ຕອນຄ່ຳວັນທີ 03 ມີນາ, ຢູ່ສຳນັກງານຄະນະກຳມະການຕາແສງ ເຊີນໂລຍ, ເມືອງບິ່ງຊວຽນ, ແຂວງ ວິ້ງຟູ໊ກ ໄດ້ດຳເນີນກອງປະຊຸມປະກາດຂໍ້ຕົກລົງຂອງຄະນະບັນຊາການປ້ອງກັນ, ຕ້ານໂລກລະບາດ Covid-19 ແຂວງ ວິ້ງຟູ໊ກ ວ່າດ້ວຍການຢຸດຕິການເຄືອນໄຫວຂອງປ້ອມກວດກາ, ຄວບຄຸມໂລກພະຍາດ Covid-19 ໃນບໍລິເວນຕາແສງເຊີນໂລຍ, ເມືອງບິ່ງຊວຽນ. ເຖິງວ່າ, ກອງປະຊຸມປະກາດຂໍ້ຕົກລົງວ່າດ້ວຍການຍົກເລີກການແຍກຕົວດ້ານສາທາລະນະສຸກ ສຳລັບຕາແສງ ເຊີນໂລຍ ເຊິ່ງໄດ້ດຳເນີນໃນເວລາ 23 ໂມງແລ້ວກໍຕາມ, ແຕ່ປະຊາຊົນຢູ່ທີ່ນີ້ກໍ່ໄດ້ເຂົ້າຮ່ວມເປັນຈຳນວນຫຼວງຫຼາຍ. ໃນເວລາປະມານ 23 ໂມງ 50 ນາທີຂອງວັນທີ 03 ມີນາ, ບັນດາປ້ອມກວດກາຄວບຄຸມຍັງເຄື່ອນໄຫວເປັນປົກກະຕິ, ປະຕິບັດຕາມບັນດາຂໍ້ກຳນົດຂອງກະຊວງສາທາລະນະສຸກຢູ່. ພາຍຫຼັງປະກາດໃຊ້ຂໍ້ຕົກລົງແລ້ວ, ບັນດາຜູ້ແທນເຂົ້າຮ່ວມໄດ້ໄປເຖິງບັນດາປ້ອມກວດກາຄວບຄຸມໂລກລະບາດ Covid-19 ຢູ່ຕາແສງ ເຊີນໂລຍ. ຮອດເວລາ 00 ໂມງຂອງວັນທີ 04 ມີນາ, ພາຍໃຕ້ເປັນສັກຂີພິຍານຂອງການນຳແຂວງ ວິ້ງຟູ໊ກ, ທ່ານຮອງລັດຖະມົນຕີກະຊວງສາທາລະນະທຸກ ໂດ້ຊວນຕວຽນ ແລະ ປະຊາຊົນຢູ່ຕາແສງ ເຊີນໂລຍ ເປັນຈຳນວນຫຼວງຫຼາຍ, ບັນດາອົງການທີ່ມີໜ້າທີ່ ໄດ້ປະຕິບັດການຍົກເລີກຮົ້ວກັ້ນຂອງ 12 ປ້ອມກວດກາ, ຄວບຄຸມ. ປະຊາຊົນ ເຊີນໂລຍ ໄດ້ອອກຈາກຕາແສງຕາມໃຈມັກຢ່າງເປັນທາງການ. ການນຳກະຊວງສາທາລະນະສຸກ ໄດ້ແບ່ງປັນກັບບັນດາຜູ້ປະຕິບັດໜ້າທີ່ຊ່ວຍໃຫ້ປະຊາຊົນ ເຊີນໂລຍ ຕ້ານໂລກລະບາດ ທ່ານນາງ ຮ່ວາງທິຖຸຍລານ, ເລຂາຄະນະພັກແຂວງວິ້ງຟູ໊ກ ໄດ້ຂອບໃຈກຳລັງປ້ອງກັນຍ້ອນໄດ້ປະຕິບັດວຽກງານປ້ອງກັນ, ຕ້ານໂລກລະບາດຢ່າງສຸດຈິດສຸດໃຈ. ກຳລັງຕຳຫຼວດກໍ່ຖອນຕົວກັບຄືນສູ່ກົມກອງພາຍຫຼັງປະກາດຂໍ້ຕົກລົງວ່າດ້ວຍການຍົກເລີກການແຍກຕົວ. Từ khóa: ຕອບກັບ ສົ່ງ Xem thêm