ຊາວມຸດສະລິມ ເຂົ້າຮ່ວມພິທີນະມັດສະການ ຢູ່ ອາຣັບບິ ຊະອຸດິ (ພາບ: news.abs-cbn.com/TTXVN)

ວັນທີ 23 ມິຖຸນາ, ສຳນັກຂ່າວສານ SPA ຂອງ ອາຣັບບິ ຊະອຸດິ ໃຫ້ຮູ້ວ່າ ມີຜູ້ໄປນະມັດສະການກວ່າ 1.300 ຄົນ ໄດ້ເສຍຊີວິດ ເມື່ອໄປເຂົ້າຮ່ວມພິທີນະມັດສະການ Haji ປີ 2024 ຍ້ອນອາກາດຮ້ອນເອົ້າຢ່າງຮ້າຍແຮງ, ໃນນັ້ນ ມີ 83% ບໍ່ມີໃບອະນຸຍາດໃຫ້ເຂົ້າຮ່ວມເຫດການດັ່ງກ່າວ ເມື່ອຕ້ອງຍ່າງໃຕ້ແສງແດດ ໂດຍບໍ່ມີບ່ອນພັກຜ່ອນ. ໃນນັ້ນ, ບັນດາແຫຼ່ງຂ່າວທາງການທູດ ອາຣັບ ໃຫ້ຮູ້ວ່າ ມີຊາວ ອີຢິບ 658  ຄົນທີ່ເສຍຊີວິດ ແລະ 630 ຄົນ ບໍ້ໄດ້ຈົດທະບຽນເຂົ້າຮ່ວມການນະມັດສະການຢ່າງເປັນທາງການ.

        ວົງການເຈົ້າໜ້າທີ່ ອາຣັບບິ ຊະອຸດິ ຄາດຄະເນວ່າ ມີຜູ້ໄປນະມັດສະການໄປຍັງ Mecca ປະມານ 1,8 ລ້ານເທື່ອຄົນ  ເພື່ອເຂົ້າຮ່ວມພິທີຖະຫວາຍທູບທຽນ ປີ 2024, ໃນນັ້ນ ມີ 1,6 ລ້ານເທື່ອຄົນ ມາຈາກຕ່າງປະເທດ.

        ພິທີນະມັດສະການຢູ່ ອາຣັບບີ ຊະອຸດິ ຖືກດໍາເນີນໃນສະພາບອາກາດຮ້ອນທີ່ສຸດທີ່ 51,8 ອົງສາ C ເຊິ່ງໄດ້ຮັບການຢັ້ງຢືນຢູ່ບໍລິເວນເຂດໂບດໃຫຍ່ ຢູ່ເຂດດິນແດນສັກສິດ Mecca ໃນຕົ້ນອາທິດນີ້.