នាយករដ្ឋមន្ត្រីអង់គ្លេស Rishi Sunak ថ្លែងក្នុងសន្និសីទកាសែតនៅទីក្រុងឡុងដ៍ ថ្ងៃទី ២២ ខែមេសា ឆ្នាំ ២០២៤  (រូបថត៖ រ៉យទ័រ)

ថ្លែងទៅកាន់អ្នកសារព័ត៌មាន លោក Sunak បានឲ្យដឹងថា រដ្ឋាភិបាលអង់គ្លេសបានកក់យន្តហោះពាណិជ្ជកម្ម ហើយបុគ្គលិកដែលត្រូវបានបណ្តុះបណ្តាលចំនួន ៥០០ នាក់បានត្រៀមខ្លួនរួចជាស្រេច ដើម្បីដឹកជនចំណាកស្រុកទៅកាន់ប្រទេសរវ៉ាន់ដា។ នេះគឺជាផ្នែកមួយនៃគោលនយោបាយដែលលោកសង្ឃឹមថា អាចជួយគណបក្សការងាររបស់លោកទទួលបានការគាំទ្រពីអ្នកបោះឆ្នោតដែលកំពុងលំយោងក្នុងការបោះឆ្នោតនាពេលខាងមុខ។

លោក Sunak បានធ្វើសេចក្តីប្រកាសខាងលើក្នុងបរិបទដែលសេចក្តីព្រាងច្បាប់រវ៉ានដាត្រូវបានបញ្ជូនទៅសមាជិកសភាកាលពីថ្ងៃទី ២២ ខែមេសា ហើយលោកនាយករដ្ឋមន្ត្រី Sunak បានជំរុញយ៉ាងម៉ឺងម៉ាត់ឱ្យសេចក្តីព្រាងច្បាប់នេះអនុម័តនៅក្នុងរដ្ឋសភា បន្ទាប់ពីជួបប្រទះនឹងការបរាជ័យជាច្រើន រួមទាំងការប្រឈមមុខតុលាការ ក៏ដូចជាសេចក្តីព្រាងច្បាប់នេះត្រូវបានបញ្ជូនត្រឡប់ទៅវិញទៅមករវាងសភា និងព្រឹទ្ធសភា៕