ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອົດສຕາລີ Tony Abbott
(ພາບ: vtc.vn)
|
(vovworld) – ວັນທີ 1/4/2015, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອົດສຕາລີ Tony Abbott. ໃນການ ໂອ້ລົມທາງໂທລະສັບ, ນາຍົກລັດຖະມົນຕີທັງ 2 ທ່ານເຫັນດີມອບໝາຍໃຫ້ກະຊວງການຕ່າງປະເທດ 2 ປະເທດສົມທົບກັນເພື່ອຜັນຂະຫຍາຍໝາກຜົນແຫ່ງການຢ້ຽມຢາມນີ້; ຕັ້ງໜ້າສ້າງລາຍການດຳເນີນງານໄລຍະ 2015-2017 , ຜັນຂະຫຍາຍຖະແຫຼງການກ່ຽວກັນການເພີ່ມທະວີການພົວພັນຄູ່ຮ່ວມມືຮອບດ້ານຫວຽດນາມ - ອົດສຕາລີ ແນ່ໃສປັບປຸງ ແລະ ເຊັນເອກະສານນີ້ໃນເວລາຈະມາເຖິງ. ແລະ ກໍ່ຢູ່ທີ່ການໂອ້ລົມທາງໂທລະສັບນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເຕື້ອງຄືນຂໍ້ສະເໜີຝ່າຍອົດສຕາລີ ສຳເລັດບັນດາລະບຽບການທີ່ກ່ຽວຂ້ອງເຖິງເລື່ອງມອບໜັງສືອະນຸຍາດໃຫ້ຜະລິດຕະພັນກະເສດຂອງຫວຽດນາມ ໄດ້ນຳເຂົ້າອົດສຕາລີຢ່າງໄວ, ພ້ອມທັງສະເໜີອົດສຕາລີ ມອບໜັງສືອະນຸຍາດສ້າງຕັ້ງຫ້ອງການກວດກາສະບຽງອາຫານຢູ່ ຫວຽດນາມ ໂດຍໄວ, ກ່ອນທີ່ສົ່ງອອກອົດສຕາລີ, ແນ່ໃສຮັບປະກັນຄຸນນະພາບສະບຽນອາຫານຕາມມາດຕະຖານຂອງ ອົດສຕາລີ, ຫຼຸດຜ່ອນຄວາມສ່ຽງໃຫ້ບັນດາວິສາຫະກິດສົ່ງອອກຂອງຫວຽດນາມ. ທ່ານນາຍົກລັດຖະມົນຕີອົດສຕາລີ Tony Abbott ເຫັນດີຕໍ່ບັນດາຂໍ້ສະເໜີຂອງທ່ານນາຍົກລັດຖະມົນຕີຫງວຽນເຕີນຢຸງ, ຢືນຢັນຄືນຄວາມປາດຖະໜາຢາກຊຸກຍູ້ການພົວພັນດ້ານການຄ້າ, ລົງທຶນ 2 ຝ່າຍ; ແລະ ໃຫ້ຮູ້ວ່າ: ຈະມອບໝາຍໃຫ້ອົງການກ່ຽວຂ້ອງຂອງ ອົດສຕາລີ ແກ້ໄຂໂດຍໄວ ເພື່ອຕອບສະໜອງບັນດາຂໍ້ສະເໜີຈາກຝ່າຍຫວຽດນາມ; ຢືນຢັນຢາກມີຜະລິດຕະພັນກະເສດຫຼາຍຢ່າງຂອງ ຫວຽດນາມ ຢູ່ ອົດສຕາລີ ໃນໄລຍະຈະມາເຖິງ.