ឯកអគ្គរដ្ឋទូតវៀតណាមប្រចាំកម្ពុជា លោក Nguyen Huy Tang (ឆ្វេង) អបអរសាទរក្រសួងការបរទេសកម្ពុជា ក្នុងឱកាសខួបលើកទី ៥៧ នៃទំនាក់ទំនងការទូត (រូបថត៖ Van Do, Tuan Anh/VOV-ភ្នំពេញ) |
ថ្លែងមតិនៅទីនេះ ឯកអគ្គរដ្ឋទូត Nguyen Huy Tang បានវាយតម្លៃខ្ពស់ចំពោះសមិទ្ធិផល និងការអភិវឌ្ឍរបស់ព្រះរាជាណាចក្រកម្ពុជានាពេលថ្មីៗនេះ។ លោកឯកអគ្គរដ្ឋទូតបានសង្កត់ធ្ងន់ថា ក្នុងបរិបទនៃការអភិវឌ្ឍយ៉ាងឆាប់រហ័ស ស្មុគស្មាញ និងមិនអាចទាយទុកជាមុនបាននៅក្នុងពិភពលោក និងក្នុងតំបន់ ជាពិសេសការប្រកួតប្រជែងដ៏ខ្លាំងក្លារវាងប្រទេសធំៗ ទាមទារឱ្យមានការសាមគ្គីភាព ហើយវៀតណាមនិងកម្ពុជាត្រូវរឹតបន្តឹងទំនាក់ទំនងឲ្យកាន់តែខ្លាំងក្លារថែមទៀត។
គណៈប្រតិភូស្ថានទូត និងទីភ្នាក់ងារតំណាងវៀតណាមមួយចំនួនប្រចាំនៅកម្ពុជា អបអរសាទរក្រសួងការបរទេសកម្ពុជា ក្នុងឱកាសខួបលើកទី ៥៧ នៃទំនាក់ទំនងការទូត (រូបថត៖ Van Do, Tuan Anh/VOV-ភ្នំពេញ) |
រីឯខ្លួនវិញ រដ្ឋលេខាធិការលោក អ៊ុង រចនា បានសង្កត់ធ្ងន់ថា ប្រទេសទាំងពីរត្រូវបន្តសាមគ្គី និងសហការយ៉ាងជិតស្និទ្ធ ដើម្បីធ្វើឲ្យបរាជ័យ រាល់ឧបាយកលបំផ្លិចបំផ្លាញប្រទេសនីមួយៗ និងទំនាក់ទំនងនៃប្រទេសទាំងពីរ; បន្តរក្សាការគាំទ្រ និងជួយគ្នាទៅវិញទៅមកនៅវេទិកាពហុភាគី។ នាពេលខាងមុខ ភាគីទាំងពីរមានការសម្របសម្រួលរៀបចំឱ្យមានដំណើរទស្សនកិច្ចរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ក៏ដូចជារៀបចំកិច្ចប្រជុំលើកទី ២១ នៃគណៈកម្មាធិការចម្រុះវៀតណាម-កម្ពុជា ស្តីពីកិច្ចសហប្រតិបត្តិការសេដ្ឋកិច្ច វិទ្យាសាស្ត្រ និងបច្ចេកទេសនៅកម្ពុជា៕