(vovworld) - ວັນທີ 12/2 (ກົງກັບວັນທີ 3 ເດືອນຈຽງ), ບໍລິສັດ, ໂຮງງານຫຼາຍແຫ່ງຢູ່ແຂວງ ກາເມົາ ໄດ້ເລີ່ມເຄື່ອນໄຫວ, ເປີດສາກໃຫ້ການຜະລິດໃນປີໃໝ່. ປີນີ້, ບັນດາບໍລິສັດຢູ່ແຂວງ ກາເມົາ ໄດ້ວາງອອກບັນດາມາດຕະການຜະລິດ, ດຳເນີນທຸລະກິດຢ່າງແທດຈິງຄື: ຫັນບັນດາຜະລິດຕະພັນເປັນຫຼາຍຮູບຫຼາຍແບບ, ເພີ່ມທະວີການປຸງແຕ່ງຜະລິດຕະພັນມຸນຄ່າເພີ່ມ, ເປີດກ້ວາງຕະຫຼາດສົ່ງອອກ, ນຳມາເຊິ່ງປະສິດທິຜົນດ້ານເສດຖະກິດສູງ. ທ່ານ ຫຼີວັນທ້ວນ, ເລຂາທິການໃຫຍ່ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳແຂວງ ກາເມົາ ໃຫ້ຮູ້ວ່າ:
“ວິສາຫະກິດຄວນສຸມໃສ່ແກ້ໄຂການຂາດແຄນວັດຖຸດິບ, ເພີ່ມທະວີການປຸງແຕ່ງສິນຄ້າມູນຄ່າເພີ່ມ, ຕອບສະໜອງຄວາມຕ້ອງການຂອງຕະຫຼາດ, ເໝາະສົມກັບສະພາບການໃນແຂວງ, ຫຼຸດຜ່ອນລາຄາ, ເຮັດແນວໃດໃຫ້ປະລິມານການຜະລິດກຸ້ງເພີ່ມຂຶ້ນ.”
ແລະກໍ່ໃນວັນດຽວກັນ, ກຳ່ປັ່ນຫາປາກ່ວາ 1.200 ລຳຂອງແຂວງ ກາເມົາໄດ້ອອກສູ່ທະເລໄປຫາປາ. ທ່ານ ລືວມິນເຍີດ (Luu Minh Nhat), ປະທານຄະນະກຳມະການເມືອງ ເຈີນວັນເທີ່ຍ ໃຫ້ຮູ້ວ່າ: ອຳນາດການປົກຄອງທ້ອງຖິ່ນໄດ້ໃຫ້ບຸລິມະສິດແກ່ການພັດທະນາກອງກຳ່ປັ່ນ ຫາປາໄກຝັ່ງ, ຈັດຕັ້ງການເຄືອ່ນໄຫວຂອງກຳລັງຊາວປະມົງໃຫ້ເປັນລະບຽບຮຽບຮ້ອຍ, ທັງຂຸດຄົ້ນສິນໃນນ້ຳ, ທັງເຮັດໜ້າທີ່ປົກປັກຮັກສາຄວາມໝັ້ນຄົງບົນທະເລ. ດ້ວຍກອງກຳ່ປັ່ນຫາປາໃຫຍ່ທີ່ສຸດໃນທົ່ວປະເທດ(ເກືອບ 3.000 ລຳ), ປະລິມານສິນໃນນ້ຳຂອງເທດສະບານ ຊົງດົກ (Song Doc) ຈະປະກອບສ່ວນເຂົ້າໃນຍອດປະລິມານຂອງແຂວງ ກາເມົາ 350.000 ໂຕນ, ວົງເງິນສົ່ງອອກບັນລຸ 1 ຕື້ USD.