ທ່ານສາດສະດາຈານ Carl Thayer (ພາບ: TTXVN)

        ທ່ານສາດສະດາຈານ Carl Thayer ສັງກັດມະຫາວິທະຍາໄລ New South Wales (ອົດສະຕາລີ) ໃຫ້ຂໍ້ສັງເກດວ່າ, ຫວຽດນາມ ແມ່ນປະເທດພວມພັດທະນາ ມີຄວາມມານະພະຍາຍາມຫຼາຍຢ່າງໃນການບັນລຸໄດ້ບັນດາເປົ້າໝາຍພັດທະນາແບບຍືນຍົງຂອງສະຫະປະຊາຊາດ (SDG). ທ່ານສາດສະດາຈານ Carl Thayer ຊີ້ແຈ້ງວ່າ ຕາມບົດລາຍງານພັດທະນາສະຫັດສະວັດຂອງສະຫະປະຊາຊາດປີ 2021 ແລ້ວ, ຫວຽດນາມ ພວມໃນເສັ້ນທາງບັນລຸ “ເປົ້າໝາຍ SDG1” ແມ່ນລົບລ້າງຄວາມທຸກຍາກ. ເຖິງວ່າຍັງປະເຊີນໜ້າກັບສິ່ງທ້າທາຍໃຫຍ່ຫຼວງໃນການຕອບສະໜອງ “ເປົ້າໝາຍ SDG 2” ແມ່ນລົບລ້າງຄວາມອຶດຫິວ, ມາຮອດປະຈຸບັນ, ຫວຽດນາມ ມີການປົວແປງໃດໜຶ່ງແລ້ວ. ຫວຽດນາມ ບັນລຸດັດຊະນີ SDG ຈັດອັນດັບທີ 51 ໃນຈຳນວນ 165 ປະເທດ, ດ້ວຍຄະແນນລວມແມ່ນ 72,8%. ຫວຽດນາມ ແມ່ນປະເທດພວມພັດທະນາ, ມີບົດຮຽນຫຼາຍພໍສົມຄວນໃນການຕອບສະໜອງບັນດາ SDG ຂອງສະຫະປະຊາຊາດ ແລະ ສາມາດຍົກອອກຄຳບອກເຕືອນດ້ານນະໂຍບາຍຢ່າງແທດຈິງກ່ຽວກັບບັນດາບັນຫາສົ່ງຜົນສະທ້ອນເຖິງສິດທິມະນຸດຢ່າງຮອບດ້ານ ໃນຂອບເຂດທົ່ວໂລກ ແລະ ພາກພື້ນ.

        ທ່ານສາດສະດາຈານ Carl Thayer ຊີ້ແຈ້ງວ່າ: ຫວຽດນາມ ມີຄວາມມານະພະຍາຍາມຫຼາຍຢ່າງໃນການຮັບມືກັບໂລກລະບາດໂຄວິດ-19 ກໍຄືການປົກປ້ອງສຸຂະພາບໃຫ້ວົງຄະນະຍາດ ແລະ ການເບິ່ງແຍງດູແລສຸຂະພາບໃຫ້ແກ່ປະຊາຊົນ ໃນໄລຍະເກີດໂລກລະບາດ, ພ້ອມທັງຮັກສາການເຕີບໂຕເສດຖະກິດ ແລະ ຮັບປະກັນຊີວິດສັງຄົມເປັນປົກກະຕິ.