ສຳນັກງານອົງການ WTO (ພາບ: THX/TTXVN) |
ວັນທີ 5 ຕຸລາ, ອົງການການຄ້າໂລກ (WTO) ໄດ້ຫຼຸດລະດັບຄາດຄະເນອັດຕາການເຕີບໂຕດ້ານການຄ້າໃນທົ່ວໂລກປີ 2023 ລົງ ໃນສະພາບທີ່ການປະທະກັນຢູ່ ຢູແກຼນ ແລະ ບາງປັດໄຈອື່ນໄດ້ສົ່ງຜົນກະທົບຕໍ່ພື້ນຖານເສດຖະກິດໂລກ.
ໃນແຜນການຄາດຄະເນດ້ານການຄ້າປະຈຳປີສະບັບປັບປຸງ, ນັກເສດຖະກິດ WTO ຫຼາຍທ່ານ ຍັງຮັກສາລະດັບຄາດຄະເນເສດຖະກິດທົ່ວໂລກໄວ້ຄືເກົ່າກໍຄື ເພີ່ມຂຶ້ນໃນລະດັບ 2,8% ໃນປີນີ້, ເທົ່າກັບລະດັບທີ່ໄດ້ຍົກອອກເມື່ອເດືອນເມສາຜ່ານມາ. ເຖິງຢ່າງໃດກໍຕາມ, ໃນປີຈະມາເຖິງ, ການເຕີບໂຕ GDP ທົ່ວໂລກ ຄາດວ່າບັນລຸພຽງ 2,3% ຫຼຸດລົງເມື່ອທຽບໃສ່ການຄາດຄະເນກ່ອນໜ້ານັ້ນແມ່ນ 3,2%.