ກອງປະຊຸມຜ່ານເຄືອຂ່າຍອີນເຕີເນັດຂອງລັດຖະບານ
(ພາບ: sggp.org.vn)
(vovworld) – ຕອນເຊົ້າວັນທີ 3/6, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນປະທານຈັດຕັ້ງກອງປະຊຸມໂດຍກົງຜ່ານເຄືອຂ່າຍອີນເຕີເນັດທົ່ວປະເທດ ກ່ຽວກັບການຍູ້ແຮງການປະຕິບັດການປະກັນສຸຂະພາບທົ່ວປວງຊົນ.
ເມື່ອສິ້ນສຸດກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງບັນດາກະຊວງ, ຂະແໜງການ, ທ້ອງຖິ່ນຊຶ່ງໄດ້ສະແດງຄວາມຕັດສິນໃຈຢ່າງແຮງໃນການສຸ້ຊົນຮອດປີ 2020 ຈະມີປະຊາຊົນ 90% ເຂົ້າຮ່ວມການຊື້ບັດປະກັນສຸຂະພາບ. ທ່ານ ຫງວຽນຊວນຟຸກ ຢັ້ງຢືນວ່າ: ການຊື້ບັດປະກັນສຸຂະພາບແມ່ນບັງຄັບຕາມລະບຽບກົດໝາຍກຳນົດ, ແມ່ນສິດຜົນປະໂຫຍດ ແລະ ຄວາມຮັບຜິດຊອບຂອງປະຊາຊົນທຸກຄົນ. ເພື່ອບັນລຸຄາດໝາຍຮອດປີ 2020 ຢ່າງໜ້ອຍສຸດມີປະຊາຊົນ 90% ເຂົ້າຮ່ວມການຊື້ບັດປະກັນສຸຂະພາບ, ທ່ານນາຍົກລັດຖະມົນຕີ ຮຽກຮ້ອງໃຫ້ອົງການປະກັນສັງຄົມ ຫວຽດນາມ ຕ້ອງຈັດຕັ້ງຜັນຂະຫຍາຍເປົ້າໝາຍເຂົ້າຮ່ວມການຊື້ບັດປະກັນສຸຂະພາບເປັນຢ່າງດີ… ສຳລັບກະຊວງສາທາລະນະສຸກ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ນຳຍົກສູງຄຸນນະພາບການກວດ, ປິ່ນປົວພະຍາດໂດຍນຳໃຊ້ບັດປະກັນສຸຂະພາບ, ຫຼີກລ້ຽງການຈຳແນກການປະພຶດ:
“ກະຊວງສາທາລະນະສຸກຊີ້ນຳບັນດາໂຮງໝໍ, ຍົກສູງຄຸນນະພາບການກວດ, ປິ່ນປົວພະຍາດ, ບໍ່ຈຳແນກການປະພຶດລະຫວ່າງຜູ້ກວດພະຍາດໂດຍນຳໃຊ້ບັດປະກັນສຸຂະພາບ, ພິເສດແມ່ນປະຕິຮູບລະບຽບການບໍລິຫານ, ປັບປຸງຂັ້ນຕອນຊຳລະ… ຢາກເຮັດໄດ້ຄືແນວນັ້ນ, ຂະແໜງສາທາລະນະສຸກຕ້ອງເພີ່ມທະວີການກວດກາບັນດາໂຮງໝໍ, ສ້າງເງື່ອນໄຂໃຫ້ບັນດາອົງການສື່ສານສື່ມວນຊົນເຂົ້າຮ່ວມການຕິດຕາມກວດກາ.”