກວາງຈິຂອງຫວຽດນາມ ແລະ ແຂວງສະຫວັນນະເຂດຂອງລາວຊອກຫາກາໂອກາດຮ່ວມມືລົງທຶນ, ດຳເນີນທຸລະກິດ, ພັດທະນາການຄ້າ, ການທ່ອງທ່ຽວ.... ກະກຽມຜັນຂະຫຍາຍກົນໄກ“ປະຕູດຽວ, ກວດກາຄັ້ງດຽວ” ຢູ່ຄູ່ດ່ານຊາຍແດນສາກກົນ ລາວບາວ-ແດນສະຫວັນ ຊຶ່ງຄາດວ່າຈະປະຕິບັດນັບແຕ່ເດືອນ 1/2015 ເປັນຕົ້ນໄປ.