ທ່ານປະທານປະເທດເຈືອງເຕີນຊາງ ພົບປະຄະນະຜູ້ແທນນັກທະນາຍຄວາມທີ່ດີເດັ່ນໃນທົ່ວປະເທດ (ພາບ: chinhphu.vn) (vovworld) – ຕອນບ່າຍວັນທີ 2/4, ຢູ່ສຳນັກງານປະທານປະເທດ, ທ່ານປະທານປະເທດ ເຈືອງເຕີນຊາງ ໄດ້ພົບປະກັບຄະນະຜູ້ແທນນັກທະນາຍຄວາມທີ່ດີເດັ່ນ ເນື່ອງໃນໂອກາດຄະນະມາຮ່າໂນ້ຍ ເຂົ້າຮ່ວມກອງປະຊຸມໃຫຍ່ນັກທະນາຍຄວາມດີເດັ່ນທົ່ວປະເທດ ແລະ ສະເຫຼີມສະຫຼອງ 60 ປີແຫ່ງວັນສ້າງຕັ້ງ ແລະ ພັດທະນາຂອງສະມາຄົມທະນາຍຄວາມຫວຽດນາມ (4/41955-4/4/2015). ກ່າວຄຳເຫັນນະທີ່ນີ້, ທ່ານປະທານປະເທດ ເຈືອງເຕີນຊາງ ເນັ້ນໜັກເຖິງທີ່ຕັ້ງບົດບາດຂອງສະມາຄົມທະນາຍຄວາມ ຫວຽດນາມ ໃນວິວັດການສ້າງລັດແຫ່ງອຳນາດນິຕິບັນຍັດສັງຄົມນິຍົມ, ນີ້ແມ່ນເສັ້ນທາງເຊິ່ງພັກ ແລະ ລັດໄດ້ເລືອກເຟັ້ນໃນໄລຍະພັດທະນາຈະມາເຖິງ. ບົນພື້ນຖານຮັບເອົາຜົນງານຈາກປະເທດຕ່າງໆ ແລະ ແຜນນະໂຍບາຍຂອງພັກ ແລະ ລັດ, ທ່ານປະທານປະເທດ ສະເໜີໃຫ້ນັກທະນາຍຄວາມແຕ່ລະຄົນ ແລະ ອົງການສະມາຄົມທະນາຍຄວາມຕ້ອງຮັບຮູ້ບົດບາດ ແລະ ຄວາມຮັບຜິດຊອບຂອງຕົນຢ່າງຈະແຈ້ງ, ສຸມກຳລັງເຂົ້າຮ່ວມສ້າງກົນໄກນະໂຍບາຍ, ກຳນົດກົດໝາຍ, ຍົກສູງລັກສະນະໄຈ້ແຍກເພື່ອສ້າງກອບກົດໝາຍຢ່າງມີປະສິດທິຜົນ, ເພື່ອແນໃສ່ບໍລິຫານ ແລະ ຄວບຄຸມສັງຄົມໃຫ້ເປັນລະບຽບ, ເປັນປົກກະຕິ ແລະ ພັດທະນາ. ພິເສດແມ່ນໃນສະຖານະການເຊື່ອມໂຍງເຂົ້າກັບສາກົນ, ທ່ານປະທານປະເທດໃສ່ໃຈບັນດາທະນາຍຄວາມຄວນສືບຕໍ່ຝຶກຝົນຫຼໍ່ຫຼອມ, ຮຳ່ຮຽນເພື່ອມີຖັນແຖວທະນາຍຄວາມທີ່ມີຄວາມສາມາດຢ່າງພຽງພໍ ເພື່ອເຂົ້າຮ່ວມບັນດາການເຄື່ອນໄຫວນິຕິກຳທີ່ມີລະດັບສາກົນ. Từ khóa: vovworld vov ທະນາຍຄວາມ
ຈັດແບ່ງໃຫ້ທ່ານ ເຈີນແທງເໝີ໋ນ, ຮອງປະທານຜູ້ປະຈຳການສະພາແຫ່ງຊາດ ຫວຽດນາມ ເປັນຜູ້ບໍລິຫານການເຄື່ອນໄຫວຂອງສະພາແຫ່ງຊາດ