(vovworld) - ຕອນບ່າຍວັນທີ 18/10, ທ່ານ Le Hong Anh, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ, ຫົວໜ້າຄະນະກວດກາຂອງຄະນະເລຂາສູນກາງພັກໄດ້ມີການເຮັດວຽກກັບຄະນະພັກແຂວງ ແຂວງຕວຽນກວາງ ກ່ຽວກັບການປະຕິບັດຄຳສັ່ງເລກທີ 3 ຂອງກົມການເມືອງກ່ຽວກັບວຽກງານ “ສືບຕໍ່ຍູ້ແຮງການຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມິນ”. ທ່ານ Le Hong Anh ໄດ້ສະເໜີວ່າ ໃນໄລຍະຈະມາເຖິງ, ແຂວງຕວຽນກວາງ ຄວນສຸມໃສ່ແກ້ໄຂບັນດາຄວາມຫຍຸ້ງຍາກ, ເສີມຂະຫຍາຍທ່າແຮງ ປະຕິບັດບັນດາວຽກງານຈຸດສຸມເປັນຢ່າງດີ: ສຸມໃສ່ຊີ້ນຳ ນຳພາປະຕິບັດບັນດາຄາດໝາຍຂອງແຜນການພັດທະນາເສດຖະກິດ, ສັງຄົມປີ 2012 ຢ່າງມີໄຊ. ສືບຕໍ່ຜັນຂະຫຍາຍການຕຳນິຕິຊົມຕົນເອງ ແລະ ຕຳນິຕຳຊົນກັນຕາມຈິດໃຈມະຕິສູນກາງຄັ້ງທີ 4 ຊຸດທີ 11 ໃນທົ່ວອົງຄະນະພັກຢ່າງເຂັ້ມງວດ, ຕິດພັນກັບການຜັນຂະຫຍາຍປະຕິບັດມະຕິສູນກາງພັກຄັ້ງທີ 5, ມະຕິສູນກາງຄັ້ງທີ່ 6 ຊຸດທີ 11 ຂອງພັກ; ສຳຫຼວດກວດຄືນ, ເພີ່ມເຕີ່ມວຽກງານວາງແຜນສັບຊ້ອນພະນັກງານການນຳ, ຄຸມຄອງບັນດາຂັ້ນ, ບັນດາຂະແໜງການໄລຍະ 2015 – 2020. ທ່ານ Le Hong Anh ໄດ້ຮຽກຮ້ອງໃຫ້ຄະນະພັກ, ອຳນາດການປົກຄອງທ້ອງຖິ່ນທຸກຂັ້ນຕ້ອງມີຫຼາຍວິທີເພື່ອໂຄສະນາຢ່າງອຸດົມສົມບຸນ ເພື່ອໃຫ້ພະນັກງານ, ສະມາຊິກພັກ ມີສະຕິຕື່ນຕົວກວ່າໃນການຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມິນ; ສ້າງ, ໂຄສະນາ ແລະ ທະວີຄຸນບັນດາຮູບແບບດີເດັ່ນໃນບັ້ນຂົນຂວາຍຢ່າງຕັ້ງໜ້າ.