ພາບປະກອບ
(vovworld) - ຕາມຄະນະໂຄສະນາສຶກສາສູນກາງແລ້ວ, ປີ
2013, ວຽກງານໂຄສະນາເຜີຍແຜ່ກ່ຽວກັບທະເລ, ເກາະ ສືບຕໍ່ໄດ້ຮັບການໂຄສະນາເຜີຍແຜ່,
ສຶກສາຢ່າງເລິກເຊິ່ງກ້ວາງແຂວງ, ເປັນລະບົບໃນປະຊາຊົນທຸກຊັ້ນວັນນະ ກ່ຽວກັບທີ່ຕັ້ງ,
ບົດບາດ, ຄວາມສາມາດບົ່ມຊ້ອນ, ທ່າແຮງຂອງທະເລ, ເກາະ ຫວຽດນາມ ທີ່ມີຕໍ່ພາລະກິດສ້າງສາ
ແລະ ປົກປັກຮັກສາປະເທດຊາດ, ບັນດາທັດສະນະ, ແຜນນະໂຍບາຍຂອງພັກ, ບັນດາເອກະສານນິຕິກຳ
ກ່ຽວກັບທະເລ, ເກາະຂອງ ຫວຽດນາມ. ນອກນັ້ນ, ຫວຽດນາມ ຈະຍູ້ແຮງການໂຄສະນາເຜີຍແຜ່,
ແນະນຳ, ຍ້ອງຍໍສັນລະເສີນບັນດາຜົນງານພັດທະນາເສດຖະກິດທະເລ, ເກາະ, ຍົກສູງບົດບາດ
ແລະ ຄວາມຮັບຜິດຊອບຂອງບັນດາພາກສ່ວນເສດຖະກິດໃນການເຂົ້າຮ່ວມຢ່າງຕັ້ງໜ້າເຂົ້າໃນການພັດທະນາເສດຖະກິດທະເລ,
ບັນດາຜົນງານໃນການຮ່ວມມືສາກົນກ່ຽວກັບທະເລ….
ຫວຽດນາມ
ກໍ່ຈະຕໍ່ສູ້ກັບບັນດາການກະທຳຂອງຕ່າງປະເທດ ເຊິ່ງລະເມີດອະທິປະໄຕ, ສິດອະທິປະໄຕ,
ສິດຕັດສິນອັນຖືກຕ້ອງ ຂອງ ຫວຽດນາມ ທີ່ມີຕໍ່ທະເລ, ເຂດໄຫຼ່ທະວີບ, ເຂດເສດຖະກິດພິເສດ
200 ໄມທະເລຂອງ ຫວຽດນາມ. ຍູ້ແຮງການໂຄສະນາເຜີຍແຜ່, ຂໍ້ມູນຂ່າວການພົວພັນຕ່າງປະເທດ,
ເຮັດໃຫ້ເພື່ອນມິດ ແລະ ຫາງສຽງສາກົນເຂົ້າໃຈແຈ້ງຕໍ່ຫຼັກໝັ້ນເປັນທຳຂອງ ຫວຽດນາມ,
ບັນດາພື້ນຖານດ້ານນິຕິກຳ, ພະຍານຫຼັກຖານດ້ານປະຫວັດສາດ ແລະ ພຶດຕິກຳຕົວຈິງເພື່ອຢັ້ງຢືນອະທິປະໄຕຂອງຫວຽດນາມທີ່ມີຕໍ່ໝູ່ເກາະ
ເຈື່ອງຊາ, ຮ່ວາງຊາ ກໍ່ຄືບັນດາແຜນນະໂຍບາຍ, ນະໂຍບາຍຂອງພັກ, ລັດ ຫວຽດນາມ ກ່ຽວກັບທະເລຕາເວັນອອກ,
ສ້າງຄວາມເຫັນດີເຫັນພ້ອມ, ການສະໜັບສະໜູນຂອງເພື່ອນມິດ ແລະ ຫາງສຽງສາກົນທີ່ມີຕໍ່
ຫວຽດນາມ.