(vovworld) - ວັນທີ 15/12, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸ້ງ ໄດ້ເຂົ້າຮ່ວມ ແລະ ຕັດແຖບຜ້າເປີດທ່າອາກາດສະຍານສາກົນຟູ໋ກ໋ວກ ຢູ່ເມືອງ ຟູ໋ກ໋ວກ, ແຂວງກຽນຢາງ. ທ່າອາກາດສະຍານສາກົນ ຟູ໋ກ໋ວກ ແມ່ນໂຄງການສະໜາມບິນສາກົນທຳອິດເຊິ່ງໄດ້ຮັບການຜັນຂະຫຍາຍຢູ່ຫວຽດນາມ ຕາມຮູບແບບ 100% ເງິນລົງທຶນຂອງບໍລິສັດໃຫຍ່ການບິນຫວຽດນາມ ດ້ວຍຍອດຈຳນວນເງິນລົງທຶນ 3.000 ຕື້ດົງ, ສາມາດຕອບສະໜອງການບໍລິການຮັບໃຊ້ຜູ້ໂດຍສານໄປມາປະມານ 2,7 ລ້ານເທື່ອຄົນ/ປີ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນເຕີນຢຸ້ງ ຢືນຢັນວ່າ.
“ທ່າອາກາດສະຍານສາກົນ ຟູ໋ກ໋ວກ ໄດ້ນຳເຂົ້າໃຊ້ການຢ່າງເປັນທາງການ ຈະເປັນກຳລັງຊຸກຍູ້ທີ່ສຳຄັນເພື່ອຊຸກຍູ້ເສດຖະກິດສັງຄົມຂອງ ຟູ໋ກ໋ວກ, ແຂວງ ກຽນຢາງ ພັດທະນາ ແລະ ຊຸກຍູ້ວິວັດການສ້າງເຂດເສດຖະກິດພິເສດຟູ໋ກ໋ວກ, ປະກອບສ່ວນເຂົ້າໃນການຊຸກຍູ້ການພັດທະນາເສດຖະກິດ ສັງຄົມຂອງທົ່ວທັງເຂດ, ສິ່ງດັ່ງກ່າວກໍ່ແມ່ນຄວາມມຸ້ງຫວັງຂອງການນຳສູນກາງ ແລະ ທ້ອງຖິ່ນໃນຫຼາຍປີຜ່ານມາ. ສະໜາມບິນຟູ໋ກ໋ວກ ນຳເຂົ້າໄຊ້ການ ກໍແມ່ນເງື່ອນໄຂເພື່ອເພີ່ມຄວາມສາມາດປ້ອງກັນເຂດນ່ານນ້ຳດິນແດນ, ທາງທິດຕາເວັນຕົກພາກໃຕ້ຂອງປະເທດຊາດ.”
ກ່ອນໜ້ານັ້ນ, ໃນວັນດຽວກັບຢູ່ເມືອງ ຟຸ໋ກ໋ວກ, ທ່ານນາຍົດລັດຖະມົນຕີ ຫງວຽນເຕີນຢຸ້ງ ໄດ້ເຂົ້າຮ່ວມ ແລະ ຊີ້ນຳກອງປະຊຸມສະຫຼຸບການປະຕິບັດຂໍ້ຕົກລົງຂອງນາຍົກລັດຖະມົນຕີ ກ່ຽວກັບການເຊັນອະນຸມັດແຜນຮ່າງ “ພັດທະນາສັງລວມເກາະ ຟຸ໋ກ໋ວກ, ແຂວງກຽນຢາງ ຮອດປີ 2010 ແລະ ວິໄສທັດຮອດປີ 2020”. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີສະເໜີໃຫ້ແຂວງກຽນຢາງ, ເມືອງ ຟຸ໋ກ໋ວກ ຕ້ອງຊຸມໃສ່ຍູ້ແຮງວຽກງານວາງແຜນຜັງ ແລະ ຄຸ້ມຄອງການວາງແຜນກຳນົດ, ສ້າງ ຟຸ໋ກ໋ວກ ໃຫ້ກາຍເປັນເຂດເສດຖະກິດປົກຄອງພິເສດ. ທ່ານນາຍົກລັດຖະມົນຕີ ກໍຮຽຮຮ້ອງໃຫ້ການນຳ ເມືອງ ຟຸ໋ກ໋ວດ ເສີມຂະຫຍາຍທ່າແຮງ, ທ່າໄດ້ປຽບ ເພື່ອຮັບໃຊ້ໃຫ້ແກ່ການພັດທະນາເສດຖະກິດສັງຄົມຂອງເມືອງ. ພ້ອມທັງຮັກສາສະຖຽນລພາບດ້ານການເມືອງ, ຮັບປະກັນຄວາມປອດໄພໃນສັງຄົມ, ປັບປຸ່ງການປ້ອງກັນຊາດ ປ້ອງກັນຄວາມສະຫງົບ.