ກອງປະຊຸມຂອງກຳມາທິການການຕ່າງປະເທດສະພາແຫ່ງຊາດ ຕວັກກີ ໃນວັນທີ 26 ທັນວາ 2023 (ພາບ: THX/TTXVN)

ລະບຽບການດັ່ງກ່າວອະນຸຍາດໃຫ້ ຊູແອັດ ບັນລຸໄດ້ອີກບາດກ້າວໜຶ່ງໃນຄວາມມານະພະຍາຍາມເຂົ້າຮ່ວມສໍາພັນທະມິດການທະຫານ NATO. ເຖິງຢ່າງໃດກໍຕາມ, ຂໍ້ຕົກລົງສຸດທ້າຍກໍຕ້ອງລໍຖ້າວາລະປະຊຸມຄົບຄະນະສະພາແຫ່ງຊາດ ຕວັກກີ ຮັບຮອງເອົາ. ປັດຈຸບັນ, ຕວັກກີ ຍັງບໍ່ທັນກຳນົດວັນເວລາຈັດກອງປະຊຸມດັ່ງກ່າວ ເພື່ອລົງຄະແນນສຽງກ່ຽວກັບບັນຫານີ້.

ໃນກໍລະນີ ຕວັກກີ ຍອມຮັບເພື່ອໃຫ້ ຊູແອັດ ກາຍເປັນສະມາຊິກຂອງ NATO, ປະເທດ ເອີຣົບເໜືອນີ້ ຍັງປະສົບກັບອີກຮົ້ວກີດຂວາງໜຶ່ງ ນັ້ນແມ່ນການຄັດຄ້ານຈາກ ຮຸງກາຣີ. ປັດຈຸບັນ, ສະພາແຫ່ງຊາດ ຮຸງກາຣີ ຍັງບໍ່ທັນດຳເນີນການປ່ອນບັດໃຫ້ສັດຕະຍາບັນໃບຄຳຮ້ອງຂໍເຂົ້າເປັນສະມາຊິກ NATO ຂອງ ຊູແອັດ ເທື່ອ.