ທ່ານປະທານາທິບໍດີ ອາເມເນຍ Serzh Sargsyan ( ພາບ: arm-news.com ) ( vovworld ) - ວັນທີ 8/6, ທ່ານປະທານາທິບໍດີ ອາເມເນຍ Serzh Sargsyan ຢ້ຽມຢາມຫວຽດນາມ ຢ່າງເປັນທາງການ ຕາມຄຳເຊື້ອເຊີນຂອງທ່ານປະທານປະເທດຫວຽດນາມ Truong Tan Sang. ຮ່ວມເດີນທາງພ້ອມກັບຄະນະມີທ່ານລັດຖະມົນຕີກະຊວງການຕ່າງປະເທດ Edward Nalbandian; ຫົວໜ້າຫ້ອງການປະທານາທິບໍດີ ທ່ານ Vigen Sargsyan, ທ່ານເອກອັກຄະລັດຖະທູດສ.ອາເມເນຍ ປະຈຳຫວຽດນາມ Armen Sargsyan. ການຢ້ຽມຢາມຫວຽດນາມ ຂອງທ່ານປະທານາທິບໍດີສ.ອາເມເນຍ ຢ່າງເປັນທາງການຄັ້ງນີ້ ແມ່ນເພື່ອແນໃສ່ເພີ່ມທະວີການພົວພັນຮ່ວມມືຫຼາຍດ້ານລະຫວ່າງສອງປະເທດ, ຍູ້ແຮງການຮ່ວມມືດ້ານເສດຖະກິດ ການຄ້າ ແລະ ຮ່ວມມືໃນບັນດາຂົງເຂດເຊິ່ງ 2 ຝ່າຍມີຄວາມສາມາດບົ່ມຊ້ອນ, ມີຄວາມຕ້ອງການ ແລະ ຕ່າງຝ່າຍຕ່າງມີຜົນປະໂຫຍດ, ແລກປ່ຽນບາງບັນຫາພາກພື້ນ ແລະ ສາກົນ ເຊິ່ງຕ່າງຝ່າຍຕ່າງມີຄວາມສົນໃຈ. ຕາມລາຍການແລ້ວ, ໃນການຢ້ຽມຢາມຫວຽດນາມ ເປັນເວລາ 1 ວັນ, ທ່ານປະທານາທິບໍດີອາເມເນຍ ມີການເຈລະຈາກັບທ່ານປະທານປະເທດ Truong Tan Sang, ໂອ້ລົມສົນທະນາກັບທ່ານນາຍົກລັດຖະມົນຕີ Nguyen Tan Dung ແລະ ເຂົ້າຢ້ຽມຂໍ່ານັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong. Từ khóa: ອາເມເນຍ
ທ່ານຮອງນາຍົກລັດຖະມົນຕີ ເຈິ່ນລຶວກວາງ ໃຫ້ການຕ້ອນຮັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ
ນຳສົ່ງອັດຖິບັນດານັກຮົບວິລະຊົນເສຍສະຫຼະຊີວິດເພື່ອຊາດຢູ່ ພາກເໜືອລາວ ກັບເມືອ ຫວຽດນາມ
ການຢ້ຽມຢາມ ຫວຽດນາມ ຂອງທ່ານປະທານາທິບໍດີ ສ້າງຂີດໝາຍໃໝ່ໃຫ້ແກ່ການພັດທະນາແບບຍືນຍົງລະຫວ່າງການພົວພັນສອງປະເທດ