(TTX) - ການຢ້ຽມຢາມທາງລັດຖະກິດ Kazakhstan ຂອງທ່ານປະທານປະເທດຫວຽດນາມ Truong Tan Sang ໄດ້ປະກອບສ່ວນເຮັດໃຫ້ການພົວພັນລະຫວ່າງຫວຽດນາມ ກັບບັນດາປະເທດເພື່ອນມິດທີ່ມີການພົວພັນອັນເປັນມູນເຊື້ອຢ່າງເລິກເຊິ່ງ, ຜັນຂະຫຍາຍແນວທາງການຕ່າງປະເທດຂອງກອງປະຊຸມໃຫຍ່ພັກກອມມູນິດຫວຽດນາມ ຄັ້ງທີ 11 ຢ່າງແທດຈິງ.
ຕາມທ່ານລັດຖະມົນຕີການຕ່າງປະເທດຫວຽດນາມ Pham Binh Minh ແລ້ວ, ການຢ້ຽມຢາມທາງລັດຖະກິດ Kazakhstan ຂອງທ່ານປະທານປະເທດ Truong Tan Sang ມີຄວາມໝາຍສຳຄັນຍິ່ງ, ນຳການພົວພັນລະຫວ່າງສອງປະເທດເຂົ້າສູ່ລວງເລິກ,ແທດຈິງ. ປະມຸກລັດທັງສອງທ່ານໄດ້ຢືນຢັນວ່າ ຈະສືບຕໍ່ຕັ້ງໜ້າຊຸກຍູ້ເພື່ອກ້າວໄປເຖິງການເຈລະຈາ ແລະ ລົງນາມໃນສັນຍາການຄ້າເສລີ (FTA) ລະຫວ່າງຫວຽດນາມ ກັບພັນທະພາບພາສີ Kazakhstan - ລັດເຊຍ - ເບລາຣຸດ ໂດຍໄວ, ຖືນີ້ແມ່ນມາດຕະການມີລັກສະນະບຸກທະລຸເພື່ອເພີ່ມທະວີການພົວພັນດ້ານເສດຖະກິດ, ການຄ້າ, ການລົງທຶນ ທີ່ຕ່າງຝ່າຍຕ່າງມີຜົນປະໂຫຍດ. ຫວຽດນາມ ແລະ Kazakhstan ໄດ້ລົງນາມເອກະສານຮ່ວມມືສຳຄັນບາງສະບັບໃນບັນດາຂົງເຂດຄື ກັກກັນພືດ, ທະນາຄານ, ການບິນ, ຮ່ວມມືຂັ້ນທ້ອງຖິ່ນ, ປະກອບສ່ວນເຮັດສຳເລັດພື້ນຖານນິຕິກຳໃຫ້ແກ່ການຮ່ວມມືສອງຝ່າຍເທື່ອລະກ້າວ. ຫວຽດນາມ ຊົມເຊີຍ Kazakhstan ຈະເປີດສະຖານທູດປະຈຳຮ່າໂນ້ຍໃນປີ 2013 ແລະ ເຊື່ອໝັ້ນວ່າ ເລື່ອງເປີດສະຖານທູດຈະຊຸກຍູ້ການພົວພັນລະຫວ່າງສອງປະເທດພັດທະນາຢ່າງຮອບດ້ານໃນທຸກຂົງເຂດ. ໃນໄລຍະຈະມາເຖິງ, Kazakhstan ຈະຈັດ “ຊຸມວັນບຸນວັດທະນະທຳ Kazakhstan ຢູ່ຫວຽດນາມ” ໃນປີ 2013.