(ພາບປະກອບ) (vovworld) – ວັນທີ 25/05, ຜູ້ມີສິດເລືອກຕັ້ງຂອງ 21 ປະເທດ EU ໄດ້ເຂົ້າຮ່ວມການປ່ອນບັດເລືອກຕັ້ງລັດຖະສະພາເອີລົບ (EP) ເພື່ອແນໃສ່ເລືອກຕັ້ງບັນດາຜູ້ຕາງໜ້າຂອງແຕ່ລະປະເທດຢູ່ອົງການນິຕິບັນຍັດສະຫະພາບເອີລົບ. ກ່ອນໜ້ານັ້ນ, 7 ປະເທດເອີລົບ ອື່ນແມ່ນ ອັງກິດ, ໂຮນລັງ, ສ.ອຽກລັງ, ແລດໂຕນີ, ສ.ເຊັກ, ສະໂລວາກີ ແລະ ມານຕາ ໄດ້ດຳເນີນການເລືອກຕັ້ງດັ່ງກ່າວ. ໝາກຜົນທາງການຂອງການເລືອກຕັ້ງຈະໄດ້ປະກາດພາຍຫຼັງການປ່ອນບັດເລືອກຕັ້ງຢູ່ບັນດາສະຖານທີ່ສຸດທ້າຍຢູ່ອີຕາລີ ສິ້ນສຸດລົງໃນເວລາ 23 ໂມງ (ຕາມເວເລທ້ອງຖິ່ນ). ຈຸດໃໝ່ໃນການເລື່ອງຕັ້ງ EP ຄັ້ງທີ 8 ນີ້ ຍັງແມ່ນວິວັດການເລືອກຕັ້ງປະທານຄະນະກຳມະການເອີລົບ (EC) ໂດຍສະພາເອີລົບ ແນະນຳບົນໂດຍອີງໃສ່ພື້ນຖານໝາກຜົນການເລືອກຕັ້ງ EP, ຫຼັງຈາກນັ້ນ ລັດຖະສະພາເອລົບຈະໄດ້ລົງມະຕິຮັບຮອງເອົາ. ປະຈຸບັນ, ຜູ້ສະໝັກຮັບເລືອກຕັ້ງ 2 ທ່ານທີ່ສາມາດກາຍເປັນປະທານ EC ແມ່ນທ່ານ Jean Claude Juncker ຂຶ້ນກັບພັກປະຊາຊົນເອີລົບ ແລະ ທ່ານ Martin Schulz ຂຶ້ນກັບພັກສັງຄົມເອີລົບ.