ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ

ພິທີໄວ້ອາໄລທ່ານ ຄຳໄຕ ສີພັນດອນ ໄດ້ຈັດຂຶ້ນໃນເວລາ 12 ໂມງ 30 ນາທີຂອງວັນທີ 7 ເມສາ, ຢູ່ເດີ່ນພະທາດຫຼວງ, ນະຄອນຫຼວງ ວຽງຈັນ.

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 2

ປີ 1947, ທ່ານ ຄຳໄຕ ສີພັນດອນ ໄດ້ເຂົ້າຮ່ວມກຳລັງແນວລາວ ອິດສະຫຼະ ສ້າງຂີດໝາຍເລີ່ມຕົ້ນການເຄື່ອນໄຫວປະຕິວັດຍາດເອົາເອກະລາດຫຼຸດພົ້ນອອກຈາກແອກປົກຄອງຂອງພວກລ່າເມືອງຂຶ້ນ ຝລັ່ງ. ທ່ານເຂົ້າເປັນສະມາຊິກພັກກອມມູນິດ ອິນດູຈີນ ເມື່ອປີ 1954 ແລະ ເຂົ້າເປັນສະມາຊິກພັກປະຊາຊົນປະຕິວັດລາວ ເມື່ອປີ 1955.

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 3

ປີ 1975, ພາຍຫຼັງປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຮັບການສະຖາປະນາ, ທ່ານ ຄຳໄຕ ສີພັນດອນ ຮັບດຳລົງຕຳແໜ່ງເປັນລັດຖະມົນຕີກະຊວງປ້ອງກັນປະເທດ, ແລ້ວ ເປັນຮອງນາຍົກລັດຖະມົນຕີ.

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 4

ທ່ານ ຄຳໄຕ ສີພັນດອນ ດຳລົງຕຳແໜ່ງນາຍົກລັດຖະມົນຕີ ເມື່ອປີ 1991 ແລະ ຮັບດຳລົງຕຳແໜ່ງ ປະທານປະເທດແຕ່ປີ 1998 ຫາປີ 2006. ທ່ານແມ່ນປະທານຄະນະບໍລິຫານງານສູນກາງພັກປະຊາຊົນປະຕິວັດລາວ ນັບແຕ່ປີ 1992 ຫາປີ 2006.

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 5

ດ້ວຍຄຸນງາມຄວາມດີອັນຍິ່ງໃຫຍ່ໃນການປະກອບສ່ວນໃຫ້ແກ່ພາລະກິດແຫ່ງການປະຕິວັດຂອງພັກ, ຂອງປະຊາຊົນລາວບັນດາເຜົ່າ, ທ່ານ ຄຳໄຕ ສີພັນດອນ ໄດ້ຮັບຫຼາຍຫຼຽນໄຊ, ຫຼຽນກາອັນສູງສົ່ງໂດຍພັກ, ລັດ ລາວ ມອບໃຫ້.

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 6

ພິທີໄວ້ອາໄລທ່ານອະດີດປະທານປະເທດ ລາວ ຄຳໄຕ ສີພັນດອນ ຢູ່ ວຽງຈັນ - ảnh 7

ໃນພາລະກິດແຫ່ງການປົກປັກຮັກສາ, ສ້າງສາ ແລະ ພັດທະນາປະເທດຊາດ, ທ່ານອະດີດປະທານປະເທດ ຄຳໄຕ ສີພັນດອນ ໄດ້ມີການຮ່ວມມືຢ່າງແໜ້ນແຟ້ນກັບ ຫວຽດນາມ ເພື່ອແລກປ່ຽນ, ແບ່ງປັນບົດຮຽນປະສົບການ, ໜູນຊ່ວຍ ແລະ ຊ່ວຍເຫຼືອເຊິ່ງກັນແລະກັນ.