ພິທີຕັດແຖບຜ້າໄຂກອງປະຊຸມ ແລະ ງານວາງສະແດງ “ ເປໂຈຫວຽດນາມ - 40 ປີແຫ່ງວັນເຊື່ອມໂຍງເຂົ້າກັບສາກົນ ແລະ ພັດທະນາ” |
(vovworld)- ກອງປະຊຸມ ແລະ ງານວາງສະແດງດ້ວຍຫົວຂໍ້ “ ເປໂຈຫວຽດນາມ - 40 ປີແຫ່ງວັນເຊື່ອມໂຍງເຂົ້າກັບສາກົນ ແລະ ພັດທະນາ” ໂດຍກຸ່ມບໍລິສັດນ້ຳມັນອາຍແກັສແຫ່ງຊາດຫວຽດນາມຈັດຂຶ້ນໃນຕອນເຊົ້າວັນທີ 21/10 ຢູ່ນະຄອນໂຮ່ຈິມິນ, ອັນໄດ້ດຶງດູດການເຂົ້າຮ່ວມຂອງວິສາຫະກິດ 80 ກວ່າແຫ່ງ. ງານວາງສະແດງຄັ້ງນີ້ໄດ້ວາງສະແດງບັນດາພາຫະນະເຄື່ອງຈັກທີ່ໃຊ້ເຕັກໂນໂລຢີນ້ຳມັນອາຍແກັສທີ່ທັນສະໄໝໃນຂົງເຂດຊອກຫາ, ຂຸດຄົ້ນ ນ້ຳມັນອາຍແກັສ, ລະບົບບັນຊາການເຄື່ອນໄຫວ, ຄຸ້ມຄອງໂຮງງານປຸງແຕ່ງ ນ້ຳມັນອາຍແກັສ. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ໄດ້ສະເໜີ ເປໂຈຫວຽດນາມ ແລະ ບັນດາຄູ່ຮ່ວມມືສືບຕໍ່ນຳໃຊ້ວິທະຍາສາດເຕັກນິກທີ່ກ້າວໜ້າ ແລະ ເຕັກໂນໂລຢີໃໝ່ເຂົ້າໃນການຜະລິດດຳເນີນທຸລະກິດ, ເອົາໃຈໃສ່ເຖິງການບຳລຸງສ້າງພະນັກງານ….