 |
| ខ្លោងទ្វាភូមិ Duong Lam (vov.vn) |
VOV-រូបភាពគួឲ្យចាប់អារម្មណ៍ដំបូងនៃភូមិវៀតបុរាណគឺជួរឬស្សីព័ទ្ធជុំវិញ
ភូមិ បង្កើតឡើងនូវម្លប់ត្រជាក់ផងនិងជាជញ្ជាំងដ៏រឹងមាំការពារភូមិប្រឆាំងនឹង
សត្រូវឈ្លានពានផង។ ទន្ទឹមនឹងជួរឬស្សីគឺខ្លោងទ្វាភូមិជាសំណង់សំខាន់ក្នុង
ជីវភាពរស់នៅប្រចាំថ្ងៃនិងជីវភាពព្រលឹងនៅបណ្ដាភូមិជនបទ។ ខ្លោងទ្វា
នីមួយៗសុទ្ធតែមានស្ថាបត្យកម្មដោយឡែកប៉ុន្តែជានិច្ចកាលសមស្របទៅនឹង
បរិយាកាសភូមិជនបទ។ ភូមិ Duong Lam មានចម្ងាយពីកណ្ដាលរដ្ឋធានីហាណូយ
ប្រមាណ៥០គីឡូម៉ែត្រទៅប៉ែកខាងលិចនាបច្ចុប្បន្ននៅរក្សាដ៏ដែលភាពគំរូរបស់
ភូមិវៀតណាមបុរាណ ក្នុងនោះសំណង់វិសេសវិសាលគឺខ្លោងទ្វាភូមិដែលត្រូវបាន
សាងសង់តាំងពីឆ្នាំ១៥៥៣។ស្ថាប័ត្យករ Le Quang Ngoc បានឲ្យដឹងថា៖
“មកដល់ទីនេះយើងបានសង្កេតឃើញខ្លោងទ្វាដ៏សាមញ្ញប៉ុន្តែមានការ
ទាក់ទាញយ៉ាងខ្លាំងក្លា ពីព្រោះវាស្ថិតក្នុងស្ថានភាពមានដើមពោធ៍ស្រះផ្កា
ឈូបជាដើម។ នេះជាខ្លោងទ្វាធម្មតាដល់កំរិតមិនបាច់និយាយទេប៉ុន្តែដោយ
សារភាពធម្មតានោះស្ថិតក្នុងរូបភាពភូមិជនបទសុខសាន្តត្រាណដូច្នេះ ខ្លោង
ទ្វាភូមិបានរំលឹកដល់ប្រការអស្ចារ្សជាច្រើនដែលសិល្បករអ្នកថតរូបជាច្រើន
បានស្ងើចសរសើរយ៉ាងខ្លាំង។”
ក្នុងរចនាសម្ព័ន្ធភូមិប្រពៃណីនៅមានសំណង់មួយជាកន្លែងប្រព្រឹត្តទៅ
ជីវភាពរស់នៅសហគមន៍នោះគឺអណ្ដូងទឹកភូមិ។ អណ្ដូងទឹកភូមិត្រូវបានសាង
សង់នៅដើមភូមិរឺកណ្ដាលភូមិ។ ក្នុងអារម្មណ៍របស់មនុស្សបុរាណ អណ្ដូងទឹក
ភូមិប្រៀបដូចជាភ្នែកនៃភូមិ ជាគំរូដែលឆ្លុះបញ្ជាំងរូបភាពជីវភាពរស់នៅ
សុខសាន្តត្រាណនៃភូមិជនបទ។ លោក Tran Minh Nhuong អ្នកស្រាវជ្រាវវប្បធម៍
ប្រជាប្រិយបានឲ្យដឹងថា៖
“នៅដំបន់វាលទំនាប Bac Bo នាបច្ចុប្បន្ននៅមានស្លាកស្នាមរបស់អណ្ដូង
ទឹកបុរាណនៅបណ្ដាភូមិនិងប្រជាជននៅកំពុងប្រើប្រាស់បំរើឲ្យជីវភាពរស់នៅ។
មានកន្លែងជាអណ្ដូងទឹកគឺធ្វើពីដី មានកន្លែងខ្លះទៀតបានសាងសង់ដោយថ្មបាយ
ក្រៀមជាមួយរូបភាពខុសពីគ្នា។ ពិសេសគឺនៅបណ្ដាមណ្ឌលកេរ៌្តដំណែលវិហារ
វត្តទីសក្ការបូជានិងនៅចំពោះមុខពេលណាក៏មានអណ្ដូងបុរាណដែរ។”
ក្នុងភូមិ ផ្លូវសំខាន់តែងតែនាំទៅដល់សាលាភូមិ។តាមជំនឿ សាលាភូមិជាកន្លែងពិសិទ្ធដូច្នេះតែងតែជ្រើសរើសសាងសង់លើដីល្អបំផុត។ សាលាភូមិបាន
ធ្វើសក្ការៈបូជាលោកតាការពារភូមិ(ទេវតាភូមិ)។ នោះជាបណ្ដាអ្នកមាន
គុណូបការៈបង្កើតភូមិ វីរជនមានគុណបំណាច់ចំពោះប្រជាជនប្រទេសជាតិ។
ក្នុងជីវភាពរស់នៅ សាលាភូមិជានិច្ចកាលជាមជ្ឈមណ្ឌលរៀបចំជីវភាពរស់នៅ
សហគមន៍ ជាកន្លែងដែលប្រព្រឹត្តទៅបណ្ដាព្រឹត្តិការណ៍សំខាន់ៗរបស់ភូមិ។
ស្ថាប័ត្យករ Le Quang Ngoc បានឲ្យដឹងថែមទៀតថា៖
“សាលាភូមិតាមធម្មតាធំអំពីទ្រង់ទ្រាយនិងដាក់នៅបរិវែណយ៉ាងសមរម្យ
ផ្លូវគមនាគមន៍នៅជំវិញត្រូវជៀសវាងកន្លែងមជ្ឈមណ្ឌល ពីព្រោះនេះជាកន្លែង
ប្រមូលផ្ដុំរបស់ភូមិ។”
រចនាសម្ព័ន្ធភូមិសមស្របជាមួយជិវភាពរស់នៅបានរួមចំណែកបង្កើតឡើងទំនៀមទំលាប់វប្បធម៍សង្គម បង្កើតឡើងចរិតលក្ខណៈគំរូរបស់ប្រជាជននៅ
ដំបន់ជនបទ។ ឆ្លងកាត់ជាច្រើនជមនាន់មក រចនាសម្ព័ន្ធភូមិរួមជាមួយទំនៀម
ទំលាប់វប្បធម៍នោះបានបង្កើតឡើងបរិយាកាសភូមិជនបទដ៏សុខសាន្តត្រាណ។
ប្រហែលជាដូច្នេះក្តី ចំពោះអ្នករស់នៅឆ្ងាយពីស្រុកកំណើតនោះ រូបភាពភូមិ
ជនបទជានិច្ចកាលរំលឹកឡើងអំពីមនោសញ្ចេតនាឆ្ពោះទៅប្រភពដើមនិងទឹកចិត្ត
មោទនភាពអំពីប្រពៃណីស្រុកកំណើត៕