(VOV)_នាយករដ្ឋមន្ត្រីវៀតណាម លោក Nguyen Xuan Phuc កំពុងមានដំណើរ
បំពេញទស្សនកិច្ចនៅចិន អញ្ជើញចូលរួមសន្និសីទកំពូលពាណិជ្ជកម្ម និងវិនិយោគ ចិន
-អាស៊ាននិងផ្សារណាត់ ចិន-អាស៊ាន លើកទី១៣។ ក្នុងសភាពការសហគមន៍សេដ្ឋកិច្ច
អាស៊ាន ត្រូវបានបង្កើត ឱកាសសហប្រតិបត្តិការកំពុងបើកចេញសំរាប់ទាំងអាស៊ាន
និងចិន និយាយរួម និងចំពោះប្រទេសនិមួយៗនិយាយដោយឡែកដែលក្នុងនោះមាន
វៀតណាមផង។
 |
| ឆ្លៀតយកឱកាសថ្មីដើម្បិអភិវឌ្ឍន៍សេដ្ឋកិច្ច ពាណិជ្ជកម្មវៀតណាម-ចិន |
វៀតណាមនិងចិនបានប្រក្រតីទំនាក់ទំនងចាប់ពីខែវិច្ឆកាឆ្នាំ១៩៩១មកហើយពី
នោះ ទំនាក់ទំនងពាណិជ្ជកម្ម វិនិយោគរវាងប្រទេសទាំងពីរ ត្រូវបានស្ដាឡើងវិញលឿន
និងអភីវឌ្ឍន៍ពីមួយថ្ងៃទៅមួយថ្ងៃ។
បណ្ដាតួរលេខគួរអោយចាប់អារម្មណ៍
២៥ឆ្នាំកន្លងទៅ ទំហំពាណិជ្ជកម្មរវាងវៀតណាមនិងចិន បានកើនជិតពីរពាន់
ដង ពីកំរិត ៣០លានដុល្លារអាមេរិក នាឆ្នាំ ១៩៩១ បានឡើងដល់ ៦៦ពាន់លានដុល្លារ
អាមេរិក នាឆ្នាំ ២០១៥។ គិតដល់បំណាច់ខែកក្កដា ឆ្នាំ ២០១៦ ទំហំពាណិជ្ជកម្មសរុប
រវាងវៀតណាមនិងចិន ទទួលបាន៣៨ពាន់លានដុល្លារអាមេរិក។ កើន១,២ % បើប្រៀប
នឹងរយពេលដូចគ្នា នាឆ្នាំ២០១៥។ ចិនជានិច្ចកាលជាមិត្តទំនិញពាណិជ្ជកម្មធំបំផុត
របស់វៀតណាមហើយវៀតណាមនាបច្ចុប្បន្នក៏ក្លាយទៅជាមិត្តទំនិញធំជាងគេរបស់ចិន
នៅអាស៊ីអាគ្នេយ៍ដែរ។ ភាគីទាំងពីរកំពុងខំប្រឹងប្រែងអនុវត្តវិធានការណ៍ផ្សេងៗ ដើម្បី
ជំរុញពាណិជ្ជកម្មទ្វេភាគីអភិវឌ្ឍន៍ខ្លាំងក្លាថែមទៀត លើកកំពស់ទំហំពាណិជ្ជកម្មទ្វេ
ភាគីទទួលអោយបាន១០០ពាន់លានដុល្លារអាមេរិក នាឆ្នាំ២០១៧។ ស្ដីអំពីការវិនិយោគ
ចិនកំពុងមានគំរោងការណ៍ចំនួន១៥០០ នៅវៀតណាម ដោយមានទឹកប្រាក់ចុះបញ្ជី
ចំនួនជិត១១ពាន់លានដុល្លារអាមេរិក ឈរលំដាប់ថ្នាក់ទី៩ ក្នុងចំណោម១១៦ប្រទេស
និងតំបន់ដែនដីបោះទុនវិនិយោគនៅវៀតណាម។ ការវិនិយោគរបស់ចិននៅវៀតណាម
បានកើនឡើងយ៉ាងលឿន ទាំងបរិមាណ ទ្រង់ទ្រាយ និងតំបន់វិនិយោគ។
បណ្ដាឱកាសថ្មី
ក្នុងសភាពការណ៍ថ្មី ខឿនសេដ្ឋកិច្ចចិនកំពុងឈានឡើង ជាខឿនសេដ្ឋកិច្ចមួយ
ក្នុងចំណោមខឿនសេដ្ឋកិច្ចជួរមុខលើពិភពលោក។ វៀតណាមក៏កំពុងធ្វើសមាហរណ
កម្មសេដ្ឋកិច្ចទូលំទូលាយនិងស៊ីជំរៅដោយមានការចូលរួមកិច្ចព្រមព្រៀងពាណិជ្ជកម្ម
សេរីជាច្រើន។ ហើយនាពេលថ្មីៗនេះ ធនាការពិភពលោក បានវាយតំលៃថា៖បរិយា
កាសវិនិយោគអាជីវកម្មនៅវៀតណាមបានកើន៣ថ្នាក់ ឈរលំដាប់ថ្នាក់ទី៥ ក្នុងចំ
ណោមប្រទេសអាស៊ានទាំង១០ ហើយខំប្រឹងប្រែងដល់ឆ្នាំ២០១៧ វៀតណាមនឹងចូល
ក្នុងTop ASEAN – 4 ។ប្រការទាំងនេះ កំពុងបើកចេញឱកាសសហប្រតិបត្តិការថ្មី។
ជាប្រទេសជិតខាងភូមិផងរបងជាមួយគ្នានោះ ហើយមានទំនាក់ទំនងជិតស្និ
ទ្ធិជាមួយចិន និងជាសមាជិកសកម្មក្នុងអាស៊ាន វៀតណាម កំពុងជំរុញខ្លាំងទំនាក់
ទំនងសហប្រតិបត្តិការជាមួយចិន។ដូច្នេះ វៀតណាមចូលរួមសន្និសីទកំពូលពាណិជ្ជ
កម្មនិងវិនិយោគចិន-អាស៊ាន និងផ្សារណាត់ចិន-អាស៊ាននេះជាឧទាហរណ៍មួយ។
នាយករដ្ឋមន្ត្រី លោក Nguyen Xuan Phuc បានអោយដឹងថា៖
“ វៀតណាមកំពុងខំប្រឹងប្រែងកសាងបរិយាកាសអាជីវកម្មបើកទូលាយតម្លារ
ភាពសំរាប់អង្គភាពអាជីវកម្មទាំងឡាយ ទាំងនៅក្នុងនិងក្រៅប្រទេស ដោយមានទិសស្លោក ជោគជ័យរបស់វិនិយោគិនជាជោគជ័យរបស់វៀតណាម។ វៀតណាមកំពុង
ប្រមូលផ្តុំកែទម្រង់បែបបទរដ្ឋបាល ដើម្បីលើកកំពស់ការប្រកួតប្រជែងដោះស្រាយ
ការលំបាកលំបិនក្នុងផលិតកម្ម អាជីវកម្ម ជំរុញការអភិវឌ្ឍន៍របស់អង្គភាពអាជីវកម្ម។”
ការមានវត្តមានរបស់អង្គភាពអាជីវកម្មចិនជាច្រើនជាសញ្ញារស់រវើក នៃកា
រយកចិត្តទុកដាក់របស់វិនិយោគិនចិនចំពោះវៀតណាម ។ ប្រការនេះត្រូវបានអ្នក
ប្រមុខរដ្ឋាភិបាលវៀតណាមវាយតំលៃខ្ពស់ ប៉ុន្តែលោកក៏បានអះអាងថា៖វៀតណាម
មិនទទួលបច្ចេកវិទ្យាអន់ខ្សោយ ហួសសម័យ ដើម្បីការពារបរិស្ថាន។ ទន្ទឹមនឹងនោះ
វៀតណាមក៏មានគោលបំណងថាវិនិយោគិនចិនវិនិយោគក្នុងវិស័យថាមពដែរ។ ស្ដី
អំពីបញ្ហានេះរដ្ឋមន្ត្រីក្រសួងឧស្សាហ ពាណិជ្ជកម្មវៀតណាម លោក Tran Tuan Anh បាន
អោយដឹងថា៖
“ចិនជាប្រទេសមួយមានបច្ចេកទេសខ្ពស់ អំពីប្រភពថាមពលកកើតឡើងវិញ
និងបច្ចេកទេសនានាក៏បានកំពុងកែលំអរ និងលើកកំពស់ប្រសិទ្ធិភាព កាត់បន្ថយ
ប្រាក់ចំណាយដែរ។គោលដៅរបស់វៀតណាមគឺដល់ឆ្នាំ២០៣០ អត្រាថាមពលកកើត
ឡើងវិញ កើនឡើង២០% ដូច្នេះ ឱកាសសំរាប់វិនិយោគិនបរទេសគឺច្រើនណាស់។“
ជាសមាជិកសកម្មរបស់សហគមន៍អាស៊ានវៀតណាមជានិច្ចកាលគោរព និង
គាំទ្រកិច្ចសហប្រតិបត្តិការអាស៊ាន-ចិន ត្រៀមខ្លួនជាស្រេចពង្រីកតួនាទីជាស្ពាន
តភ្ជាប់អាស៊ាននិងចិន រួមជាមួយប្រទេសអាស៊ានផ្សេងៗ ជំរុញខ្លាំងកិច្ចសហប្រតិ
បតិ្តការ លើគ្រប់វិស័យ រក្សាសន្តិភាពស្ថិរភាព ដើម្បីផលប្រយោជន៍របស់ភាគីទាំងឡាយ៕