(vovworld) - ຕາມກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນຫວຽດນາມ ແລ້ວ, ປະຈຸບັນມີ 8 ປະເທດອາຊຽນລົງທຶນເຂົ້າຫວຽດນາມ ດ້ວຍ 2.700 ກວ່າໂຄງການ, ລວມຍອດຈຳນວນທຶນຈົດທະບຽນແມ່ນ 56,85 ຕື້ USD, ກວມເກືອບ 21% ຂອງຍອດຈຳນວນເງິນລົງທຶນຕ່າງປະເທດເຂົ້າ ຫວຽດນາມ. ນັ້ນແມ່ນບັນດາປະເທດ: ສິງຄະໂປ, ມາເລເຊຍ, ໄທ, ບຣູໄນ, ອິນໂດເນເຊຍ, ຟີລິບປິນ, ລາວ ແລະ ກຳປູເຈຍ. ມາຮອດປະຈຸບັນ, ບັນດານັກລົງທຶນໃນກຸ່ມອາຊຽນ ໄດ້ມີໜ້າຢູ່ 57/63 ແຂວງ, ນະຄອນຂອງທົ່ວປະເທດ, ເຊິ່ງຕົ້ນຕໍແມ່ນສຸມໃສ່ບັນດານະຄອນໃຫຍ່, ມີເງື່ອນໄຂພັດທະນາຢ່າງສະດວກ, ເຊັ່ນ: ນະຄອນ ໂຮ່ຈີມິນ, ຮ່າໂນ້ຍ, ບ່າເຣ້ຍ - ວຸງເຕົ່າ, ບິ່ງເຢືອງ, ດົ່ງນາຍ… ເງິນລົງທຶນຕົ້ນຕໍແມ່ນສຸມໃສ່ບັນດາຂະແໜງຜະລິດປຸງແຕ່ງ, ກວມປະມານ 40% ຈຳນວນໂຄງການ; ຖັດມາແມ່ນຂະແໜງດຳເນີນທຸລະກິດອະສັງຫະລິມະຊັບ.