(vovworld) – ໂດຍສືບຕໍ່ການໄປປະຕິບັດງານຢູ່ບັນດາແຂວງເຂດຕາເວັນຕົກພາກໃຕ້, ວັນທີ 15/08, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ເຮັດວຽກຢູ່ແຂວງ ເຮົ້າຢາງ ເພື່ອກວດກາສະພາບການປະຕິບັດໜ້າທີ່ພັດທະນາເສດຖະກິດສັງຄົມ, ຮັບປະກັນການປ້ອງກັນຊາດປ້ອງກັນຄວາມສະຫງົບ, ວຽກງານກໍ່ສ້າງພັກ, ສ້າງລະບົບການເມືອງໃນບໍລິເວັນແຂວງ ຕາມເນື້ອໃນຈິດໃຈມະຕິກອງປະຊຸມໃຫຍ່ຊຸດທີ 11 ຂອງພັກ ແລະ ບັນດາມະຕິ, ຂໍ້ສະຫຼຸບຂອງສູນກາງ. ທີ່ການເຮັດວຽກກັບຄະນະປະຈຳພັກແຂວງ ແລະ ພະນັກງານຫຼັກແຫຼ່ງຂອງແຂວງ, ທ່ານເລຂາທິການໃຫຍ່ ຫງວຽນຟຸຈ້ອງ ສະເໜີວ່າ ໃນໄລຍະຈະມາເຖິງ, ແຂວງເຮົ້າຢາງ ຕ້ອງປະຕິບັດ 2 ວຽກງານພ້ອງກັນນັ້ນແມ່ນ: ສືບຕໍ່ສຸມໃສ່ຊີ້ນຳຄວາມມານະພະຍາຍາມປະຕິບັດ ແລະ ສຳເລັດບັນດາຄາດໝາຍເຊິ່ງມະຕິກອງປະຊຸມໃຫຍ່ພັກແຂວງໄດ້ວາງອອກ; ພ້ອມທັງກະກຽມເອກະສານກອງປະຊຸມໃຫຍ່ອົງກຄະນະພັກທຸກຂັ້ນ. ເມື່ອແລກປ່ຽນກ່ຽວກັບສະພາບເສດຖະກິດສັງຄົມ, ທ່ານເລຂາທິການໃຫຍ່ ຫງວຽນຟຸຈ້ອງ ຖືວ່າ ທິດທາງພັດທະນາຂອງ ເຮົ້າຢາງ ຕ້ອງສຸມໃສ່ໃຫ້ກະສິກຳ, ສະນັ້ນແຂວງຕ້ອງຄິດໄລ່ເພື່ອເພີ່ມມູນຄ່າກະສິກຳຂຶ້ນ, ປະກອບສ່ວນສ້າງໂຄງປະກອບຄືນໃໝ່ ແລະ ຫັນກະສິກຳເປັນທັນສະໄໝ.
“ແຂວງເຮົ້າຢາງ ຄວນສຸມໃສ່ເຂົ້າໃນການຜະລິດກະສິກຳທີ່ມີຂອບຂະໜາດໃຫຍ່, ມີຄຸນນະພາບສູງ, ມີລະດັບເຕັກໂນໂລຊີສູງ ແລະ ມີທ່າແກ່ງແຍ່ງ ຫຼື ເວົ້າແນວອື່ນແມ່ນ ເພີ່ມມູນຄ່າການຜະລິດກະສິກຳ. ຢາກເຮັດໄດ້ຄືແນວນັ້ນ ຕ້ອງນຳອຸດສາຫະກຳເຂົ້າ, ພິເສດແມ່ນອຸດສາຫະກຳປຸງແຕ່ງ, ເພີ່ມທົ່ງນາຂະໜາດໃຫຍ່, ທົ່ງນາມີຜະລິດຕະພັນສູງ, ເພີ່ມແນວພັນ, ເຕັກນິກວິທະຍາສາດ, ນຳວິທະຍາສາດ, ເຕັກໂນໂລຊີການປຸງແຕ່ງເຂົ້າໃນການຜະລິດກະສິກຳຈຶ່ງມີມູນຄ່າສູງ, ມີຄຸນນະພາບສູງ. ອຸດສາຫະກຳພັດທະນາແລ້ວ ຕ້ອງຕິດພັນກັບຈຸດພິເສດສະເພາະໃນການຜະລິດກະສິກຳຂອງແຂວງ.”
ຄຽງຂ້າງນັ້ນ, ທ່ານເລຂາທິການໃຫຍ່ ກໍ່ຊີ້ແຈ້ງວ່າແຂວງເຮົ້າຢາງ ຄວນຕໍ່ຊອກຫາວິທີແກ້ໄຂ, ດຶງດູດບັນດາແຫຼ່ງກຳລັງ, ນັບທັງຊັບພະຍາກອນມະນຸດວັດຖຸສິງຂອງ, ພື້ນຖານໂຄງລ່າງ; ການເງິນ, ປັບປຸງສະພາບແວດລ້ອມແຫ່ງການລົງທຶນ ດຳເນີນທຸລະກິດ, ດຶງດູດບັນດາວິສາຫະກິດລົງທຶນເຂົ້າເຂດຊົນນະບົດ…