ກອງປະຊຸມສຸດຍອດນະວັດຕະກຳ ຫວຽດນາມ 2024 (ພາບ: TTXVN)

        ກອງປະຊຸມສຸດຍອດນະວັດຕະກຳ ຫວຽດນາມ 2024 (Vietnam Innovation Summit 2024) ດ້ວຍຫົວຂໍ້ “ປ່ຽນແປງໃໝ່ - ຫັນປ່ຽນ - ຍືນຍົງ: ຮ່ວມມືສ້າງສັນອະນາຄົດ”, ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 15 ພະຈິກ, ຢູ່ນະຄອນ ໂຮ່ຈີມິນ. ເຫດການຈັດຂຶ້ນແຕ່ວັນທີ 15 – 16 ພະຈິກ, ໂດຍມີການເຂົ້າຮ່ວມຂອງຜູ້ແທນກວ່າ 1.500 ຄົນ, ເປັນນັກປະຖະກະຖາ, ຜູ້ຊ່ຽວຊານນະວັດຕະກຳ, ການນຳບັນດາອົງການຈັດຕັ້ງລັດຖະບານ, ວິສາຫະກິດ, ກອງທຶນລົງທຶນ, ພ້ອມກັບບັນດາ startup ຢູ່ພາຍໃນ ແລະ ຕ່າງປະເທດ.

        ກ່າວຄຳເຫັນໄຂເຫດການ, ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວານ ໃຫ້ຮູ້ວ່າ, ເຫດການໄດ້ຮັບຄວາມຫວັງຈະເຊື່ອມຕໍ່ ແລະ ໂຄສະນາລະບົບ startup ນະວັດຕະກຳຂອງນະຄອນເຖິງເພື່ອນມິດສາກົນ ແລະ ບັນດາປະເທດໃນພາກພື້ນ, ກໍ່ແມ່ນໂອກາດໃຫ້ startup ຫວຽດນາມ ໂຄສະນາບັນດາຜະລິດຕະພັນ, ການບໍລິການ, ມາດຕະການນະວັດຕະກຳເຖິງປະຊາຄົມ. ລາຍການກອງປະຊຸມລວມມີ, ບັນດາການໂອ້ລົມສົນທະນາ, ງານວາງສະແດງວິສາຫະກິດ, ການເຄື່ອນໄຫວຮຽກຮ້ອງທຶນຂອງບັນດາໂຄງການ startup. ໄປພ້ອມກັບບັນດາວາລະປຶກສາຫາລືແມ່ນຮ້ານວາງສະແດງເຕັກໂນໂລຊີມາຈາກ ອົດສະຕາລີ, ສິງກະໂປ, ໄທ, ມາເລເຊຍ ແລະ ສະວິດ ພ້ອມກັບບັນດາຂໍ້ລິເລີມໃໝ່ຕາມທິດພັດທະນາແບບຍືນຍົງ.