ທ່ານ Jens Stoltenberg ເລຂາທິການໃຫຍ່ NATO (ພາບ:  AFP/TTXVN)

ໃນບົດກ່າວປາໄສກັບບັນດາສະມາຊິກພັກສຳພັນທະມິດປະຊາທິປະໄຕ ສັງຄົມສາສະໜາຄຣິດ(CSU) ຂອງ ເຢຍລະມັນ, ທ່ານ Jens Stoltenberg ກໍ່ຖືວ່າ ປີ 2021 ຈະແມ່ນປີຕັດສິນໃຈຕໍ່ອາບການິດສະຖານ. ທ່ານ Jens Stoltenberg ກໍ່ສະແດງຄວາມຊົມເຊີຍຕໍ່ການເຈລະຈາສັນຕິພາບທີ່ພວມດຳເນີນ ແລະ ຖືວ່າ “ມີສິ່ງທ້າທາຍ ແລະ ຂາດສະຖຽນລະພາບຫຼາຍຢ່າງ ແຕ່ແນ່ນອນວ່າ ການເຈລະຈາແມ່ນເສັ້ນທາງໜຶ່ງດຽວທີ່ພາໄປເຖິງ ສັນຕິພາບ, ເສັ້ນທາງໜຶ່ງດຽວທີ່ມຸ່ງໄປເຖິງມາດຕະການເຈລະຈາສັນຕິພາບ”. ຕາມ Jens Stoltenberg ແລ້ວ, ລັດຖະມົນຕີກະຊວງປ້ອງກັນປະເທດບັນດາປະເທດ NATO ຈະຕີລາຄາ ອະນາຄົດພາລະກິດຂອງ NATO ຢູ່ອາບການິດສະຖານໃນເດືອນກຸມພາຈະມາເຖິງ.