ກອງປະຊຸມສະໄຫມສາມັນເທື່ອທີ 4 ສະພາແຫ່ງຊາດ ຫວຽດນາມ ຊຸດທີ 13
ປຶກສາຫາລືຮ່າງກົດໝາຍບາງສະບັບ
ພາບ: internet
|
(vovworld) - ວັນທີ 21/11, ໂດຍສືບຕໍ່ກອງປະຊຸມສະໄຫມສາມັນເທື່ອທີ 4 ສະພາແຫ່ງຊາດ ຫວຽດນາມ ຊຸດທີ 13, ບັນດາ ສະມາຊິກສະພາແຫ່ງຊາດ (ສສຊ ) ໄດ້ປຶກສາຫາລື ກ່ຽວກັບ ຮ່າງກົດໝາຍວ່າດ້ວຍການປ້ອງກັນ ແລະ ຕ້ານການກໍ່ການຮ້າຍ ແລະ ຮ່າງກົດໝາຍວ່າດ້ວຍການປ້ອງກັນ, ຫລີກລ້ຽງ ແລະ ຫລຸດຜ່ອນໄພທຳມະຊາດ. ສຳລັບຮ່າງກົດໝາຍວ່າດ້ວຍການປ້ອງກັນ ແລະ ຕ້ານການກໍ່ການຮ້າຍ, ບັນດາ ສສຊ ຖືວ່າ: ຮ່າງກົດໝາຍສະບັບນີ້ຕ້ອງເສີມຂະຫຍາຍກຳລັງແຮງທົ່ວປວງຊົນທັງຊາດ. ກ່ຽວກັບກຳລັງສະເພາະກິດໃນການປ້ອງກັນ ແລະ ຕ້ານການກໍ່ການຮ້າຍ, ຄຳເຫັນຂອງ ສສຊ ຫລາຍທ່ານຖືວ່າ: ໃນເງື່ອນໄຂປະຈຸບັນ ບໍ່ຈຳເປັນຕ້ອງມີກຳລັງສະເພາະກິດໃນການປ້ອງກັນ ແລະ ຕ້ານການກໍ່ການຮ້າຍ. ໃນຕໍ່ຫນ້າ, ພຽງແຕ່ສ້າງຕັ້ງກຳລັງສະເພາະກິດເຮັດວຽກງານເສນາທິການ, ສັງລວມ, ແນະນຳ ຢູ່ ສູນກາງ. ທ່ານ Bui Duc Hanh ສສຊ ແຂວງ Lao Cai ປະກອບຄຳເຫັນວ່າ:
“ຄະນະຊີ້ນຳການປ້ອງກັນ ແລະ ຕ້ານການກໍ່ການຮ້າຍ ຄວນເປັນຄະນະຊີ້ນຳຮັບຜິດຊອບ ແລະ ເຄື່ອນໄຫວເປັນປະຈຳ, ບໍ່ຄວນກຳນົດເມື່ອມີຄວາມຈຳເປັນ ຫລື ມີເຫດການເກີດຂຶ້ນຈຶ່ງສ້າງຕັ້ງ. ຮູບແບບຕ້ອງຈາກສູນກາງຕະຫລອດຮອດທ້ອງຖິ່ນ. ຢູ່ ສູນກາງໂດຍແມ່ນທ່ານຮອງນາຍົກລັດຖະມົນຕີເປັນຫົວຫນ້າຄະນະຊີ້ນຳ. ບັນດາທ້ອງຖິ່ນ ໂດຍແມ່ນປະທານຄະນະກຳມະການປະຊາຊົນແຂວງ ເປັນ ຫົວຫນ້າຄະນະຊີ້ນຳ.”
ກ່ອນຫນ້ານັ້ນ, ຕອນເຊົ້າວັນດຽວກັນ ບັນດາ ສະມາຊິກສະພາແຫ່ງຊາດ (ສສຊ ) ໄດ້ປຶກສາຫາລື ກ່ຽວກັບຮ່າງກົດໝາຍວ່າດ້ວຍການປ້ອງກັນ, ຫລີກລ້ຽງ ແລະ ຫລຸດຜ່ອນໄພທຳມະຊາດ. ບັນດາ ສສຊ ລ້ວນແຕ່ເຫັນດີກ່ຽວກັບຄວາມຈຳເປັນຕ້ອງປະກາດໃຊ້ກົດໝາຍສະບັບດັ່ງກ່າວເພື່ອປັບປຸງກອບກົດໝາຍສຳລັບການເຄື່ອນໄຫວປ້ອງກັນ, ຮັບມື ແລະ ແກ້ໄຂຜົນຮ້າຍຈາກໄພທຳມະຊາດໃຫ້ສົມບູນແບບ, ປະກອບສ່ວນເຂົ້າໃນການພັດທະນາ ເສດຖະກິດ ສັງຄົມແບບຍືນຍົງ ແລະ ຮັບປະກັນການປ້ອງກັນຊາດ ປ້ອງກັນຄວາມສະຫງົບ. ບັນດາຄຳເຫັນຂອງ ສສຊ ໄດ້ເນັ້ນຫນັກວ່າ: ກົດໝາຍຕ້ອງຕິດແທດ ແລະ ສອດຄ່ອງກັບສົນທິສັນຍາ ສປຊ ກ່ຽວກັບການປ່ຽນແປງຂອງດິນຟ້າອາກາດ ຊື່ງຫວຽດນາມ ເປັນສະມາຊິກ, ເປັນຕົ້ນແມ່ນສົນທິສັນຍາສາກົນກ່ຽວກັບການປ່ຽນແປງຂອງດິນຟ້າອາກາດ. ເພື່ອຫລຸດຜ່ອນຄວາມເສຍຫາຍໂດຍໄພທຳມະຊາດກໍ່ຂຶ້ນ, ບັນດາ ສສຊ ຖືວ່າ ຕ້ອງມີມາດຕະການຢ່າງຄົບຊຸດ, ຂ້ຽວຂາດ ໂດຍມີການເຂົ້າຮ່ວມຂອງທັງລະບົບການເມືອງ, ສັງຄົມ. ທ່ານນາງ Ton Thi Ngoc Hanh ສສຊ ແຂວງ Dac Nong ຍົກຄຳເຫັນວ່າ:
“ຂ້າພະເຈົ້າສະເຫນີ ນະໂຍບາຍຂອງລັດ ໃນຂົງເຂດປ້ອງກັນ ແລະ ຕ້ານໄພທຳມະຊາດ ນັ້ນແມ່ນ ລັດຕ້ອງສວມບົດບາດຫລັກແຫລ່ງ ແລະ ຕ້ອງມີບາງຂໍ້ກຳນົດບັງຄັບອົງການ ຈັດຕັ້ງ, ສ່ວນບຸກຄົນປະຕິບັດ, ບໍ່ພຽງແຕ່ລັດມີນະໂຍບາຍຫນູນຊ່ວຍ, ສົ່ງເສີມຄືດັ່ງຮ່າງກົດໝາຍໄດ້ກ່າວມາຂ້າງເທິງເທົ່ານັ້ນ. ຂ້າພະເຈົ້າສະເຫນີ ຕ້ອງເພີ່ມເຕີມເນື້ອໃນຍ້ອງຍໍສັນ ແຕ່ຕ້ອງສອດຄ່ອງກັບກົດໝາຍດວ່າດ້ວຍການແຂ່ງຂັນຍ້ອງຍໍ ເພາະວ່າ ໃນການເຄື່ອນໄຫວວຽກງານນີ້ ອັນຕະລາຍ ເຄີຍເສຍສະຫລະຊີວິດອິນຊີ.”