ទិដ្ឋភាពនៃជំនួបរវាងឧបការីរដ្ឋមន្រ្តីក្រសួងការបរទេសវៀតណាម លោក Pham Quang Hieu និងអគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus (រូបថត៖ផ្តល់ជូនដោយក្រុមបេសកកម្មប្រតិភូវៀតណាមនៅហ្សឺណែវ) |
ក្នុងជំនួបនេះ លោក Pham Quang Hieu បានជូនដំណឹងអំពីការខិតខំប្រឹងប្រែងនិងវិធានការព្រមៗគ្នារបស់វៀតណាម និងកិច្ចសហប្រតិបត្តិការវៀតណាមនិង អាស៊ានក្នុងការបង្ការប្រឆាំងនិងគ្រប់គ្រងការឆ្លងរាលដាលនៃជំងឺ COVID-19 ។ លោកឧបការីរដ្ឋមន្ត្រីបានស្នើថាអង្គការសុខភាពពិភពលោកបន្តចែករំលែកព័ត៌មាន ផ្តល់ជំនួយខាងបច្ចេកទេសនិងផ្តល់ឧបករណ៍បរិក្ខាសុខាភិបាល ដើម្បីជួយបង្ការនិងគ្រប់គ្រងជំងឺរាតត្បាតនេះ។
រីឯខ្លួនវិញ អគ្គនាយកអង្គការសុខភាពពិភពលោក (WHO)លោក Tedros Adhanom បានវាយតម្លៃខ្ពស់ចំពោះការចាត់វិធានការជាច្រើនយ៉ាងប្រសិទ្ធភាពនិងទាន់ពេលវេលារបស់ប្រទេសវៀតណាម ជាពិសេសគឺការប្តេជ្ញាចិត្តខាងនយោបាយរបស់ថ្នាក់ដឹកនាំជាន់ខ្ពស់ និងការប្តេជ្ញាចិត្តយ៉ាងប្តូរផ្តាច់របស់ស្ថាប័ននិងមូលដ្ឋាននានា ក្នុងការជួយគ្រប់គ្រងជំងឺរាតត្បាត Covid-19 ផងដែរ។ លោក Tedros Adhanom ក៏បានអបអរសារទរចំពោះកិច្ចសហប្រតិបត្តិការរវាងបណ្តាប្រទេសសមាជិកអាស៊ាននិងវៀតណាមប្រកបដោយប្រសិទ្ធភាព ឮដោយបានចាត់ទុកថានេះគឺជាការងារដ៏សំខាន់ណាស់ដើម្បីរួមចំណែកដល់ការគ្រប់គ្រងជំងឺរាតត្បាត COVID-19 ក្នុងតំបន់ផងដែរ៕