ຕາມແຜນການ, ພິທີດັ່ງກ່າວຈະເລີ່ມດຳເນີນແຕ່ເວລາ 17 ໂມງ ຂອງວັນທີ 30 ເມສາ (ຕາມເວລາທ້ອງຖິ່ນ), ດ້ວຍການເຂົ້າຮ່ວມຂອງແຂກຖືກເຊີນ 300 ທ່ານ, ໃນນັ້ນມີທ່ານນາຍົກລັດຖະມົນຕີຍີ່ປຸ່ນ Shinzo Abe ແລະ ບັນດາສະມາຊິກລັດຖະບານ.

        ວັນທີ 01 ພຶດສະພາ, ອົງມົງກຸດລາຊະກຸມມານ Naruhito ຈະຂຶ້ນຄອງລາດ. ພາຍຫຼັງພິທີຂຶ້ນຄອງລາດ, ພະເຈົ້າຈັກກະພັດຍີ່ປຸ່ນ ອົງໃໝ່ຈະພົບປະກັບຜູ້ເປັນຕົວແທນປະຊາຊົນທຳອິດ.

        ປີ 2016, ພະເຈົ້າຈັກກະພັດຍີ່ປຸ່ນ Akihito ໄດ້ສະແດງປາດຖະໜາຄວາມຢາກສະຫຼະບັນລັງຍ້ອນອາຍຸສູງ ແລະ ສຸຂະພາບບໍ່ຮັບປະກັນ.