ຫົວໜ້າກຳມາທິການເສດຖະກິດຂອງ ສະພາແຫ່ງຊາດ ຫງວຽນວັນເຢົາ ກ່າວຄຳເຫັນທີ່ກອງປະຊຸມ
(ພາບ: An Đăng/TTXVN)
|
(vovworld) – ຕອນເຊົ້າວັນທີ 31/12, ກຳມາທິການເສດຖະກິດຂອງ ສະພາແຫ່ງຊາດ ຈັດວາລະປະຊຸມອະພິປາຍດ້ວຍຫົວຂໍ້ “ສ້າງໂຄງປະກອບພື້ນຖານກະສິກຳຄືນໃໝ່: ຍົກສູງສະມັດຕະພາບ, ຄຸນນະພາບ ແລະ ກຳລັງແກ່ງແຍ້ງຂອງຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ”, ເພື່ອແນໃສ່ປະຕິບັດແຜນນະໂຍບາຍເພີ່ມທະວີການອະພິປາຍຢູ່ສະພາຊົນເຜົ່າ ແລະ ບັນດາກຳມາທິການຂອງສະພາແຫ່ງຊາດກ່ຽວກັບບາງການປັບປຸງ, ປ່ຽນໃໝ່ເພື່ອຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ. ລາຍງານສະພາບການສ້າງໂຄງປະກອບກະສິກຳຄືນໃໝ່ທີ່ວາລະອະພິປາຍ, ທ່ານລັດຖະມົນຕີວ່າການກະຊວງກະສິກຳ ແລະ ພັດທະນາຊົນນະບົດ ຫວຽດນາມ ກາວດຶກຟາດໃຫ້ຮູ້ວ່າ: ພາຍຫຼັງ 1 ປີແຫ່ງການປະຕິບັດແຜນຮ່າງ “ສ້າງໂຄງປະກອບຂະແໜງກະສິກຳຄືນໃໝ່ຕາມທິດຍົກສູງມູນຄ່າເພີ່ມ ແລະ ພັດທະນາແບບຍືນຍົງ”, ສ້າງໂຄງປະກອບຂະແໜງຜະລິດສືບຕໍ່ໄດ້ຮັບການປັບປຸງຕາມທິດເສີມຂະຫຍາຍທ່າແຮງຂອງແຕ່ລະທ້ອງຖີ່ນ ແລະ ທົ່ວປະເທດ, ຕິດພັນກັບຕະຫຼາດ, ນຳໃຊ້ວິທະຍາສາດເຕັກນິກໄດ້ຮັບການຍູ້ແຮງ… ການສ້າງໂຄງປະກອບຂະແໜງໄດ້ປະກອບສ່ວນສຳຄັນເຂົ້າໃນໝາກຜົນການຜະລິດ, ດຳເນີນທຸລະກິດຂອງທົ່ວຂະແໜງຄືນໃໝ່. ປີ 2014, ຜະລິດຕະພັນກະສິກຳເຕີບໂຕດ້ວຍລະດັບສູງ, ມູນຄ່າການຜະລິດເພີ່ມຂຶ້ນ 3,9%. ຍອດວົງເງິນສົ່ງອອກທົ່ວຂະແໜງຄາດວ່າບັນລຸກ່ວາ 30,8 ຕື້ USD, ເພີ່ມຂຶ້ນ 11% ເມື່ອທຽບໃສ່ປີ 2013. ທ່ານ ກາວດຶກຟາດ, ໃຫ້ຮູ້ວ່າ:
“ສຳລັບວິທະຍາສາດເຕັກໂນໂລຢີ, ດ້ານໜຶ່ງພວກເຮົາຜັນຂະຫຍາຍກົດໝາຍວ່າດ້ວຍວິທະຍາສາດ, ເຕັກໂນໂລຢີທີ່ສະພາແຫ່ງຊາດຮັບຮອງເອົາພ້ອມກັບກະຊວງວິທະຍາສາດ, ເຕັກໂນໂລຢີ, ດ້ານອື່ນໃນການພັດທະນາກະສິກຳໄລຍະຈະມາເຖິງ ບົດບາດຂອງວິສາຫະກິດແມ່ນໃຫຍ່ຫຼວງ, ພວກຂ້າພະເຈົ້າມີແຜນນະໂຍບາຍພ້ອມກັບກະຊວງວິທະຍາສາດ, ເຕັກໂນໂລຢີຜັນຂະຫຍາຍຂໍ້ສະເໜີເພີ່ມເຕີມບັນດານະໂຍບາຍໃໝ່, ສົ່ງເສີມການເຂົ້າຮ່ວມຂອງບັນດາວິສາຫະກິດເຂົ້າໃນການຄົ້ນຄ້ວາຖ່າຍທອດ ແລະ ນຳໃຊ້ວິທະຍາສາດ, ເຕັກໂນໂລຢີພ້ອມທັງສົ່ງເສີມການຮ່ວມສຳພັນຂອງບັນດາອົງການແຫ່ງລັດກັບບັນດາວິສາຫະກິດ”