ໄພແຫ້ງແລ້ງເກີດຂຶ້ນໃນໄລຍະຜ່ານມາໄດ້ກໍ່ຄວາມເສຍຫາຍຫຼາຍຢ່າງສຳລັບແຂວງ ກ່າເມົາ. ສະພາບຕົວຈິງດັ່ງກ່າວໄດ້ວາງອອກໃຫ້ແຫຼມ ກ່າເມົາ ຕ້ອງແກ້ໄຂຫຼາຍບັນຫາຄື: ຂາດນ້ຳປະປາ, ຂາດແຫຼ່ງນ້ຳທີ່ນຳໃຊ້ເຂົ້າໃນການຜະລິດ ແລະ ສະພາບດິນເຊາະເຈື່ອນ. ຕາມຫ້ອງການ ຊົນລະປະທານທ້ອງຖິ່ນແລ້ວ, ນ້ຳຢູ່ຄອງເໝືອງຂັ້ນ 1 ເຫຼືອພຽງແຕ່ 0,5 ແມັດ; ຄອງເໝືອງຂັ້ນ 2, 3 ແມ່ນບໍ່ມີນ້ຳອີກແລ້ວ. ຢູ່ເຄິ່ງກາງແມ່ນ້ຳກາຍເປັນເດີ່ນ ຫຼີ້ນໃຫ້ແກ່ເດັກນ້ອຍ ແລະ ເຕັມໄປດ້ວຍຕົ້ນຫຍ້າ. ການຄົມມະນາຄົມໄປມາທາງ ນ້ຳຢູ່ເຂດນ້ຳຈືດໄດ້ຢຸດຕິ. ສະພາບໄພແຫ້ງແລ້ງມາໄວ ແລະ ຮ້າຍແຮງໃນປີນີ້ ໄດ້ກໍ່ຄວາມເສຍຫາຍຫຼາຍຢ່າງໃຫ້ແກ່ເຂດແຫຼມ ກ່າເມົາ. ໄລ່ມາຮອດຈຸດເວລານີ້, ດິນນາທີ່ປູກເຂົ້າກວ່າ 19.000 ເຮັກຕາ ຖືກເສຍຫາຍ ແລະ ເສຍຫາຍຢູ່ໃນລະດັບສູງກວ່າ 70%. ພືດຜັກຢູ່ເຂດທົ່ງນາ ທີ່ເຄີຍສ້າງກຳໄລທົບ 2 ເທົ່າເມື່ອທຽບໃສ່ການປູກເຂົ້າຂອງປະຊາຊົນເມືອງ ເຈິ່ນວັນເເທີ່ຍ ຖືກເສຍຫາຍ. ປະຊາຊົນພວມເກັບນ້ຳທີ່ຍັງເຫຼືອດ້ວຍຄວາມຫວັງຢາກຊ່ວຍກູ້ເອົາລະດູການ ປະຈຸບັນ, ປະຊາຊົນຢູ່ແຂວງ ກ່າເມົາ ກວ່າ 20.000 ຄອບຄົວພວມຂາດນ້ຳປະປາ ພິເສດ, ນັບແຕ່ຕົ້ນລະດູແລ້ງ ມາຮອດປະຈຸບັນ, ຢູ່ເຂດນ້ຳຈືດຂອງແຂວງກ່າເມົາ ໄດ້ເກີດສະພາບດິນເຊາະເຈືອນ, ດິນລຸບກວ່າ 1.000 ຄັ້ງ ລະດູແລ້ງ ໄດ້ຮັບການຄາດຄະເນວ່າ ຍັງຈະຮ້າຍແຮງກວ່ານີ້ຕື່ມອີກ, ວຽກງານປ້ອງກັນໄຟໄໝ້ ປ່າ ກໍ່ມີວຽກງານຫຼາຍຢ່າງຕ້ອງໄດ້ຮັບການແກ້ໄຂ. ຕໍ່ໜ້າບັນດາຄວາມເສຍຫາຍຢ່າງໜັກໜ່ວງນັ້ນ, ທາງແຂວງກ່າເມົາ ໄດ້ປະກາດສະພາວະສຸກເສີນເກີດໄພແຫ້ງແລ້ງລະດັບ 2. ບັນດາຂະແໜງທີ່ມີໜ້າທີ່ຂອງທ້ອງຖິ່ນ ກໍພວມຜັນຂະຫຍາຍບັນດາມາດຕະການແກ້ໄຂ, ບັນດາທິດທາງໜູນຊ່ວຍປະຊາຊົນ. Từ khóa: ຕອບກັບ ສົ່ງ Xem thêm