កុងតឺន័រដឹកទំនិញនៅអាមេរិក (រូបថត៖ ទីភ្នាក់ងារសារព័ត៌មានវៀតណាម) |
|
នាថ្ងៃទី ១៣ ខែសីហាតំណាងពាណិជ្ជកម្មអាមេរិកលោក Robert Lighthizer បានឲ្យដឹងថារដ្ឋាភិបាលអាមេរិកនឹងផ្អាកការតម្លើងពន្ធ ១០ ភាគរយលើទំនិញអេឡិចត្រូនិកដែលនាំចូលពីប្រទេសចិនរហូតដល់ថ្ងៃទី ១៥ ខែធ្នូខាងមុខ ប៉ុន្តែអាមេរិកនៅតែពន្លឿនផែនការតម្លើងពន្ធលើទំនិញចិន ដែលមានតម្លៃ ៣០០ ពាន់លានដុល្លារអាមេរិកចាប់ពីថ្ងៃទី ១ ខែកញ្ញា ខាងមុខ។
បន្ទាប់ពីការប្រកាសរបស់រដ្ឋាភិបាលអាមេរិកមក ទីផ្សារមូលបត្រនៅអាមេរិកនិងអឺរ៉ុបគឺសុទ្ធតែបានឡើងថ្លៃយ៉ាងខ្លាំងក្លា។ ទង្វើពោលខាងលើបានធ្វើឲ្យវិនិយោគិនមូលបត្រសង្ឈឹមថាអាចបន្ធូរស្រាលស្ថានភាពតានតឹងក្នុងសង្គ្រាមពាណិជ្ជកម្មដែលកំពុងកើតមានឡើងរវាងអាមេរិក និងចិនផងដែរ៕