ប្រធានគណៈកម្មាធិការអឺរ៉ុបលោកស្រី Ursula von der Leyen

ថ្លែងមតិទៅកាន់សមាជិកសភាអឺរ៉ុបក្នុងសម័យប្រជុំពេញអង្គ នៅទីក្រុង ប្រ៊ុចសែល នាថ្ងៃទី ១៣ ខែឧសភា លោកស្រី Ursula von der Leyen បានប្រកាស នូវព័ត៌មានជាបន្តបន្ទាប់ ពាក់ព័ន្ធនឹងមូលនិធិស្តារឡើងវិញដែលមានតម្លៃរាប់ពាន់លាន អឺរ៉ូដែលសហភាពអឺរ៉ុប ត្រៀមបើក ដើម្បីស្តារសេដ្ឋកិច្ចក្នុងតំបន់ បន្ទាប់ ពីការរីករាលដាល នៃជំងឺរាតត្បាត COVID-19។

ប្រការគួរឲ្យកត់សម្គាល់បំផុតមួយគឺ យោងទៅតាមលោកស្រី Ursula von der Leyen គឺការដែល គណៈកម្មការអឺរ៉ុបនឹងបង្កើតយន្តការថ្មីទាំងស្រុង ដើម្បីជួយសម្រួលដល់ការវិនិយោគនៅក្នុងវិស័យយុទ្ធសាស្ត្រ ដើម្បីធានាថាសហភាពអឺរ៉ុបមានស្វ័យភាពយុទ្ធសាស្រ្តនាពេលអនាគត ចៀសវាងការពឹងផ្អែកខ្លាំងពេកទៅលើបណ្តាញផ្គត់ ផ្គង់ពិភពលោក៕