ກ່າວຄຳເຫັນທີ່ເວທີປາໄສ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງຫວຽດນາມ ຟຸ່ງຊວນຍ້າ ໃຫ້ຮູ້ວ່າ, ລັດຖະບານຫວຽດນາມ ກຳນົດການພັດທະນາການສຶກສາ ແມ່ນສວມບົດບາດໜຶ່ງໃນ 3 ຂອດບຸກທະລຸທີ່ສຳຄັນ ເພື່ອປະຕິບັດຍຸດທະສາດພັດທະນາເສດຖະກິດ, ສັງຄົມຂອງຫວຽດນາມ ໄລຍະ 2011 – 2020.

ທີ່ເວທີປາໄສ, ທ່ານລັດຖະມົນຕີ ຟຸ່ງຊວນຍ້າ, ທ່ານ Edward Vazey, ສະມາຊິກສະພາແຫ່ງຊາດ, ຜູ້ຕາງໜ້າດ້ານການຄ້າຂອງນາຍົກລັດຖະມົນຕີອັງກິດ ຜູ້ຮັບຜິດຊອບບັນຫາຫວຽດນາມ, ລາວ ແລະ ກຳປູເຈຍ ແລະ ທ່ານ ເຈິ່ນງອັກອານ, ເອກອັກຄະລັດຖະທູດຫວຽດນາມ ປະຈຳລາຊະອານາຈັກອັງກິດ ໄດ້ເປັນສັກຂີພິຍານພິທີລົງນາມໃນ MOU 23 ສະບັບ ໃນຫຼາຍຂົງເຂດດ້ານການສຶກສາ. ທ່ານ Edward Vazey, ໃຫ້ຂໍ້ສັງເກດວ່າ “”ເວທີປາໄສໄດ້ພິສູດໃຫ້ເຫັນການພັດທະນາ, ການຮ່ວມມືຢ່າງແຮງລະຫວ່າງອັງກິດ ແລະ ຫວຽດນາມ.