 |
(vovworld) - ວັນທີ 6/7 ຢູ່ນະຄອນຫຼວງວຽງຈັນ - ລາວ, ໄດ້ດຳເນີນກອງປະຊຸມປະຈຳປີຄັ້ງທີ 22 ລະຫວ່າງຄະນະຜູ້ແທນຊາຍແດນຫວຽດນາມ - ລາວ. ນະທີ່ນີ້, ຫົວໜ້າຄະນະຜູ້ແທນຫວຽດນາມ, ລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ Ho Xuan Son ແລະ ຫົວໜ້າຄະນະຜູ້ແທນລາວ, ລັດຖະມົນຕີຊ່ວຍວ່າການກະຊວງການຕ່າງປະເທດລາວ ບູນເກີດ ສັງສົມສັກ ໄດ້ເຫັນດີເປັນເອກະພາບຕໍ່ທິດທາງແຫ່ງການຮ່ວມມືໃນໄລຍະຈະມາເຖິງ, ພິເສດແມ່ນໃນວຽກງານຄຸ້ມຄອງ ການໄປມາຜ່ານຊາຍແດນ; ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດ, ການຄ້າໃນເຂດຊາຍແດນລະຫວ່າງສອງປະເທດ. ເພື່ອປະຕິບັດສັນຍາກົດລະບຽບຊາຍແດນໃນໄລຍະຈະມາເຖິງເປັນຢ່າງດີ, ສອງຝ່າຍໄດ້ສ້າງສຳເລັດແຜນຮ່າງ ”ຂໍ້ຕົກລົງລະຫວ່າງລັດຖະບານ ສສ ຫວຽດນາມ ແລະ ລັດຖະບານ ສປປ ລາວ ກ່ຽວກັບການແກ້ໄຂບັນຫາຄົນອົບພະຍົບຢ່າງເສລີ ແລະ ສົມລົດບໍ່ຖືກຕ້ອງຕ່າງກົດໝາຍ ໃນເຂດຊາຍແດນລະຫວ່າງສອງປະເທດ” ແລະ ຈະຍື່ນສະເໜີຕໍ່ລັດຖະບານສອງປະເທດພິຈາລະນາ, ອະນຸຍາດໃຫ້ລົງນາມຢ່າງເປັນທາງການໂດຍໄວ. ກ່ຽວກັບໂຄງການປັກຫຼັກໝາຍຖີ່ ແລະ ບຸລະນະລະບົບຫຼັກໝາຍຊາຍແດນຫວຽດນາມ - ລາວ, ສອງຝ່າຍໝັ້ນໝາຍຍູ້ໄວກວ່າອີກຄວາມຄືບໜ້າໃນການປະຕິບັດໂຄງການ ເພື່ອຮັບປະກັນປະຕິບັດສຳເລັດໃນປີ 2014 ໃຫ້ຖືກຕ້ອງຕາມການຊີ້ນຳຂອງການນຳຂັ້ນສູງສອງປະເທດ