(VOV)_នាថ្ងៃទី១៣កក្កដា នាយករដ្ឋមន្ត្រីវៀតណាម លោក Nguyen Xuan Phuc
បានដឹកនាំគណប្រតិភូវៀតណាម អញ្ជើញទៅបំពេញទស្សនកិច្ចជាផ្លូវការនៅម៉ុង
ហ្គោលី និងចូលរួមសន្និសីទជាន់ខ្ពស់អាស៊ី-អឺរ៉ុប លើកទី១១(ASEM11) នៅទីក្រុង
Ulanbator។ ដំណើរទស្សនកិច្ចលើកនេះជាឱកាសដើម្បីប្រទេសទាំងពីរផ្លាស់ប្តូរអំពី
ទិសដៅសហប្រតិបត្តិការថ្មី សំដៅជំរុញទំនាក់ទំនង ក៏ដូចជាបង្កើនថែមទៀតតួ
នាទិរបស់វៀតណាម នៅលើឆាកអន្តរជាតិ។
 |
| អនុវត្តខ្លាំងក្លាគោលនយោបាយកិច្ចការបរទេសពហុទិសដើម្បីសន្តិភាពនិងភាពសម្បូររុងរឿង |
ដំណើរទស្សនកិច្ចលើកនេះរបស់នាយករដ្ឋមន្ត្រី លោក Nguyen Xuan Phuc បាន
ធ្វើឡើងតាមសេចក្ដីអញ្ជើញរបស់ ប្រធានាធិបតីម៉ុងហ្គោលី លោក Tsakhiagiin
Elbegdiri និងនាយករដ្ឋមន្ត្រីម៉ុងហ្គោលី លោក Jagaltulga Erdenebat ។ដំណើរទស្សន
កិច្ចលើកនេះនឹងប្រព្រឹត្តទៅចាប់ពីថ្ងៃទី១៣ដល់ថ្ងៃទី១៦កក្កដាឆ្នាំ២០១៦។
ជំរុញទំនាក់ទំនងទ្វេភាគីវៀតណាម-ម៉ុងហ្គោលី
ចាប់ពីពេលបង្កើតទំនាក់ទំនងការទូត (ថ្ងៃទី១៧វិច្ចកាឆ្នាំ១៩៥៤)ម៉ុងហ្គោលី
ជាប្រទេសមួយក្នុងចំណោមប្រទេសប្រកៀកស្មាជាមួយវៀតណាមជានិច្ចក្នុងការតស៊ូ
ដណ្ដើមឯករាជ្យជាតិ។ ម៉ុងហ្គោលី ជានិច្ចកាលយកចិត្តទុកដាក់និងគោរពទំនាក់ទំ
នងមិត្តភាពជាប្រពៃណីជាមួយវៀតណាម ហើយចាត់ទុកវៀតណាមជាប្រទេសមួយ
ក្នុងចំណោមដៃគូសំខាន់នៅក្នុងតំបន់អាស៊ីអាគ្នេយ៍។ រីឯខ្លួនវិញ វៀតណាម ក៏ជា
និច្ចកាលគោរពនិងយកចិត្តទុកដាក់ចំពោះទំនាក់ទំនងមិត្តភាពសហប្រតិបត្តិការ
ជាមួយម៉ុងហ្គោលី ។ ដោយមានស្មារតីនេះ វៀតណាមនិងម៉ុងហ្គោលី បានរក្សាដំណើរ
បំពេញទស្សនកិច្ចគ្រប់ជាន់ថ្នាក់ជាប្រចាំ។ ចាប់ពីឆ្នាំ ១៩៧៩មក វៀតណាមនិងម៉ុង
ហ្គោលី បានរៀបចំកិច្ចប្រជុំគណៈកម្មាធិការអន្តររដ្ឋាភិបាលចំនួន១៥លើក ជំរុញកិច្ច
សហប្រតិបត្តិការទ្វេភាគីអភិវឌ្ឍន៍ខ្លាំងក្លា។
ដូច្នេះ ដំណើរទស្សនកិច្ចលើកនេះរបស់នាយករដ្ឋមន្ត្រី លោក Nguyen Xuan
Phuc ជាឱកាសដើម្បីប្រទេសទាំងពីរផ្លាស់ប្តូរទិសដៅ និងវិធានការប្រសិទ្ធិភាព ដើម្បី
រក្សាទំនាក់ទំនងនយោបាយផង និងជំរុញកិច្ចសហប្រតិបត្តិការលើច្រើនវិស័យរវាង
ប្រទេសទាំងពីរទៀតផង។
អះអាងតួនាទីជាសមាជិកសកម្មរបស់ ASEM
បន្ទាប់ពីដំណើរបំពេញទស្សនកិច្ចនៅម៉ុងហ្គោលី នាយករដ្ឋមន្ត្រី លោក Nguyen
Xuan Phuc នឹងអញ្ជើញចូលរួមសន្និសីទជាន់ខ្ពស់អាស៊ី-អឺរ៉ុប (ASEM) លើកទី១១ នឹង
ប្រព្រឹត្តទៅនៅទីក្រុង Ulanbator នាថ្ងៃទី១៥និងទិី១៦កក្កដាឆ្នាំ២០១៦។ ដោយប្រធាន
បទ៖២០ឆ្នាំ ASEM ទំនាក់ទំនងដៃគូដើម្បីអនាគតតាមរយៈការតភ្ជាប់ សន្និសីទជាន់
ខ្ពស់ ASEM ទី១១ ជាឱកាសមួយ ដើម្បីវៀតណាមបន្តអនុវត្តគោលនយោបាយកិច្ច
ការបរទេសពហុបែបភាវូបនីយកម្ម ពហុទិសភាវូបនីយកម្ម ជំរុញការអនុវត្តផែនការ
ជាច្រើនដែលវៀតណាមផ្តើមគំនិត ក្នុងASEM។
ចំពោះវៀតណាម កិច្ចសហប្រតិបត្តិការ ASEM ជានិច្ចកាលមានអត្ថន័យសំ
ខាន់។ ២០ឆ្នាំកន្លងទៅ វៀតណាមជានិច្ចកាលជាសមាជិកសកម្ម មានការទទទួល
ខុសត្រូវ ចំពោះ ASEM ។
ទន្ទឹមនឹងកិច្ចសហប្រតិបត្តិការជិតស្និទ្ធិជាមួយសមាជិកទាំងឡាយ និងើសកម្ម
ចូលរួមក្នុងASEM នេះ ក៏នាំមកនូវផលប្រយោជន៍ជាក់ស្ដែងជាច្រើនសំរាប់វៀតណាម។
លោកស្រី Nguyen Thi Nguyet Nga ប្រធាននាយកដ្ឋានសហប្រតិបត្តិការសេដ្ឋកិច្ចព
ហុភាគី (ក្រសួងការបរទេសវៀតនាម) បានអោយដឹងថា៖
“ ចំពោះវៀតណាម សមាជិក ASEM ជាងពាក់កណ្ដាលជាដៃគូយុទ្ធសាស្ត្រ និង
ដៃគូលើគ្រប់ជ្រុងជ្រោយរបស់វៀតណាម។ ក្នុងវិស័យសេដ្ឋកិច្ច យើងឃើញថាការមាន
វត្តមានរបស់ប្រទេសក្នុងទ្វីបអាស៊ីនិងអឺរ៉ុបគឺធំធេងណាស់។ នាបច្ចុប្បន្ន មាន១៤កិច្ច
ព្រមព្រៀងក្នុងចំណោមកិច្ចព្រមព្រៀងទាំង១៦ដែលវៀតណាមចុះហត្ថលេខា ឬចរចារ
ជាដៃគូ ASEM បង្កើតឡើងទីផ្សារធំទូលាយមួយសំរាប់អង្គភាពអាជីវកម្ម ក៏ដូចជា
ឱកាសសិក្សារៀនសូត្រសំរាប់ប្រជាជន។”
វៀតណាមកំពុងឈានចូលក្នុងដំណាក់កាលអភិវឌ្ឍន៍ថ្មី។ បណ្ដាដៃគូអាស៊ី-អឺរ៉ុប
និយាយរួមនិងវេទិកា ASEM និយាយដោយឡែក មានអត្ថន័យកាន់តែសំខាន់ពីមួយ
ថ្ងៃទៅមួយថ្ងៃ ក្នុងបុព្វហេតុផ្លាស់ប្តូរថ្មី អភិវឌ្ឍន៍ និងធ្វើសមាហរណកម្មអន្តរជាតិ របស់ វៀតណាម ដូចជាការអះអាងរបស់ឧបនាយករដ្ឋមន្ត្រី និងជារដ្ឋមន្ត្រីការបរទេសវៀត ណាម លោក Pham Binh Minh ៖
“ ការទទួលរៀបចំ APEC ឆ្នាំ ២០១៧ ការសម្រាចរួចរាល់ការសន្យាចូលរួម WTO
នាឆ្នាំ២០១៨ និងការសន្យា FTA ជំនាន់ថ្មី ទទួលដំណែងជាប្រធានអាស៊ាន នាឆ្នាំ
២០២០ និងបេក្ខជនចុះឈ្មោះជាសមាជិកក្រុមប្រឹក្សាសន្តិសុខ អង្គការសហប្រជាជាតិអាណត្តិ ២០២០-២០២១ បានអះអាងនូវការប្តេជ្ញាចិត្តខ្លាំងក្លារបស់វៀតណាម ក្នុងដំ
ណើរធ្វើសមាហរណកម្មអន្តរជាតិ។ ក្នុងការខំប្រឹងប្រែងរួមនេះ វៀតណាមសន្យារួមដំ
ណើរជាមួយសមាជិកទាំងឡាយដើម្បី រួមចំណែកកសាងសហគមន៍ ASEM។”
ដំណើរទស្សនកិច្ចនៅម៉ុងហ្គោលី និងការចូលរួមសន្និសីទកំពូល ASEM ១១ របស់
នាយករដ្ឋមន្ត្រី លោក Nguyen Xuan P huc លើកនេះនឹងរួមចំណែកអនុវត្តគោលមា
គា៍កិច្ចការបរទេសបើកទូលាយ ដែលបានមហាសន្និបាតបក្ស លើកទី១២ បានដាក់
ចេញ រួមចំណែកជំរុញទំនាក់ទំនងរវាងប្រទេសទាំងពីរវៀតណាមនិងម៉ុងហ្គោលី ក៏
ដូចជាការតភ្ជាប់ទ្វីបទាំងពីរអាស៊ីនិងអឺរ៉ុប ជំរុញសន្តិភាព ភាពសម្បូរុងរឿង និង
និរន្តរភាពនៅក្នុងតំបន់និងលើពិភពលោក៕