(VOV)_នាថ្ងៃទី៥កញ្ញា កិច្ចព្រមព្រៀងពាណិជ្ជកម្មសេរីវៀតណាម-សម្ព័ន្ធសេដ្ឋកិច្ច
អាស៊ី-អឺរ៉ុប (EAEU) បានចូលជាធរមាន។ នេះគឺជារបតសំខាន់របស់វៀតណាម ដោយ
សារទីផ្សាររុស្ស៊ីនិងប្រទេសចំនួន៤ទៀតក្នុងសម្ព័ន្ធមានទំនាក់ទំនងបំពេញបន្ថែមសំ
រាប់វៀតណាម។ វៀតណាមបានត្រៀមខ្លួនជាស្រេចទទួលឱកាស និងទប់ស្កាត់ការលំបាក
សាកល្បង ក្នុងពេលកិច្ចព្រមព្រៀងបានអនុវត្ត។
 |
| ត្រៀមខ្លួនជាស្រេចទទួលឱកាសពីកិច្ចព្រមព្រៀងពាណិជ្ជកម្មវៀតណាម-សម្ព័ន្ធសេដ្ឋកិច្ចអាស៊ី-អឺរ៉ុប |
កិច្ចព្រមព្រៀងពាណិជ្ជកម្មសេរីរវាងវៀតណាម-សម្ព័ន្ធសេដ្ឋកិច្ចអាស៊ី-អឺរ៉ុបនិងប្រ
ទេសជាសមាជិកនានា រួមមាន៖រុស្ស៊ី បេឡារុស កាហ្សាក់ស្តង់ អាមេនី និងកៀហ្ស៊ីស៊ីស្ថាន
ត្រូវបានចាប់ផ្តើមចរចារពីខែមិនាឆ្នាំ២០១៣។ កិច្ចព្រមព្រៀងនេះត្រូវបានចុះហត្ថលេ
ខានាថ្ងៃទី២៩ឧសភាឆ្នាំ២០១៥នៅប្រទេសកាហ្សាក់ស្តង់ ។
កិច្ចព្រមព្រៀងនេះរួមមានបណ្ដាកាតព្វកិច្ចសំរាប់ភាគីទាំងពីរ ស្ដីអំពីសេរីភាព
ភាវូបនីយកម្មទ្វេភាគី ក្នុងវិស័យពាណិជ្ជកម្ម សេវាកម្ម អនុវត្តការវិនិយោគ និងធ្វើដំ
ណើររបស់ប្រជាជន។ ភាគីទាំងពីរបានសន្យាបើកទូលាយទីផ្សារ ដោយមានការកាត់
បន្ថយពន្ធពី៨៧,៤% ដល់៩៥,៧%។ ក្នុងនោះ មុខទំនុញមានឧត្តមភាពរបស់វៀត
ណាមត្រូវផ្តល់អាទិភាពជាច្រើន។
ឱកាសជាច្រើនសំរាប់ការនាំចេញរបស់វៀតណាម
ដោយមានបរិមាណពន្ធជិត៩០%ត្រូវបានកាត់បន្ថយ ជាឧត្តមភាពធំមួយសំរាប់
អង្គភាពអាជីវកម្មវៀតណាម ក្នុងការប្រកួតប្រជែងជាមួយប្រទេសផ្សេងៗ។ ឧទាហរណ៍
ក្នុងវិស័យកាត់ដេរ ទំនិញមុខព្រួញរបស់វៀតណាម ពន្ធ៨២%ត្រូវបានកាត់បន្ថយ ហើយ
ក្នុងនោះពន្ធ៣៦% ត្រូវបានលុចោល ចាប់ពីពេលកិច្ចព្រមព្រៀងចូរជាធរមាន។ តាម
ការព្យាករណ៍ថា៖កិច្ចព្រមព្រៀងនេះនឹងលើកកំពស់ទំហំពាណិជ្ជកម្មរវាងភាគីទាំងពីរ
ពី៧០០លានដុល្លារអាមេរិក នាបច្ចុប្បន្នដល់មួយពាន់លានដុល្លារអាមេរិក ក្នុងរយៈ
ពេល១-២ឆ្នាំខាងមុខនេះ។ លោក Bui Huy Son ប្រធាននាយកដ្ឋានពន្លឿនពាណិជ្ជ
កម្ម (ក្រសួងឧស្សាហ-ពាណិជ្ជកម្ម) បានវាយតំលៃថា៖
“ នេះគឺជាឧត្តមភាពធំមួយ ដោយយើងមិនចាំបាច់ប្រកួតប្រជែងជាមួយដៃ
គូនានានៅប្រទេសមិត្ត។ តំបន់បណ្ដាប្រទេសចូលរួមសេដ្ឋកិច្ចអាស៊ី-អឺរ៉ុបមាន៥ប្រទេស
ដោយមានអ្នកប្រើប្រាស់ចំនួន១៨២លាននាក់ និងខឿនសេដ្ឋកិច្ចមានតំលៃ ២២០០
ពាន់លានដុល្លារអាមេរិក។ ប្រការទីពីរ ក៏ដើរតួនាទីសំខាន់ នោះគឺឱកាសដើម្បីយើង
ទាក់ទាញទុនវិនិយោគ និងបច្ចេកវិទ្យា។”
ឯកភាពជាមួយទស្សនះនេះ លោក Dang Hoang Hai ប្រធាននាយកដ្ឋានទីផ្សារ
អឺរ៉ុប (ក្រសួងឧស្សាហ ពាណិជ្ជកម្ម)បានអះអាងថា៖ សម្ព័ន្ធសេដ្ឋកិច្ចអាស៊ី-អឺរ៉ុប (EAEU)
ជាទីផ្សារមួយពោពេញទៅដោយសក្ដានុភាព និងសមស្របជាមួយផលិតផលមានឧត្តម
ភាពខ្លាំងរបស់វៀតណាម។ជាងនោះទៀត វៀតណាមជាដៃគូចុះហត្ថលេខាលើកិច្ចព្រម
ព្រៀងពាណិជ្ជកម្មសេរីលើកដំបូងជាមួយសម្ព័ន្ធនេះ ដូច្នេះ ឱកាសសំរាប់អង្គភាពអាជីវកម្មវៀតណាមគឺធំធេងណាស់។ តាមការព្យាករណ៍ កិច្ចព្រមព្រៀងពាណិជ្ជកម្មសេរី រវាង
វៀតណាមនិងសម្ព័ន្ធសេដ្ឋកិច្ចអាស៊ី-អឺរ៉ុប (EAEU) ចាប់ផ្តើមមានសុពលភាពនិងជួយ
លើកកំពស់ទំហំពាណិជ្ជកម្មទ្វេភាគីពី៤ពាន់លានដុល្លារអាមេរិក នាបច្ចុប្បន្ន ឡើងដល់៨-១០ពាន់លានដុល្លារអាមេរិក។
អង្គភាពអាជីវកម្មម្ចាស់ការក្តាប់ជាប់ឧត្តមភាព
នាបច្ចុប្បន្ន អង្គភាពអាជីវកម្មចំនួន៩៤០ បានចូលរួមការនាំចេញទៅសម្ព័ន្ធសេដ្ឋ
កិច្ចអាស៊ី-អឺរ៉ុប ស្មើនឹង៩០%តំលៃនាំចេញ ហើយប្រមូលផ្តុំទៅលើមុខទំនិញមួយចំនួន ដូចជា៖ ជលផល កាហ្វេ តែ អង្ករ និងស្បែកជើង។ ដើម្បីទទួលឧត្តមភាពនានាដោយ
កិច្ចព្រមព្រៀងនេះនាំមក អង្គភាពអាជីវកម្មវៀតណាមជាច្រើន បានខំប្រឹងប្រែង
ត្រៀមរៀបចំអោយឱកាសនេះ ចាប់ពីការចរចារកិច្ចសន្យាដល់ការទាក់ទងនឹងទីផ្សារ។
លោក Dinh Tuan Anh នាយកក្រុមហ៊ុនភាគហ៊ុន Ladoza បានអោយដឹងថា៖
“ ដើម្បីទទួលឱកាសពីកិច្ចព្រមព្រៀងណាណិជ្ជកម្មសេរីរវាងវៀតណាម និងសម្ព័ន្ធ
សេដ្ឋកិច្ចអាស៊ី-អឺរ៉ុប ក្រុមហ៊ុនយើងខ្ញុំបានប្រមូលផ្តុំនាំចូលវត្ថុធាតុដើមស្បែកពីឥណ្ឌា
និងសម្ភារះ ម៉ាស៊ីន ដោយមានពន្ធ០%។ នាបច្ចុប្បន្ន យើងខ្ញុំកំពុងស្វែងរកដៃគូបរទេស
នានាដូចជា ម៉ិកស៊ិក…ជាដើម។”
កិច្ចព្រមព្រៀងពាណិជ្ជកម្មវៀតណាម-សម្ព័ន្ធសេដ្ឋកិច្ចអាស៊ី-អឺរ៉ុបចាប់មានសុពល
ភាព ជាឱកាសធំមួយសំរាប់ភាគីទាំងឡាយ។ ប្រការនេះមិនគ្រាន់តែជំរុញទំនាក់ទំនង
ពាណិជ្ជកម្មទ្វេភាគីប៉ុណ្ណោះទេ ថែមទាំង រួមចំណែកពង្រឹងនិងពង្រីកទំនាក់ទំនងសហ
ប្រតិបត្តិការរវាងវៀតណាម ជាមួយ៥ប្រទេសជាសមាជិកសម្ព័ន្ធទៀតផង៕