(vovworld) - ເນື່ອງໃນໂອກາດ 20 ປີແຫ່ງວັນສ້າງການພົວພັນດ້ານການຄ້າລະຫວ່າງຫວຽດນາມ - ອາເມິລກາ ເປັນປົກກະຕິ (03/02/1994 – 03/02/2014), ສະພາຕໍ່າອາເມລິກາ ມີເອກະສານທາງການຮັບຮູ້ເຫດການນີ້. ນີ້ແມ່ນຮູບການຮັບຮູ້ທີ່ຫາຍາກຂອງສະພາແຫ່ງຊາດອາເມລິກາ ໃນການພົວພັນການຕ່າງປະເທດກັບປະເທດອື່ນໆ.
ເອກະສານຮັບຮູ້ເລກທີ 22 ຂອງສະພາຕໍ່າ ເຊິ່ງສະມາຊິກສະພາສູງທ່ານ Jeff Flake ມອບໃຫ້ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຫງວຽນກ໋ວກເກື່ອງ ທີ່ພິທີສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນດ້ານການຄ້າລະຫວ່າງຫວຽດນາມ - ອາເມລິກາ ໂດຍສະຖານທູດຫວຽດນາມ ຈັດຕັ້ງຢູ່ອາເມລິກາໃນຕອນຄໍ່າວັນທີ 10/02.
ເອກະສານຮັບຮູ້ໄດ້ເນັ້ນໜັກເຖິງເລື່ອງອາເມລິກາ ຍົກເລີກຄຳສັ່ງຂວ້ຳບາດສຳລັບຫວຽດນາມ ເມື່ອວັນທີ 03/02/1994 ໄດ້ເປີດໄລຍະໃໝ່ໃຫ້ການພົວພັນລະຫວ່າງອາເມລິກາ - ຫວຽດນາມ, ເປີດທາງໃຫ້ເລື່ອງ 2 ປະເທດສ້າງຕັ້ງການພົວພັນດ້ານການທູດຢ່າງຄົບຖ້ວນເມື່ອເດືອນ 07/1995. ພິເສດແມ່ນເອກະສານຮັບຮູ້ຕີລາຄາວ່າ ການພົວພັນລະຫວ່າງ 2 ປະເທດ ພາຍຫຼັງເກືອບ 20 ປີໄດ້ຮັບການພັດທະນາຢ່າງເລິກເຊິ່ງ, ຫຼາຍຮູບແບບ; ປະຈຸບັນລັດຖະບານ, ປະຊາຊົນ 2 ປະເທດພວມຊຸກຍູ້ການພົວພັນດັ່ງກ່າວຫຼາຍກວ່າອີກ.
ເອກະສານຮັບຮູ້ກໍ່ຊີ້ແຈ້ງບົດບາດຂອງບັນດາການນຳ 2 ປະເທດໃນວິວັດການຊຸກຍູ້ການພົວພັນ 2 ຝ່າຍໃນໄລຍະຜ່ານມາ, ເນັ້ນໜັກເຖິງບັນດາຄວາມປະທັບໃຈກ່ຽວກັບວິໄສທັດ ກໍ່ຄືການປະກອບສ່ວນຂອງການນຳຫວຽດນາມ ເຂົ້າໃນພາລະກິດພັດທະນາການພົວພັນລະຫວ່າງຫວຽດນາມ - ອາເມລິກາ.