ອັດກອງປະຊຸມຄັ້ງທີ10ຄະນະບໍລິຫານງານສູນກາງພັກຊຸດທີ11
|
(vovworld) –ຕອນເຊົ້າວັນທີ 12/1 , ຢູ່ຮ່າໂນ້ຍ, ຄະນະບໍລິຫານງານສູນກາງພັກໄດ້ເຮັດວຽກຢູ່ໜ່ວຍ, ປຶກສາຫາລືບົດລາຍງານສຳຫຼວດກວດຄືນການຊີ້ນຳນຳພາຂອງກົມການເມືອງ, ຄະນະເລຂາສູນກາງພັກປີ 2014. ຕອນບ່າຍວັນດຽວກັນ, ຄະນະບໍລິຫານງານສູນກາງພັກເຮັດວຽກຢູ່ຫໍປະຊຸມ. ໂດຍພາຍໃຕ້ການເປັນປະທານຂອງທ່ານເລຂາທິການໃຫຍ່ ຫງວຽນຟູ້ຈ້ອງ, ຄະນະບໍລິຫານງານສູນກາງພັກໄດ້ດຳເນີນການຊັກຖາມ ແລະ ຕອບຄຳຊັກຖາມຕາມການກຳນົດ.ທ່ານເຈືອງເຕີ້ນຊາງ ກຳມະການກົມການເມືອງ, ປະທານປະເທດເປັນຜູ້ບໍລິຫານວາລະອັດກອງປະຊຸມ.
ທ່ານດິງເທຮິງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງພັກໄດ້ຂຶ້ນອ່ານບົດລາຍງານອະພິປາຍຂອງກົມການເມືອງກ່ຽວກັບຮ່າງບົດລາຍງານການເມືອງຂອງຄະນະບໍລິຫານງານສູນກາງພັກຊຸດທີ່ 11 ທີ່ຍືນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ, ທ່ານ ຫງວຽນເຕີ້ນຢຸງ ກຳມະການກົມການເມືອງ, ນາຍົກລັດຖະມົນຕີ ຂຶ້ນອ່ານບົດລາຍງານອະພິປາຍຂອງກົມການເມືອງກ່ຽວກັບຮ່າງບົດລາຍງານຕີລາຄາໝາກຜົນແຫ່ງການປະຕິບັດໜ້າທີ່ພັດທະນາ່ເສດຖະກິດສັງຄົມ ໄລຍະ 5 ປີ 2011-2015 ແລະ ທິດທາງໜ້າທີ່ພັດທະນາ່ເສດຖະກິດສັງຄົມ ໄລຍະ 5 ປີ 2016-2020 ທີ່ຍືນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ…. ທ່ານເລຂາທິການໃຫຍ່ ຫງວຽນຟູ້ຈ້ອງໄດ້ກ່າວອັດກອງປະຊຸມຄັ້ງທີ 10 ຄະນະບໍລິຫານງານສູນກາງພັກຊຸດທີ່ 11 .
ກ່ອນໜ້ານັ້ນ, ໃນ 7 ວັນດຳເນີນກອງປະຊຸມ, ຄະນະບໍລິຫານງານສູນກາງພັກ ກອມມູນິດ ຫວຽດນາມ ໄດ້ຮັບຟັງ ແລະ ປະກອບຄຳເຫັນໃສ່ຮ່າງບັນດາເອກະສານເພື່ອຍື່ນສະເໜີຕໍ່ກອງປະຊຸມໃຫຍ່ຄັ້ງທີ 12 ຂອງພັກ, ກ່ອນທີ່ຍົກອອກມາຮັບເອົາຄຳເຫັນທີ່ກອງປະຊຸມໃຫຍ່ທຸກຂັ້ນ ແລະ ຮັບເອົາຄຳເຫັນຂອງປະຊາຊົນໃນໄລຍະຈະມາເຖິງ. ຄະນະບໍລິຫານງານສູນກາງພັກ ກໍ່ປະກອບຄຳເຫັນໃສ່ບົດລາຍງານສະຫລຸບ 30 ປີແຫ່ງການປ່ຽນໃໝ່ (1986 – 2016), ບົດລາຍງານສະຫລຸບການປະຕິບັດກົດລະບຽບຂອງພັກ, ບົດລາຍງານກວດກາຂອງກົມການເມືອງ, ຄະນະເລຂາ ແລະ ປະກອບຄຳເຫັນກ່ຽວກັບເລື່ອງສືບຕໍ່ສ້າງແຜນກຳນົດພະນັກງານຂັ້ນຍຸດທະສາດ, ແນະນຳແຫ່ງເພີ່ມເຕີມແຜນກຳນົດກົມການເມືອງ, ຄະນະເລຂາອາຍຸການ 2016 – 2021 ແລະ ບັນດາອາຍຸການຕໍ່ໄປ. ໃນຊຸມວັນເຮັດວຽກຜ່ານມາ, ຄະນະບໍລິຫານງານສູນກາງພັກ ໄດ້ດຳເນີນການລົງຄະແນນສຽງໄວ້ວາງໃຈສຳລັບກຳມະການກົມການເມືອງ ແລະ ກຳມະການຄະນະເລຂາ ແລະ ປຶກສາຫາລືບາງບັນຫາສຳຄັນອື່ນໆອີກ.