(VOV)_ប្រព័ន្ធខែលការពារកាំជ្រូចរបស់អាមេរិកនៅអឺរ៉ុប ត្រូវបានដាក់អោយ
ដំណើរការនាពេលថ្មីៗនេះ ក្រោយរយៈពេលជិត១ទសវត្ស៍កសាងផែនការ ធ្វើអោយទំ
នាក់ទំនងរវាងរុស្ស៊ីនិងអឺរ៉ុបបន្តបង្កើនការខ្វែងគំនិត។ មិនអើពើដល់ការព្រមានពី
រុស្ស៊ី ក៏ដូចជាការព្រមព្រៀងនុយគ្លេអ៊ែរមានចរិតលក្ខណះប្រវត្តិសាស្ត្ររវាងប្រទេស
មហាអំណាចជាមួយអ៊ីរ៉ង់នាពេលថ្មីៗនេះ កាយវិការនេះរបស់អាមេរិកអាចគំរាមគំ
ហែងដល់សន្តិភាពនៅអឺរ៉ុបនិងប្រទេសផ្សេងៗទៀត។
 |
| ប្រព័ន្ធការពារកាំជ្រួចនៅទ្វីបអឺរ៉ុបមិននាំមកនូវស្ថិរភាពនិងសន្តិភាពឡើយ |
`ប្រព័ន្ធការពារកាំជ្រួចនៅទ្វីបអឺរ៉ុប ត្រូវបានអាមេរិកផ្តើមគំនិតពីបណ្ដាឆ្នាំ៨០
ដោយមានគោលដៅគឺទប់ទល់នឹងសូវៀត។ បន្ទាប់ពីសង្គ្រាមត្រជាក់បានបញ្ចប់ ផែន
ការនេះត្រូវបានផ្អាក និងបានបង្កើតឡើងវិញនាឆ្នាំ ២០០៧ ដោយមានគោលដៅគឺទ
ប់ទលនឹងកាំជ្រូចពីអ៊ីរ៉ង់។ ប៉ុន្តែផែនការនេះត្រូវប្រឈមមុខនឹងការប្រឆាំងជំទាស់ពី
រុស្ស៊ី និងត្រូវផ្អាក់ជាថ្មីម្តង់ទៀត។ ដល់ឆ្នាំ ២០០៩ ប្រធានាធិបតីអាមេរិក លោក Barack
Obama បានបន្តអនុវត្តប្រព័ន្ធនេះ ដើម្បីការពារសម្ព័ន្ធមិត្ត NATO នៅអឺរ៉ុប ទប់ទល់
នឹងការគំរាមគំហែងកាំជ្រូចពីអ៊ីរ៉ង់ និងសាធារណរដ្ឋ ប្រជាធិបតេយ្យ ប្រជាមានិតកូរ៉េ។
បង្កើនភាពតានតឹងដោយសារប្រព័ន្ធការពារកាំជ្រូចនៅអឺរ៉ុប
ក្នុងសប្ដាហ៍មុននេះ មជ្ឈដ្ឋានមន្ត្រីអាមេរិកនិង NATO បានប្រកាសថា៖បាន
ត្រៀមខ្លួនជាស្រេចអនុវត្តប្រព័ន្ធការពារកាំជ្រូចនេះ នៅមូលដ្ឋានសិកអាកាស
Deveselu ភាគខាងត្បូងប្រទេស Romania។ ទន្ទឹមនឹងនោះ អាមេរិកក៏បានដាក់
ពង្រាយប្រព័ន្ធការពារកាំជ្រូចទីពីរ នៅប្រទេសប៉ូឡូញ។ តាមគំរោង មូលដ្ឋាននេះ
នឹងដាក់អោយដំណើការនាឆ្នាំ ២០១៨។
ក្នុងពេលដែលភាគីអាមេរិក បានអះអាងថា៖ការដាក់ពង្រាយប្រព័ន្ធការពារ
កាំជ្រូចនេះគឺដើម្បីទប់ទល់នឹងការគំរាមគំហែងពីអ៊ីរ៉ង់ក្តី ប៉ុន្តែ ប្រធានាធិបតីរុស្ស៊ី
លោក Vladimir Putin នៅអះអាងថា៖ ប្រព័ន្ធការពារកាំជ្រូចនេះឆ្ពោះទៅរុស្ស៊ី ជាក់
ស្ដែងគឺតម្រង់ទៅលើឃ្លាំងអាវុធនុយគ្លេអ៊ែររបស់រុស្ស៊ី។ ហើយតបតវិញអំពើរនេះរបស់
អាមេរិក រុស្ស៊ីបានបំពេញបន្ថែមកងពលធំចំនួន៣ នៅតំបន់ភូមិភាគខាងលិច
និងភូមិភាគខាងត្បូងប្រទេសនេះ ហើយប្រកាសថា៖ រុស្ស៊ីនឹងធ្វើអោយប្រព័ន្ធការ
ពារនេះគ្មានប្រសិទ្ធិភាព។
ជៀសវាងការប្រកួតប្រជែងសព្វាវុធដើម្បីស្ថិរភាពនិងសន្តិភាពរួម
ពីមុនមក គ្មានពេលណាដែលរុស្ស៊ីយល់ព្រមអំពីការវត្តមានរបស់ប្រព័ន្ធការពារ
កាំជ្រូចដូច្នេះ នៅអឺរ៉ុបខាងកើតទេ។ និងនាបច្ចុប្បន្ន រុស្ស៊ីក៏មានប្រតិកម្មខ្លាំងក្លា
ចំពោះកម្មវិធីនេះដែរ។
ការព្រួយបារម្ភរបស់រុស្ស៊ីអំពីបញ្ហាសន្តិសុខនេះជាប្រការចាំបាច់ដែរ។ ពីព្រោះ
នាបច្ចុប្បន្ន ទំនាក់ទំនងរវាងបណ្ដាប្រទេសលោកខាងលិច និងអ៊ីរ៉ង់កំពុងមាន
បំរ៉ែបំរូលជាសារវ័ន្ត។ ក្នុងពេលជាមួយគ្នានោះ ប្រព័ន្ធនេះរបស់ NATO មិនគ្រាន់
តែមានសមត្ថភាពការពារប៉ុណ្ណោះទេ ថែមទាំងអាចវាយប្រហារទៀតផង ហើយ
បានដាក់ពង្រាយជិតនឹងរុស្ស៊ីទៀតផងដែរ។ ទោះបីជាបានប្រកាសថាមិនចូល
រួមការរត់ប្រណាំងសព្វាវុធជាមួយអាមេរិកនិងប្រទេសលោកខាងលិចទេ ប៉ុន្តែ
អ្នកវិភាគជាច្រើនបានសង្កត់ធ្ងន់ថា៖ ប្រការនេះមិនអាចជៀសវាងបានឡើយ។
ក្នុងស្ថានភាពជាក់ស្ដែង រុស្ស៊ីកំពុងមានផែនការផលិតកម្មកាំជ្រូចទំនើបៗជា
ច្រើនប្រភេទ និងប្រមូលផ្តុំវិនិយោគជាច្រើនចំពោះរថក្រោះ យន្តហោះបំបាំង
កាយ និងទាហានជាច្រើនទៀតផង។
ក្នុងសភាពការណ៍ដែលទំនាក់ទំនងរវាងរុស្ស៊ីនិងអាមេរិកកាន់តែតានតឹង
ឡើងៗ ដោយសារបញ្ហាអ៊ុយក្រែននោះ កាយវិការរបស់អាមេរិក និងប្រតិកម្មខ្លាំង
ក្លារបស់រុស្ស៊ី ចំពោះប្រព័ន្ធការពារកាំជ្រូចនៅទ្វីបអឺរ៉ុប អាចបង្កើតឡើងការរត់ប្រ
ណាំងសព្វាវុធថ្មីលើទូទាំងពិភពលោកដែរ។ សាធារណៈមតិមានគោលបំណងថា៖
បណ្ដាបញ្ហានៅក្នុងវិស័យការពារកាំជ្រូចនឹងបានដោះស្រាយតាមរយៈការចរចារ
រវាងអាមេរិក និងរុស៊្សី ដើម្បីស្ថិរភាព សន្តិភាពរួមរបស់ប្រទេស និងប្រជាជាតិ
ទាំងឡាយ៕