UNCLOS ຖືກຖືວ່າແມ່ນສົນທິສັນຍາສຳຄັນກ່ວາໝູ່ກ່ຽວກັບກົດໝາຍທະເລສາກົນ (ພາບປະກອບ:tuoitre.vn) ( vovworld ) – ວັນທີ 12/8, ກ່າວຄຳເຫັນທີ່ກອງປະຊຸມສະເຫຼີມສະຫຼອງ 30 ປີແຫ່ງວັນສ້າງຕັ້ງສົນທິສັນຍາ ສປຊ ກ່ຽວກັບກົດໝາຍທະເລ (UNCLOS) ຈັດຂຶ້ນຢູ່ນະຄອນທ່າກຳປັ່ນ Yeosu ປະເທດສເກົາຫຼີ, ທ່ານ Ban Ki Moon ເລຂາທິການໃຫ່ຍ ສປຊ ຊີ້ແຈ້ງວ່າ UNCLOS ແມ່ນ “ໜື່ງໃນບັນດາເຄື່ອງມືດ້ານກົດໝາຍທີ່ສຳຄັນທີ່ສຸດຂອງໂລກ“ ແລະ ແມ່ນເຄື່ອງມືໃຫ້ແກ່ການພັດທະນາແບບຍືນຍົງຊື່ງທຸກໆປະເທດຕ້ອງໃຫ້ສັດຕະຍາບັນ. ທ່ານເລຂາທິການໃຫ່ຍ ສປຊ Ban Ki Moon ເນັ້ນໜັກວ່າ UNCLOS “ໄດ້ປະກອບສ່ວນເຂົ້າໃນສັນຕິພາບ ແລະ ຄວາມສະຫງົບປອດໄພສາກົນ ກໍຄືການນຳໃຊ້ບັນດາແຫຼ່ງຊັບພະຍາກອນຂອງມະຫາສະໝຸດຢ່າງມີປະສິດທິຜົນ ແລະ ມີຄວາມຍຸດຕິທຳ, ປົກປັກຮັກສາທະເລ“. ເນື່ອງໃນໂອກາດນີ້, ທ່ານເລຂາທິການໃຫ່ຍ ສປຊ Ban Ki Moon ໄດ້ປະກາດຂໍ້ລິເລິ່ມ “ຂໍ້ຕົກລົງມະຫາສະໝຸດ“ ເພື່ອແນໃສ່ປົກປັກຮັກສາມະຫາສະໝຸດອອກຈາກໄພມົນລະພິດ ແລະ ສະພາບຫາປາຫຼາຍເກີນໄປກໍ່ຄືສະກັດກັ້ນປະກົດການລະດັບນ້ຳທະເລຂຶ້ນສູງ ຊື່ງໄດ້ນາບຂູ່ປະຊາຊົນໂລກນັບແສນຄົນ. UNCLOS ໄດ້ຮັບການສ້າງຂຶ້ນໃນປີ 1982 ແລະ ອາເມລິກາ ແມ່ນປະເທດມະຫາກຳນາດໜື່ງດຽວບໍ່ທັນເຊັນສົນທິສັນຍາດັ່ງກ່າວເທື່ອ. Từ khóa: ສົນທິສັນຍາ ສປຊ ເລຂາທິການໃຫ່ຍ
ການປະທະກັນ ຮາມາດສ - ອິດສະລາແອັນ: ບໍ່ມີຄວາມຄືບໜ້າໃໝ່ໃນການເຈລະຈາຂໍ້ຕົກລົງຢຸດຍິງ