យោងតាមការសិក្សាជាច្រើន ទីផ្សារទូទាត់ឌីជីថលដែលកំពុងរីកចម្រើនរបស់អាស៊ាន ត្រូវបានរំពឹងថា នឹងឈានដល់ ២ពាន់ពាន់លានដុល្លារ គិតតាមតម្លៃប្រតិបត្តិការនៅឆ្នាំ ២០៣០។

បច្ចុប្បន្ននេះ បណ្តាប្រទេសអាស៊ានកំពុងមានការរីកចម្រើនគួរឱ្យកត់សម្គាល់ក្នុងការតភ្ជាប់ការទូទាត់ក្នុងតំបន់ និងការលើកកម្ពស់ការប្រើប្រាស់រូបិយប័ណ្ណក្នុងស្រុក។ ប្រទេសឥណ្ឌូនេស៊ី សិង្ហបុរី ម៉ាឡេស៊ី ថៃ និងហ្វីលីពីនបានចុះហត្ថលេខាលើអនុស្សរណៈនៃការយោគយល់គ្នា ដោយផ្តល់អាទិភាពដល់ប្រព័ន្ធទូទាត់ឆ្លងប្រទេស ក្របខ័ណ្ឌទូទាត់រូបិយប័ណ្ណក្នុងស្រុក វេទិកាទូទាត់ឌីជីថល និងហិរញ្ញវត្ថុទូលំទូលាយ។ លើសពីនេះ ប្រទេសដូចជាប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម បានអនុវត្តក្របខ័ណ្ឌទូទាត់រូបិយប័ណ្ណក្នុងស្រុកទ្វេភាគីដោយផ្អែកលើគោលការណ៍ណែនាំរបស់អាស៊ាន។ ធនាគាររដ្ឋវៀតណាម និងធនាគារថៃ បានរួមគ្នាដាក់ឲ្យដំណើរការសេវាទូទាត់ប្រាក់ QR សម្រាប់ប្រតិបត្តិការឆ្លងដែន។ លើសពីនេះ ធនាគារឥណ្ឌូណេស៊ី និងអាជ្ញាធររូបិយវត្ថុសិង្ហបុរីក៏បានសហការគ្នាដើម្បីភ្ជាប់ការទូទាត់តាមរយៈ QR ឆ្លងព្រំដែន ដើម្បីពង្រឹងបន្ថែមទៀតនូវការតភ្ជាប់ការទូទាត់នៅអាស៊ានទាំងមូល៕