 សកម្មភាពប្រយុទ្ធប្រឆាំងជំងឺរាតត្បាតកូវីដ ១៩ ((រូបថត៖ TTXVN)) |
Delta-Plus គឺជាវីរុសបំប្លែងខ្លួនថ្មី នៃវីរុស Delta ដែលបានរកឃើញជាលើកដំបូងនៅឥណ្ឌា។ សេចក្ដីព្រមាននេះត្រូវបាននាំចេញក្នុងបរិបទ ដែលប្រទេសអាស៊ីខាងត្បូងនេះ កំពុងរួចផុតពីរលកទី ២ នៃជំងឺកូវីដ ១៩ ជាបណ្ដើរៗ ខណៈពេលដែលចំនួនករណីឆ្លងជំងឺបានថយចុះយ៉ាងខ្លាំងក្លា។
ការព្រួយបារម្ភនេះផ្តើមចេញពីការពិតដែលថាបច្ចុប្បន្ននេះមានព័ត៌មានតិចតួចណាស់អំពីវីរុសបំប្លែងខ្លួន Delta Plus ដែលធ្លាប់មានវត្តមាននៅតាមប្រទេសចំនួន ៩ គឺ៖ សហរដ្ឋអាមេរិក ចក្រភពអង់គ្លេស ព័រទុយហ្កាល់ ស្វ៊ីស ជប៉ុន ប៉ូឡូញ រុស្ស៊ី ចិន និងឥណ្ឌា ។ ដូចជារីរុសបំប្លែងខ្លួន Delta ដែលបច្ចុប្បន្ននេះកំពុងឆ្លងរាលដាលនៅប្រទេសចំនួន ៨០ នោះ រីរុសបំប្លែងខ្លួន Delta Plus
ត្រូវបានចាត់ទុកថាមានលទ្ធភាពឆ្លងរាលដាលយ៉ាងខ្លាំងក្លា និងឆាប់រហ័ស។
សូមបញ្ជាក់ដែរថា គិតត្រឹមព្រឹកថ្ងៃទី ២៣ ខែមិថុនា ពិភពលោកទាំងមូលបានរកឃើញករណីឆ្លងជំងឺកូវិដ ១៩ សរុបជិត ១៨០ លាននាក់ ក្នុងនោះមានករណីស្លាប់ជិត ៣,៩ លាននាក់ ។ ប្រទេសដែលរងផលប៉ះពាល់យ៉ាងខ្លាំងក្លាបំផុតគឺសហរដ្ឋអាមេរិក បន្ទាប់មកគឺឥណ្ឌានិងប្រេស៊ីលផងដែរ៕